ఎన్నికల సంఘంపై పోరు మరింత ఉధృతం

– దిల్లీలో భారీ పోలీసు బందోబస్తు
– కాక్రోచ్ జనతా పార్టీ నేటి నిరసనకు అనుమతి నిరాకరణ
– రాహుల్, ప్రియాంకలపై ఎఫ్‌ఐఆర్‌లు
– పోలీసు ఆంక్షలపై సుప్రీంకోర్టులో విచారణ

ప్రజాతంత్ర ప్రత్యేక ప్రతినిధి, ప్రజాతంత్ర, న్యూదిల్లీ : ప్రధాన ఎన్నికల కమిషనర్ జ్ఞానేశ్ కుమార్ రాజీనామా డిమాండ్‌తో దేశవ్యాప్తంగా కొనసాగుతున్న నిరసనలు శుక్రవారం మరింత తీవ్రతరమయ్యాయి. రాహుల్ గాంధీ నేతృత్వంలోని ప్రతిపక్ష ‘ఇండియా’ కూటమి ఆందోళనలకు కొనసాగింపుగా, యువజన ఉద్యమ సంస్థ కాక్రోచ్ జనతా పార్టీ (సీజేపీ) నేడు  దిల్లీలో భారీ నిరసనకు సిద్ధమవుతోంది. నిరసనకు పోలీసులు అనుమతి నిరాకరించడంతో పాటు రైల్వే, మెట్రో రవాణాపై ఆంక్షలు ప్రకటించడం వివాదానికి దారి తీసింది.శుక్రవారం సుప్రీంకోర్టులోనూ ఈ అంశం ప్రస్తావనకు వొచ్చింది. శాంతియుత నిరసన హక్కుతోపాటు సామాన్య ప్రజల రాకపోకల హక్కును కూడా పరిగణనలోకి తీసుకోవాల్సి ఉంటుందని ధర్మాసనం పేర్కొంది. పోలీసులు విధించిన పరిమితులు ఎంతవరకు సమంజసమనే ప్రశ్నలను న్యాయస్థానం లేవనెత్తింది. అనుమతి నిరాకరించినా జంతర్‌మంతర్ వద్ద నిరసన కొనసాగిస్తామని కాక్రోచ్ జనతా పార్టీ వ్యవస్థాపకుడు అభిజీత్ దీప్కే స్పష్టం చేశారు. అరెస్టులు ఎదుర్కోవడానికి సిద్ధంగా ఉన్నామని ప్రకటించారు. పోలీసుల ఆంక్షలను ఆయన తీవ్రంగా విమర్శించారు. వేలాది మంది పోలీసులు, పారామిలిటరీ సిబ్బందిని మోహరిస్తు.. శుక్రవారం రాత్రి 9 గంటల నుంచి 57 మెట్రో స్టేషన్లలో ప్రవేశం, నిష్క్రమణ నిలిపివేయనున్నట్లు ప్రకటించారు. కొన్ని రైళ్లను కూడా రద్దు చేశారు. అక్టోబర్ 2 నుంచి గురువారం వరకు జరిగిన ఎన్నికల సంఘం వ్యతిరేక నిరసనలకు సంబంధించి దిల్లీ పోలీసులు మొత్తం 25 ఎఫ్‌ఐఆర్‌లు నమోదు చేసినట్లు వెల్లడించారు. వాటిలో రాహుల్ గాంధీ, ప్రియాంక గాంధీ పేర్లు కూడా ఉన్నాయని పోలీసులు తెలిపారు.

సుప్రీంకోర్టులో కీలక వాదనలు

దిల్లీలో విధించిన నిరసన ఆంక్షలపై సుప్రీంకోర్టులో శుక్రవారం వాదనలు జరిగాయి. ప్రధాన న్యాయమూర్తి జస్టిస్ సూర్యకాంత్ నేతృత్వంలోని ధర్మాసనం ముందు సీనియర్ న్యాయవాదులు కపిల్ సిబల్, అభిషేక్ మను సింఘ్వీ, ప్రశాంత్ భూషణ్, వృందా గ్రోవర్ తదితరులు ఆంక్షల తీవ్రతను ప్రస్తావించారు.మెట్రో స్టేషన్ల మూసివేత, రైళ్ల రద్దు, దిల్లీ సరిహద్దుల్లో తనిఖీలు సాధారణ ప్రజలను కూడా ఇబ్బందులకు గురిచేస్తాయని వాదించారు. మరోవైపు సొలిసిటర్ జనరల్ తుషార్ మెహతా శాంతిభద్రతల పరిరక్షణ కోసం చర్యలు తప్పనిసరని సమర్థించారు. జస్టిస్ జోయ్‌మాల్య బాగ్చి పోలీసు చర్యలు సమర్పించిన సమాచారం ఆధారంగా అసమానుపాతంగా కనిపిస్తున్నాయని వ్యాఖ్యానించారు. ఆంక్షల చట్టబద్ధతను పరిశీలించేందుకు సంబంధిత పోలీసు ఉత్తర్వులను సమర్పించాలని ధర్మాసనం కోరింది. ఇవి విచారణ సందర్భంగా చేసిన వ్యాఖ్యలు తుది తీర్పుగా పరిగణించరాదు. లీసులు, పారా మిలిటరీ సిబ్బందిని మోహరిస్తు శుక్రవారం రాత్రి 9 గంటల నుంచి 57 మెట్రో స్టేషన్లలో ప్రవేశం, నిష్క్రమణ నిలిపివేయనున్నట్లు ప్రకటించారు. కొన్ని రైళ్లను కూడా రద్దు చేశారు. ఈనెల‌ 2 నుంచి గురువారం వరకు జరిగిన ఎన్నికల సంఘం వ్యతిరేక నిరసనలకు సంబంధించి దిల్లీ పోలీసులు మొత్తం 25 ఎఫ్‌ఐఆర్‌లు నమోదు చేసినట్లు వెల్లడించారు. వాటిలో రాహుల్ గాంధీ, ప్రియాంక గాంధీ పేర్లు కూడా ఉన్నాయని పోలీసులు తెలిపారు.

