రాష్ట్రంలో మళ్లీ ‘అనధికారిక విద్యుత్ కోతలు’, నాణ్యత లేని సరఫరా తెరపైకి రావడం తీవ్ర ఆందోళన కలిగిస్తున్నది . వ్యవసాయానికి, గృహ అవసరాలకు నిరంతరాయంగా నాణ్యమైన విద్యుత్‌ను అందించాల్సిన బాధ్యత ప్రభుత్వంపై ఉంది. అయితే, ఎల్ నినో పరిస్థితులు, జలాశయాలలో నీటి నిల్వలు పడిపోవడం వంటి కారణాలను సాకుగా చూపిస్తూ క్షేత్రస్థాయిలో కరెంట్ కోతలు, లోవోల్టేజీ సమస్యలు సృష్టిస్తున్నారనేది కాదనలేని వాస్తవం. దీనిపై ముఖ్యమంత్రి ఎ.రేవంత్ రెడ్డి ఉన్నతాధికారులను ఉద్దేశించి “నిర్లక్ష్యం వహిస్తే సస్పెన్షన్లు తప్పవు” అని తీవ్రస్థాయిలో హెచ్చరించడం పరిస్థితి తీవ్రతకు అద్దం పడుతున్నది . ఇప్పటికే వైటీపీఎస్ చీఫ్ ఇంజనీర్‌పై వేటు వేయడం దీనికి నిదర్శనంగా నిలిచింది.
అయితే, కేవలం అధికారులపై చర్యలు తీసుకోవడం ద్వారానే విద్యుత్ సంక్షోభాన్ని అధిగమించలేము. ప్రభుత్వ ప్రకటనలకు, క్షేత్రస్థాయి వాస్తవాలకు పొంతన లేదనేది స్పష్టమవుతున్నది . తాజాగా నాగర్‌కర్నూలు జిల్లాలో లోవోల్టేజీ సమస్య కారణంగా రెండు విద్యుత్ మోటర్లు పూర్తిగా నిలిచిపోవడం ఇందుకు ప్రత్యక్ష ఉదాహరణ.అక్టోబర్ 14న నాగర్‌కర్నూల్ జిల్లాలోని నార్లాపూర్ పంప్‌హౌస్‌లో రెండు భారీ మోటార్లను మంత్రి జూపల్లి కృష్ణారావు ప్రారంభించిన మూడు గంటల్లోనే పంపుల నిర్వహణ నిలిచిపోయినట్లు గురువారం వార్త వెలువడింది.తక్కువ వోల్టేజీ కారణంగా మోటార్లను నిలిపివేసినట్లు అధికారులు అనధికారికంగా తెలిపారని వార్తా కథనం…. నిలిపివేతకు కారణాన్ని అధికారులు అధికారికంగా నిర్ధారించలేదు. పంటలు చేతికి వొచ్చే కీలకమైన సమయంలో వోల్టేజీ పడిపోవడం వల్ల మోటర్లు కాలిపోతూ, నీరు అందకపోవడం అన్నదాతలను తీవ్ర ఆందోళనకు గురిచేసే అంశం. కేవలం ఉన్నతాధికారుల సస్పెన్షన్లతో సరిపెట్టకుండా, గ్రామీణ ప్రాంతాల్లోని సబ్‌స్టేషన్లు, ట్రాన్స్‌ఫార్మర్ల వద్ద వోల్టేజీ సమస్యలను పరిష్కరించడానికి తక్షణ చర్యలు చేపట్టాలి. అప్పుడే ముఖ్యమంత్రి ఆశించిన పంపిణీ లక్ష్యాలు నెరవేరుతాయి, రైతులకు ఊరట లభిస్తుంది. విపక్షాలు ఆరోపిస్తున్నట్లుగా, రాబోయే యాసంగి సీజన్‌ను దృష్టిలో ఉంచుకుని విద్యుత్ రంగ సంసిద్ధతను సమీక్షించడంలో, బొగ్గు నిల్వలను నిర్వహించడంలో ప్రభుత్వం ముందుచూపుతో వ్యవహరించాల్సింది.
