పటేల్ నుంచి పవన్ దాకా తెలంగాణపై అవే కుట్రలు.!!

దీంతో తెలంగాణ సమాజం భగ్గున మండింది.తెలంగాణ వాదులకు,ఉద్యమకారులకు వారి కుటుంబాల పక్షాన నిలబడ్డారు. దీంతో తప్పనిసరి పరిస్థితుల్లో పిల్ల సైనిక్స్‌ తోక మూడవాల్సి వచ్చింది.రెండు రాష్ట్రాల మధ్య జనసేన నేతలు సృస్టించిన ప్రాంతీయ వైరాన్ని తగ్గించాల్సిన పవన్ కళ్యాణ్ ‌ హైద్రాబాద్‌ వచ్చి అగ్గికి మరింత ఆజ్యం పోశారు.దీంతో తెలంగాణపై ఒక పథకం ప్రకారం పద్దతిగా జనసేనను ముందు కొన్ని రహస్య శక్తులు హిడెన్‌ ఎజెండాతో చేస్తున్నాయని తెలంగాణ సమాజానికి అర్థమైంది.

అందుకే హైద్రాబాద్‌ పై పోలీస్‌ చర్యకు దిగిన తీరు కూడా కేవలం కమ్యూనిస్టులను నిర్మూలించడానికే అన్నది రజాకార్ల ముసుగులో వేల మంది కమ్యూనిస్టులను హత్య చేసింది. నిజంగా హైద్రాబాద్‌ స్టేట్ ప్రజలకు నిజాం నుంచి విముక్తి చేయాలన్న ఉద్దేశ్యమే ఉంటే లొంగిపోయిన నిజాంను రాజ్‌ ప్రముఖ్‌ గా ఎందుకు నియమిస్తుంది …?అంటే విషయం స్పష్టం హైద్రాబాద్‌ స్టేట్‌లో కమ్యూనిస్టులను నిర్మూలించడం, కమ్యూనిస్టు పోరాటాలు లేకుండా చేయడమే నాటి పటేల్‌ లక్ష్యం.

నాడు సర్థర్‌ వల్లాభాయ్‌ పటేల్‌ ఏ కారణాలు చెప్పి హైద్రరాబాద్ స్టేట్‌ను దురాక్రమణ చేశారో పటేల్‌ను స్పూర్తిగా తీసుకున్న బీజేపీ, ఎన్డీయే కూటమి పక్షాలు, ముఖ్యంగా పవన్‌ కల్యాన్‌ తెలంగాణ రాజకీయాలు చేసేందుకు ప్రయత్నం చేస్తున్నారు. తెలంగాణ ఏర్పాటు నుంచి హైద్రాబాద్‌ను కేంద్ర పాలిత ప్రాంతంగా చేయాలన్న అన్ని కుట్రలు విఫలం కావడంతో ఇప్పుడు కొత్త వ్యూహంతో మళ్లీ వస్తున్నట్లు కనిపిస్తుంది.

జాతీయ భావం, దేశ సమగ్రత అంటూ నాడు పటేల్‌ హైద్రాబాద్‌ స్టేట్‌ను దురాక్రమించారో..నేడు పవన్‌ కూడా అదే జాతీయభావం అనే అందమైన ముసుగులో మళ్లీ తెలంగాణ స్టేట్‌పై రాజకీయ దాడికి జనసేన చీఫ్‌ పాల్పడుతున్నారు.

ఈ నేపథ్యంలోనే జూన్‌ 2న హైదరాబాద్ లో ప్రెస్‌ మీట్‌ నిర్వహించిన పవన్‌ కల్యాన్‌ నాడు పటేల్‌ ఏ అంశాలైతే హైదరాబాద్ దురాక్రమణకు కారణంగా చెప్పారో..పవన్‌ కూడా అదే అంశాలు ప్రస్తావించారు..తెలుగు ప్రజల మధ్య ప్రజల మధ్య చిచ్చు పెట్టేలా పవన్ మాట్లాడమే కాకుండా చాలా లోతైన వ్యాఖ్యలు చేశారు.తెలంగాణను మళ్లీ ఏపీలో కలిపే ఆలోచనలు చేస్తున్నట్లు తన మాటల సారంశంలో నిగూఢంగా కనిపించింది.