దేశవ్యాప్తంగా కార్యకర్తల నిర్బంధాలపై ఆరోపణలు

కాక్రోచ్ జనతా పార్టీ ప్రతినిధి అశుతోష్ రాంకా వెల్లడించిన వివరాల ప్రకారం దేశవ్యాప్తంగా తమ కార్యకర్తలు, విద్యార్థి సంఘాల సభ్యులు, ఇతర అనుబంధ సంస్థలకు చెందిన కనీసం 10 వేల మందిని పోలీసులు అదుపులోకి తీసుకున్నారని ఆరోపించారు.గుజరాత్‌లో విద్యార్థులు, సామాజిక కార్యకర్తల ఇళ్లకు పోలీసులు వెళ్లడం, దిల్లీ నిరసనలో పాల్గొనబోమని రాతపూర్వక హామీలు కోరడం వంటి ఘటనలను చోటుచేసుకున్నాయి . పుణె నుంచి దిల్లీ వెళ్తున్న విద్యార్థులను కూడా అదుపులోకి తీసుకున్నట్లు ఉద్యమ నిర్వాహకులు తెలిపారు. ఎన్నికల సంఘం ప్రత్యేక సమగ్ర సవరణలో ఇప్పటివరకు దాదాపు 13 కోట్ల పేర్లు తొలగించినట్లు అధికారిక గణాంకాలు తెలియజేస్తున్నాయి. వీరిలో సుమారు 6.3 కోట్ల మంది ఇతర ప్రాంతాలకు వెళ్లినవారుగా, 3 కోట్ల మంది ఆచూకీ లేనివారుగా, 2.8 కోట్ల మంది మరణించినవారుగా వర్గీకరించారు. అర్హులైన వోటర్ల పేర్లు కూడా తొలగించారని ప్రతిపక్షాలు ఆరోపిస్తుండగా, అనర్హమైన, నకిలీ నమోదులను తొలగించడమే లక్ష్యమని ఎన్నికల సంఘం వివరిస్తోంది. తొలగించిన పేర్లన్నీ అర్హులైన వోటర్లవేనని నిర్ధారించే ఆధారాలు ప్రస్తుతం లేవు. రాహుల్ గాంధీ నేతృత్వంలోని ఇండియా కూటమి రాష్ట్రపతి ద్రౌపది ముర్మును కలిసి ఎన్నికల సంఘంపై తమ ఫిర్యాదులను సమర్పించాలని నిర్ణయించింది. కాంగ్రెస్ ప్రధాన కార్యదర్శి కేసీ వేణుగోపాల్ ప్రకారం, అక్టోబర్ 2న రాష్ట్రపతికి మొదటి లేఖ పంపగా, అక్టోబర్ 5న ప్రతినిధి బృందం పేర్లతో మరో విజ్ఞప్తి పంపారు. అక్టోబర్ 9 మధ్యాహ్నం 3 గంటలకు రాజ్యాంగ సదన్ సెంట్రల్ హాల్‌లో సమావేశమై తదుపరి కార్యాచరణపై నిర్ణయం తీసుకోవాలని ప్రతిపక్షాలు ప్రకటించాయి. అక్టోబర్ 7న ప్రతిపక్ష నిరసన సందర్భంగా మహిళా పోలీసు సిబ్బందిపై అనుచితంగా ప్రవర్తించారని, కొందరు గాయపడ్డారని సొలిసిటర్ జనరల్ తుషార్ మెహతా సుప్రీంకోర్టుకు తెలిపారు.బీజేపీ ప్రతినిధులు రాహుల్ గాంధీపై కూడా ఆరోపణలు చేశారు. ఈ ఆరోపణలు అధికారికంగా నిర్ధారణకు వచ్చిన వాస్తవాలు కావు. ప్రతిపక్షాలు పోలీసుల బలప్రయోగాన్ని విమర్శిస్తున్నాయి.