మరోవైపు, ఉన్నతాధికారుల సస్పెన్షన్లపై విద్యుత్ ఉద్యోగ సంఘాలు నిరసనకు దిగడం పరిశ్రమలో అంతర్గత అసంతృప్తిని సూచిస్తున్నది. సంక్షోభ సమయాల్లో సిబ్బందిని ఒత్తిడికి గురిచేయడం కంటే, వారిని సమన్వయం చేసుకుంటూ వ్యవస్థలో ఉన్న సాంకేతిక లోపాలను సరిదిద్దడం ముఖ్యం. గ్రామీణ ప్రాంతాల్లోని సబ్‌స్టేషన్లు, ట్రాన్స్‌ఫార్మర్ల వద్ద వోల్టేజీ హెచ్చుతగ్గులను అరికట్టడానికి తక్షణ మరమ్మతులు చేపట్టాలి. ముఖ్యంగా అన్నదాతలు యాసంగి పంటల వైపు అడుగులు వేస్తున్న సమయంలో , వ్యవసాయానికి ఇచ్చే ఉచిత విద్యుత్‌లో కోతలు విధిస్తే గ్రామీణ ఆర్థిక వ్యవస్థ దెబ్బతినే ప్రమాదం ఉంది. కేవలం ఉన్నతాధికారుల సస్పెన్షన్లతో సరిపెట్టకుండా, గ్రామీణ ప్రాంతాల్లోని సబ్‌స్టేషన్లు, ట్రాన్స్‌ఫార్మర్ల వద్ద వోల్టేజీ సమస్యలను పరిష్కరించడానికి తక్షణ చర్యలు చేపట్టాలి. అప్పుడే ముఖ్యమంత్రి ఆశించిన పంపిణీ లక్ష్యాలు నెరవేరుతాయి, రైతులకు ఊరట లభిస్తుంది.
విద్యుత్ సంక్షోభం ముదిరితే అది నేరుగా రేవంత్ సర్కార్ మనుగడకే ప్రమాదంగా మారే అవకాశం ఉంది. ఈ సమస్య ప్రజలు, రైతుల దైనందిన జీవితాలపై ప్రత్యక్ష ప్రభావం చూపుతుంది. సాగు నీరు అందక పంటలు ఎండిపోతే రైతాంగంలో ఆగ్రహం కట్టలు తెంచుకోకమానదు. ఇప్పటికే పంటలకు సరిగ్గా నీరందక నానా ఇబ్బందులు పడుతున్న రైతాంగంలోని అసంతృప్తిని బీఆర్ఎస్ క్యాష్ చేసుకోవడానికి యత్నిస్తున్నది. ముఖ్యంగా గోదావరిలో వరద జలాలను వృధాగా వదిలేసిన వైనాన్ని ప్రజల్లో నాటుకుపోయేలా చేయడంలో సక్సెస్ అయింది. ఇప్పుడు ‘కాంగ్రెస్ అంటేనే కరెంటు కోతలు’ అనే నినాదంతో ప్రజల్లో ప్రచారం మొదలుపెట్టింది. ఇది కాంగ్రెస్ ప్రభుత్వాన్ని తీవ్ర ఇరకాటంలోకి నెట్టకమానదు! దీనికితోడు పరిశ్రమలు, గృహ అవసరాలకు కరెంట్ నిలిచిపోతే సామాన్యుడి ఆగ్రహం కట్టలు తెంచుకుంటుంది. కరెంట్ కష్టాలు ప్రజల్లో తీవ్ర ప్రభుత్వ వ్యతిరేకతకు దారితీస్తాయి. గత చరిత్రను పరిశీలిస్తే, విద్యుత్ సరఫరాలో వైఫల్యాలు ఎందరో పాలకుల అధికారపీఠాలను కుదిపేసాయి. తమ పాలనాకాలంలో కరెంటు కోతలు లేవన్న అంశాన్ని బీఆర్ఎస్ ప్రజల్లోకి బలంగా తీసుకెళ్లే ప్రయత్నం చేస్తున్నది. ఇది వాస్తవం కూడా! తాము అమలు చేస్తున్న సంక్షేమ పథకాలపై ఎంతగా బాకా ఊదుకున్నా, అన్నివర్గాల ప్రజలపై తక్షణం ప్రతక్ష్య ప్రభావం చూపేది తాగు, సాగునీరు, విద్యుత్. ఇందులో విఫలమైన ఏ ప్రభుత్వానికైనా పుట్టగతులుండవు. ఇప్పటికే ఉమ్మడి పాలన నాటి చీకటి రోజులు గుర్తుకువొస్తున్నాయన్న అభిప్రాయం ప్రజల్లో బలపడుతున్నది . తెలంగాణ లాంటి వ్యవసాయ ఆధారిత రాష్ట్రంలో ఉచిత విద్యుత్, నాణ్యమైన సరఫరా అనేవి అత్యంత సున్నితమైన అంశాలు.
