– మెడికవర్ హాస్పిటల్స్ ఫైనాన్షియల్ డిస్ట్రిక్ట్ , డాక్టిన్ అకాడమీ ఎంవోయూ
హైదరాబాద్, జూన్ 9 :ఆరోగ్య సంరక్షణ రంగంలో నైపుణ్యం కలిగిన మానవ వనరుల అభివృద్ధికి ప్రాధాన్యత ఇస్తూ మెడికవర్ హాస్పిటల్స్ ఫైనాన్షియల్ డిస్ట్రిక్ట్, డాక్టిన్ అకాడమీ మధ్య కీలకమైన అవగాహన ఒప్పందం (ఎంవోయూ) కుదిరింది. ఆరోగ్య విద్య, క్లినికల్ నైపుణ్యాల అభివృద్ధి, వృత్తిపరమైన శిక్షణ, అంతర్జాతీయ ప్రమాణాలకు అనుగుణమైన ఆరోగ్య సేవల అదింపును మరింత బలోపేతం చేయడమే ఈ భాగస్వామ్య ప్రధాన ఉద్దేశ్యం. ఈ ఒప్పందం ద్వారా ప్రాక్టీసింగ్ నర్సులు, అనుబంధ ఆరోగ్య నిపుణులు, టెక్నీషియన్లు, వైద్య సిబ్బందికి ప్రత్యేక అకడమిక్ కార్యక్రమాలు, నైపుణ్యాభివృద్ధి శిక్షణలు, సర్టిఫికేషన్ కోర్సులు, అబ్జర్వర్షిప్లు, వర్క్షాప్లు, నిరంతర వృత్తిపరమైన విద్యా కార్యక్రమాలు నిర్వహించనున్నారు. ఆరోగ్య రంగంలో రోజురోజుకూ చోటుచేసుకుంటున్న సాంకేతిక పురోగతి, ఆధునిక వైద్య విధానాలు, కొత్త ఆరోగ్య సవాళ్ల నేపథ్యంలో వైద్య నిపుణులు తమ జ్ఞానం, నైపుణ్యాలను నిరంతరం నవీకరించుకోవాల్సిన అవసరం ఉందని నిర్వాహకులు పేర్కొన్నారు. ఈ అవసరాన్ని దృష్టిలో ఉంచుకుని అనుభవజ్ఞులైన వైద్య నిపుణులు, రంగ నిపుణుల ఆధ్వర్యంలో అత్యున్నత ప్రమాణాలతో కూడిన శిక్షణా కార్యక్రమాలను అందించనున్నట్లు తెలిపారు. ఈ భాగస్వామ్యం ద్వారా ముఖ్యంగా లైసెన్స్ పొందిన నర్సులు మరియు అనుబంధ ఆరోగ్య నిపుణుల వృత్తిపరమైన ఎదుగుదల, క్లినికల్ సామర్థ్యాల పెంపుపై ప్రత్యేక దృష్టి సారించనున్నారు. దీని ఫలితంగా వారు ఉన్నత స్థాయి బాధ్యతలను సమర్థవంతంగా నిర్వహించడంతోపాటు దేశీయ, అంతర్జాతీయ ఆరోగ్య రంగాల్లో మెరుగైన ఉపాధి అవకాశాలను పొందగలరని పేర్కొన్నారు. అత్యవసర వైద్యం (Emergency Medicine), క్రిటికల్ కేర్, నర్సింగ్ ఎక్సలెన్స్, పేషెంట్ సేఫ్టీ, హెల్త్కేర్ క్వాలిటీ, నాయకత్వ నైపుణ్యాలు, ఆరోగ్య సాంకేతికత (Healthcare Technology), ప్రత్యేక వైద్య సేవలకు సంబంధించిన పలు అధునాతన శిక్షణ కార్యక్రమాలు ఈ ఒప్పందం కింద నిర్వహించబడతాయి. ఈ కార్యక్రమాలు ఆరోగ్య సంరక్షణ సిబ్బందిలో జీవితాంత విద్య సంస్కృతిని పెంపొందించడంతోపాటు వారి వృత్తిపరమైన సామర్థ్యాలను మరింత ఉన్నత స్థాయికి తీసుకెళ్లనున్నాయి. ఈ కార్యక్రమంలో మెడికవర్ హాస్పిటల్స్ రీజినల్ మెడికల్ హెడ్ డా. శ్రీవాస్తవ, మెడికల్ సూపరింటెండెంట్ డా. కిషోర్, డాక్టిన్ అకాడమీ ప్రతినిధి శ్రీ హర్ష్, రీజినల్ హెడ్ – ఎమర్జెన్సీ మెడిసిన్ డా. నయన్, సెంటర్ హెడ్ డా. స్వరూప్ పాల్గొన్నారు.
తెలుగు జాతీయ వార్తలు, ప్రత్యేక కథనాలు, ట్రెండింగ్ వీడియోలు కోసం Prajatantra వెబ్సైట్ ను సందర్శించండి. తాజా అప్డేట్స్ కోసం మా X (Twitter), Facebook, WhatsApp ఛానల్ ను ఫాలో కండి.. అలాగే మా ప్రజాతంత్ర, యూట్యూబ్ చానల్ ను సబ్ స్క్రైబ్ చేసుకోండి.. మీ అభిప్రాయాన్ని కామెంట్ రూపంలో పంచుకోండి. మీ స్నేహితులు, కుటుంబ సభ్యులతో షేర్ చేయడం మర్చిపోవద్దు.
