– ప్రజల అవసరాలకు తగ్గట్టు వృత్తి ధర్మం ఉండాలి
– మహిళా, శిశు సంక్షేమ శాఖ మంత్రి సీతక్క
– 181 మందికి గ్రేడ్-1 సూపర్వైజర్లుగా నియామక పత్రాలు
– భావోద్వేగానికి లోనైన పలువురు అభ్యర్థులు
హైదరాబాద్, ప్రజాతంత్ర, అక్టోబర్ 25: మహిళా శిశు సంక్షేమ శాఖకు ప్రభుత్వం ప్రాధాన్యతనిస్తోందని, అంగన్వాడీ వ్యవస్థ మహిళా శక్తికి ప్రతీకగా నిలుస్తోందని మహిళా శిశు సంక్షేమ శాఖ మంత్రి దనసరి అనసూయ సీతక్క అన్నారు. రాజేంద్రనగర్లోని టీజీఐఆర్డీ ప్రాంగణంలో మహిళా శిశు సంక్షేమ శాఖ ఆధ్వర్యంలో నిర్వహించిన కార్యక్రమంలో టీజీపీఎస్సీ ద్వారా ఎంపికైన 181మంది గ్రేడ్-1 సూపర్వైజర్లకు నియామక పత్రాలను ముఖ్య అతిథిగా విచ్చేసిన మంత్రి సీతక్క మహిళా కార్పొరేషన్ చైర్పర్సన్ బండ్రు శోభారాణితో కలిసి అందజేశారు. కొత్తగా నియమితులైన సూపర్వైజర్లను అభినందిస్తూ వేల మందితో పోటీ పడి మీరు సాధించిన ఈ కొలువులు మీ కష్టానికి ప్రతిఫలం. మీ నిరీక్షణలు ఫలించాయి, మీ ఉద్యోగ కలలను రేవంత్ రెడ్డి నేతృత్వంలోని ప్రజా ప్రభుత్వం నెరవేర్చింది అని పేర్కొన్నారు. మహిళలకు గౌరవం, చిన్నారులకు సంరక్షణ కలగాలని తెలంగాణ నేల నుంచే ఇందిరాగాంధీ ప్రాణం పోసిన ఐసీడీఎస్ సేవలు దేశవ్యాప్తంగా విస్తరించాయి. అంగన్వాడీ హెల్పర్ నుంచి మహిళా శాఖ కార్యదర్శి వరకు ఈరోజు ఉన్న పదవులన్నీ ఇందిరాగాంధీ చలువేనంటూ ప్రతి మహిళా ఆమెకు రుణపడి ఉండాలి అని సీతక్క పేర్కొన్నారు. మీ వృత్తి ధర్మం ప్రజల ఆశలు, అవసరాలకు తగినట్టుగా ఉండాలి. ఒక్కో సూపర్వైజర్ కింద 25 అంగన్వాడీ కేంద్రాల పర్యవేక్షణ బాధ్యత ఉంటుంది. ఎక్కడా చిన్న లోపం లేకుండా ఆ కేంద్రాలను పర్యవేక్షించాలి. పిల్లల భవిష్యత్తు మీ చేతుల్లో ఉంది అని సూపర్వైజర్లకు మంత్రి మార్గదర్శనం చేశారు. అంగన్వాడీ కేంద్రాలను పౌష్టికాహారానికి మాత్రమే పరిమితం చేయకుండా చిన్నారులకు ప్రాథమిక విద్యనందించే దిశగా చర్యలు తీసుకుంటున్నామని తెలిపారు. చిన్నారుల కోసం 57 రకాల ఆట వస్తువులు, యూనిఫాంలు అందిస్తున్న ఒకే ఒక్క రాష్ట్రం తెలంగాణ.. మన దేశ భవిష్యత్తు అంగన్వాడీ కేంద్రాల్లోనే ఉంది.. కాబట్టి ప్రతి సూపర్వైజర్ తన వృత్తి ధర్మాన్ని నిబద్ధతతో పాటించాలి అని సూచించారు. రాష్ట్రంలో పోషకాహార లోపాన్ని నిర్మూలించడంలో సూపర్వైజర్లు కీలక పాత్ర పోషించాలంటూ పిలుపునిచ్చారు. అంగన్వాడీ సిబ్బందికి ఎన్నో ప్రయోజనాలు కల్పిస్తున్నామని, త్వరలో 14 వేల అంగన్వాడీ టీచర్లు, హెల్పర్ల నియామకం చేపట్టబోతున్నాం అని తెలిపారు. నియామక పత్రాలు అందుకునే సమయంలో పలువురు అభ్యర్థులు భావోద్వేగానికి గురయ్యారు. తమ కుటుంబ సభ్యులు, పిల్లలను హత్తుకుని ఆనంద భాష్పాలు రాల్చారు. శోభారాణి మాట్లాడుతూ నియామక పత్రాలు అందుకున్న అభ్యర్థులకు శుభాకాంక్షలు తెలిపారు. పటిష్టమైన సమాజం అంగన్వాడీ కేంద్రాల్లోనే నిర్మితమవుతుందని అన్నారు. సీతక్క మహిళా శిశు సంక్షేమ శాఖ మంత్రిగా ఉండటం ఆ శాఖలోని సిబ్బంది అదృష్టమని పేర్కొన్నారు. సీతక్క స్ఫూర్తితో సూపర్ెవైజర్లు నిబద్ధతతో పనిచేయాలని సూచించారు. కార్యక్రమంలో మహిళా శిశు సంక్షేమ శాఖ కార్యదర్శి అనితా రామచంద్రన్, డైరెక్టర్ శృతి ఓజా, ఇతర ఉన్నతాధికారులు పాల్గొన్నారు. సూపర్వైజర్లు విధి నిర్వహణలో అత్యంత నిబద్ధతతో పనిచేసి మంచి పేరు తీసుకురావాలని వారు సూచించారు.
తెలుగు జాతీయ వార్తలు, ప్రత్యేక కథనాలు, ట్రెండింగ్ వీడియోలు కోసం Prajatantra వెబ్సైట్ ను సందర్శించండి. తాజా అప్డేట్స్ కోసం మా X (Twitter), Facebook, WhatsApp ఛానల్ ను ఫాలో కండి.. అలాగే మా ప్రజాతంత్ర, యూట్యూబ్ చానల్ ను సబ్ స్క్రైబ్ చేసుకోండి.. మీ అభిప్రాయాన్ని కామెంట్ రూపంలో పంచుకోండి. మీ స్నేహితులు, కుటుంబ సభ్యులతో షేర్ చేయడం మర్చిపోవద్దు.#Minister Sitakka #appoibn