తెలంగాణపై ప్రేమ అంటూనే తెలంగాణ ఏర్పాటుపై పవన్‌ విషం చిమ్మారు. నాడు పటేల్‌ హైద్రాబాద్‌ను అక్రమించేందుకు, కమ్యూనిస్టులను అణచివేసేందుకు ఏ విధంగా అయితే నిజాం పాకిస్తాన్‌లో కలిసేందుకు ప్రయత్నిస్తున్నారు.కమ్యూనిస్టులు హైద్రాబాద్‌ నుంచి రష్యా వరకూ రెడ్ కారిడార్‌ ఏర్పాటుకు ప్రయత్నిస్తున్నారని ఏ కారణాలైతే చెప్పారో..ఇవాళా మళ్లీ తెలంగాణను అక్రమించేందుకు సీమాంధ్ర పార్టీలు, పవన్‌ కల్యాన్‌ అవే కారణాలు తెలంగాణ వచ్చి ప్రస్తావిస్తున్నారు.

తెలంగాణను పాకిస్తాన్, పాలస్తినాతో పోల్చారు..ఇది ఏదో అన్న ఆషామాషీగా చేసిన వ్యాఖ్యలు కాదు.దీని వెనుక తెలంగాణలో అలజడులు సృష్టించాలన్న బీజేపీ, పవన్‌  బలమైన కారణాలున్నాయనిపిస్తుంది. పదేపదే తెలంగాణ ఏర్పాటును బీజేపీ భారత్ పాక్ విభజనతో పోల్చడం.పవన్ కళ్యాణ్ ‌ తెలంగాణ ఏమైనా పాకిస్తానా, పాలస్తినా అంటూ మాట్లాడటాన్ని లోతుగా గమనిస్తే బీజేపీ పవన్‌ ఎజెండా ఏంటో అర్థమైతుంది.అంతేకాదు తెలంగాణను పాలస్తినాతో పోల్చారంటే హైద్రబాద్‌ను గాజాగా మార్చే కుట్రలు జరుగుతున్నట్లు స్పష్టమైతుంది..పవన్‌ పాకిస్థాన్, పాలస్తీనా కామెంట్స్ వెనుక భారీ కుట్రలున్నాయన్నది క్లీయర్‌. అంతేకాదు పాతబస్తీలో తిరంగ జెండా ఎగరవేశాం అంటూ పవన్‌ చేసిన కామెంట్స్‌ను దూర దృష్టితో ఆలోచించాలి. పాతబస్తీ అంటే పాకిస్తాన్‌ అనేది బీజేపీ పవన్‌ ఉద్దేశ్యంగా కనిపిస్తుంది. రాష్ట్రంలో మత విధ్వేషాలు రెచ్చగొట్టే ప్రయత్నం చేస్తూ  హైదరాబాద్ ను గాజా మార్చే కుట్రలు జరుగుతన్నాయో అన్న ఆందోళన వ్యక్తం అవుతుంది.పవన్ పాక్‌, పాలస్తినా కామెంట్స్‌ వెనుక సీమాంధ్ర ఉత్తరాది బీజేపీ పార్టీ ఇజ్రాయెల్ లా తెలంగాణ పై దాడికి ప్రయత్నం చేస్తున్నాయో అన్న అనుమానాలు తెలంగాణవాదుల్లో వ్యక్తం అవుతుంది.

అటు తెలంగాణలో ముఖ్యంగా హైద్రాబాద్‌పై క్రమంగా పట్టు కోల్పోతున్న సీమాంధ్ర పార్టీలు మళ్లీ పట్టు కోసం ప్రయత్నిస్తున్నాయి.తెలంగాణవాదులు సమైక్యవాదాన్ని తిప్పికోట్టుతున్నారు.దీంతో ముందు రాష్ట్రంలో తెలంగాణవాదం, తెలంగాణవాదులు లేకుండా చేయలని, ప్రజల మధ్య మత చ్చు పెట్టాలని ఎన్డీయే కూటమి పార్టీలు తెలంగాణలో కుట్రలు చేస్తున్నాయి. కమ్యూనిస్టులు, కమ్యూనిజం లేకుండా చేయాలని పవన్‌ సహ ఎన్డీయే పార్టీలు కుట్రలు మొదలు పెట్టాయి.

-తోటకూర రమేష్