ఈ విషయంలో రేవంత్ సర్కార్ ఇప్పుడైనా మేలుకోకపోతే మొదటికే మోసం రాగలదు. కేవలం అధికారులపై నెపం నెట్టేసి చేతులు దులుపుకుంటే ప్రజాగ్రహం నుండి తప్పించుకోలేరు. రాబోయే యాసంగి సీజన్ సవాలును తట్టుకోవడానికి బొగ్గు నిల్వలను పెంచడం, ప్రత్యామ్నాయ ఇంధన వనరులను సమకూర్చుకోవడం, సబ్‌స్టేషన్ల వద్ద వోల్టేజీ హెచ్చుతగ్గులను అరికట్టడం వంటి దీర్ఘకాలిక చర్యలపై ప్రభుత్వం తక్షణమే దృష్టి సారించాలి. పాలకుల హెచ్చరికలు రాజకీయ ప్రకటనలుగా కాకుండా, క్షేత్రస్థాయిలో నాణ్యమైన విద్యుత్ సరఫరా రూపంలో కనిపించినప్పుడే ప్రభుత్వానికి పట్టు, ప్రజలకు నమ్మకం నిలుస్తాయి. తెలంగాణను మళ్లీ చీకటి రోజుల్లోకి నెట్టకుండా కాపాడటమే ఈ ప్రభుత్వ సామర్థ్యానికి అసలైన పరీక్ష.
పాలకుల హెచ్చరికలు కేవలం రాజకీయ ప్రకటనలుగా మిగిలిపోకూడదు. బొగ్గు సరఫరాను క్రమబద్ధీకరించడం, ప్రత్యామ్నాయ ఇంధన వనరులను వినియోగంలోకి తీసుకురావడం, పంపిణీ నష్టాలను అరికట్టడం వంటి దీర్ఘకాలిక చర్యలపై ప్రభుత్వం తక్షణమే దృష్టి సారించాలి. తెలంగాణను మళ్లీ పాత చీకటి రోజుల్లోకి నెట్టకుండా, నాగర్‌కర్నూలు రైతు మొదలుకొని రాష్ట్రంలోని ప్రతి వినియోగదారుడికి నాణ్యమైన విద్యుత్ అందించడమే ఈ ప్రభుత్వ సామర్థ్యానికి అసలైన పరీక్ష.
పాలకుల హెచ్చరికలు కేవలం రాజకీయ ప్రకటనలుగా మిగిలిపోకూడదు. బొగ్గు సరఫరాను క్రమబద్ధీకరించడం, ప్రత్యామ్నాయ ఇంధన వనరులను వినియోగంలోకి తీసుకురావడం, పంపిణీ నష్టాలను అరికట్టడం వంటి దీర్ఘకాలిక చర్యలపై ప్రభుత్వం తక్షణమే దృష్టి సారించాలి. తెలంగాణను మళ్లీ పాత చీకటి రోజుల్లోకి నెట్టకుండా, నాగర్‌కర్నూలు రైతు మొదలుకొని రాష్ట్రంలోని ప్రతి వినియోగదారుడికి నాణ్యమైన విద్యుత్ అందించడమే ఈ ప్రభుత్వ సామర్థ్యానికి అసలైన పరీక్ష.
