ఏ ముడి ఎక్కడ చిక్కుబడునో
ఏ ముడి ఎక్కడ విడుబడునో
రాగల కాలం నిర్ణయించేనా
ఏ మేఘం ఎక్కడ వర్షించేనో
ఏ మేఘం ఇంకెక్కడ ఘర్జించునో
రాగల ఋతువు నిర్ణయించునా
ఏ పూవు ఏ దైవ పూజకో లేదా
మరే ఊరేగింపుకో
ఏ స్నేహం ఏ తీరానికో
ఏ ప్రేమ ఏ బలిదానానికో
రాగల అక్కున చేరగల
వసంతాలు తేల్చేనా
ఓ రాగల కాలమా
ఈ రాతి హృదయాలను కరిగించి
రంగు రంగు బొమ్మలుగా తీర్చిదిద్ది
గతాన్ని మరిపిస్తావో
లేదా
ఆ గతానికే అంకితమిస్తావో
నీదే ఆజ్ఞ
నీదే ఆ దైవాజ్ఞ
-ఎం.డి అమర్ పాషా
