బడి ముఖమే తెలియని
గొప్ప విద్యావేత్త.
దేశ సంచారం చేయని
ప్రపంచ జ్ఞాని
దేహం కనిపించని
గొప్ప సౌందర్యం.
అపరిమిత వేగంతో
ప్రయాణించే అద్భుతనౌక
ఎంతటి మనిషినైనా
బానిసగా మార్చుకుని
ఏ కాలాన్ని నైనా
ఘాటుగా పాలించే నియంత.
కఠినంగా మాట్లాడి
మెత్తగా పాటిస్తూ
మెత్తగా మాట్లాడి
కఠినంగా వ్యవహరిస్తూ
ఎంత లోతుగా తవ్వి తోడినా
అణువంత అర్దం కాని చిరునామా
తరాల అన్వేషణను
ఓడించే రహస్యం ‘‘మనసు’’
– చందలూరి నారాయణరావు
9704437247
