Take a fresh look at your lifestyle.

భద్రాచలం వద్ద పెరుగుతున్న గోదావరి

గత వారం రోజులుగా కురుస్తున్న భారీ వర్షాల కారణంగా భద్రాచలం వద్ద గోదావరి నీటిమట్టం క్రమక్రమంగా పెరుగుతుంది. మంగళవారం సాయంత్రానికి 25 అడుగులు ఉన్న గోదావరి బుధవారం సాయంత్రానికి 29.5 అడుగులు చేరుకుంది. ఇది క్రమంగా పెరిగే అవకాశం ఉన్నట్లు అధికారులు తెలిపారు. ఇమరావతి నది పొంగి ప్రవహించడంతో నీటిని దిగువ భాగానికి వదలటం వలన భద్రాచలం వద్ద గోదావరి నీటిమట్టం  పెరుగుతుంది. తాలిపేరు ప్రాజెక్టులోకి నీరు ఎక్కువగా రావడంతో  గేట్లు ఎత్తివేసి దిగువ ప్రాంతానికి విడుదల చేస్తున్నారు. కురుస్తున్న భారీ వర్షాలకు భద్రాచలం డివిజన్‌లోని చర్ల, దుమ్ముగూడెం, ప్రాంతాల్లో భారీగా వర్షపు నీరు చేరుకుంది. వాగులు, వంకలు పొంగిపొర్లుతున్నాయి. మారుమూల గిరిజన ప్రాంతాల్లో రోడ్డు సౌకర్యాలు కూడా సరిగ్గా లేవు. భద్రాచలం పట్టణంలో కూడ జగదీష్‌ ‌కాలనీ, రెవెన్యూ కాలనీలలో వర్షపు నీరు ఇండ్లలోకి చేరుకుంది. దీని కారణంగా ఇండ్లలోని ప్రజలు బయటనే ఉండాల్సిన పరిస్థితి ఏర్పడింది. గోదావరి నీటి మట్టం కూడ క్రమంగా పెరుగుతూ గురువారం ఉదయానికి 30 అడుగులకు చేరుకునే అవకాశం కనపడుతుంది. ఎగువ ప్రాంతంలో భారీగా వర్షాలు కురుస్తుండటంతో వరదనీరు ఎక్కువగా  చేరుకుంటుంది. దీని కారణంగా భద్రాచలం వద్ద గోదావరి నీటి మట్టం పెరిగే అవకాశం కనపడుతంది. ఇప్పటికే శబరి నది పొంగిపొర్లడంతో గోదావరి నీటిని నిలిపివేసింది. దీని కారణంగానే భద్రాచలం వద్ద గోదావరి పెరుగుతుంది.

దేశవ్యాప్తంగా పలుచోట్ల భారీ వర్షాలు
కర్నాటక తీరప్రాంతాలకు హెచ్చరిక
దేశంలోని పలు చోట్ల రెండు నుంచి మూడు రోజుల పాటు తేలికపాటి నుంచి భారీ స్థాయి వర్షాలు కురుస్తాయని భారత వాతావరణ విభాగం(ఐఎండీ) తెలిపింది. వాయువ్య భారతదేశంలో ప్రధానంగా హిమాచల్‌ ‌ప్రదేశ్‌, ఉత్తరాఖండ్‌, ‌పంజాబ్‌, ‌హర్యానా, చండీగఢ్‌, ‌ఢిల్లీ, ఉత్తర ప్రదేశ్‌లోని పలు ప్రాంతాలలో భారీ నుండి అతి భారీ వర్షాలు కురుస్తాయని చెప్పింది. ఈ నెల 12 నుంచి 15 వరకు గుజరాత్‌, ‌తూర్పు రాజస్థాన్‌, ‌మధ్య భారతదేశంలోని కొన్ని ప్రాంతాలలో భారీ వర్షాలు, కొంకణ్‌, ఉత్తర గోవాలో అతి భారీ వర్షాలు కురుస్తామని ఐఎండీ పేర్కొంది. రాబోయే 24 గంటల్లో తూర్పు రాజస్థాన్‌, ఉత్తర ప్రదేశ్‌లోని కొన్నిచోట్ల మెరుపులు, ఉరుములతోపాటు తేలికపాటి నుంచి మాదిరి వర్షాలు కురుస్తాయని వెల్లడించింది. మరోవైపు 16 వరకు ఉత్తర కన్నడ, ఉడిపి, దక్షిణా కన్నడ జిల్లాల్లో భారీ నుంచి అతి భారీ వర్షాలు కురుస్తాయని కర్ణాటకలోని భారత వాతావరణ విభాగం తెలిపింది. ఈ నేపథ్యంలో తీరప్రాంత జిల్లాల్లో ఎల్లో అలెర్ట్ ‌జారీ చేసినట్లు పేర్కొంది.

Get real time updates directly on you device, subscribe now.

Leave a Reply

error: Content is protected !!