నేటి  దిల్లీ నిరసనపై ఉత్కంఠ 

నేడు ఉదయం నుంచి జంతర్‌మంతర్ వైపు నిరసనకారులు తరలివస్తారని సీజేపీ ప్రకటించింది. పోలీసులు మాత్రం అనుమతి లేదని స్పష్టం చేశారు. దిల్లీ సరిహద్దుల్లో తనిఖీలు, మెట్రో ఆంక్షలు, రైళ్ల రద్దు నేపథ్యంలో ఈ కార్యక్రమం ఎలా కొనసాగుతుందన్నది ఆసక్తికరంగా మారింది.

నిరసన ఉంద‌ని అన్నింటినీ నిలిపివేయొద్దు: సుప్రీంకోర్టు

దిల్లీలోని జంతర్ మంతర్ వద్ద సీజేపీ ఆధ్వర్యంలో శనివారం ఆందోళన చేపట్టనున్న నేపథ్యంలో ముందు స్తుగా జంతర్ మంతర్ సమీపంలోని పలు మెట్రో స్టేషన్లను, రైలు సర్వీసులను ప్రభు త్వం రద్దు చేస్తున్నట్లు ప్రకటించింది. ఈ అంశంపై సుప్రీంకోర్టు స్పందించింది. నిరస న ఉన్నంతమాత్రాన రైల్వే స్టేషన్లు, మెట్రో స్టేషన్లు మూసివేయడం సరికాదని కోర్టు అభిప్రాయపడింది. ఈ విషయాన్ని పునఃపరిశీలించాలని కేంద్ర ప్రభుత్వానికి సూచిం చింది. ఢిల్లీలో 57 మెట్రో స్టేషన్లు, ఇతర స్థానిక రైల్వే స్టేషన్లను ప్రభుత్వం మూసివే యనుంది. శుక్రవారం రాత్రి 9.00 గంటల నుంచే వీటిని మూసివేయనున్నారు. శనివారం కూడా పూర్తిగా మూసి ఉంటాయి. ఎటువంటి ఆందోళన, హింస తేలెత్త కుండా ఈ చర్యలు తీసుకుంటున్నట్లు ఢిల్లీ ప్రభుత్వం ప్రకటించింది. అయితే, ఈ నిర్ణయం వల్ల లక్షలాది ప్రజలు ఇబ్బందులు పడతారని సుప్రీంకోర్టు అభిప్రాయపడిం ది. ఈ అంశంపై సుప్రీంకోర్టు ప్రధాన న్యాయమూర్తి జస్టిస్ సూర్యకాంత్ ఆధ్వర్యంలోని ధర్మాసనం శుక్రవారం విచారణ జరిపింది. ఆందోళన కార్యక్రమాలు ఉన్నంతమాత్రాన అన్ని మెట్రో స్టేషన్లను మూసివేసి, రైల్వే సేవలు నిలిపివేయడం సరికాదని కోర్టు వ్యాఖ్యానించింది. ఇలా మూసివేయడం వల్ల గురుగ్రామ్, ఈస్ట్ ఢిల్లీ, సౌత్ దిల్లీ సహా ఇతర ప్రాంతాల నుంచి వచ్చే ప్రయాణికులు ఇబ్బంది పడతారని కోర్టు అభిప్రాయపడింది. ప్రజా రవాణా వ్యవస్థను మొత్తం నిలిపివేయకూడదని, ప్రత్యామ్నాయా ఏర్పాట్లు చేయాలని ప్రభుత్వానికి సూచించింది. ఇదే సమయంలో పౌరుల భద్రత విషయంలో రాజీ పడకూడదని సూచించింది. దీనిపై ప్రభుత్వం తరపున సొలిసిటర్ జనరల్ స్పందిస్తూ ఈ విషయంపై ప్రభుత్వంతో చర్చిస్తామని హామీ ఇచ్చారు.

తెలుగు జాతీయ వార్తలు, ప్రత్యేక కథనాలు, ట్రెండింగ్ వీడియోల కోసం మా Prajatantra వెబ్‌సైట్ ను సందర్శించండి. తాజా అప్‌ డేట్స్  కోసం  మా  X (Twitter), Facebook, WhatsApp ఛానల్ ను ఫాలో కండి.. అలాగే మా ప్రజాతంత్ర, యూట్యూబ్ చానల్ ను సబ్ స్క్రైబ్ చేసుకోండి..  మీ అభిప్రాయాన్ని కామెంట్ రూపంలో పంచుకోండి . మీ స్నేహితులు, కుటుంబ సభ్యులతో షేర్ చేయడం మర్చిపోవద్దు