సభ్యత్వ నమోదు, ఇన్‌చార్జిల నియామకాలపై దృష్టి

భారత ఎన్నికల సంఘం చేపట్టిన ‘సర్’ ప్రక్రియతోపాటు, ఓటరు లిస్టు సవరణ తదితర కార్యాచరణ మొత్తం డిజిటల్ ప్రక్రియలో జరుగుతున్నందున పార్టీ సభ్యత్వం కూడా డిజిటలైజేషన్ పద్దతిలో జరపాలని బీఆర్ఎస్ పార్టీ ప్రధాన కార్యదరర్శుల సమావేశం అభిప్రాయపడింది. అధినేత కేసీఆర్ అధ్యక్షతన మంగళవారం ఈ సమావేశం ఆరు గంటలపాటు సుదీర్ఘంగా జరగగా పలు కీలక అంశాలపై చర్చించి నిర్ణయాలు తీసుకున్నారు. ప్రతి నియోజకవర్గానికి రాష్ట్ర కమిటీ నుండి సభ్యత్వ సమన్వయకర్తను నియమించాలని, ప్రతీ మండýం, మున్సిపల్ బాడీల వారీగా సభ్యత్వ నమోదు కార్యక్రమం సజావుగా నిర్వహించడానికి సభ్యత్వ సమన్వయ కమిటీలను రెండుమూడు రోజుల్లొ నియమించాలని నిర్ణయించారు. డిజిటల్ పద్దతిలో సభ్యత్వ నమోదు చేయాలని భావించినందున రాష్ట్రంలో ఉన్న 35,655 పోలింగ్ బూత్‌లలో బూత్‌కు ఇద్దరు కార్యకర్తల చొప్పున మొత్తం 71,310 మంది కార్యకర్తలకు శిక్షణ తరగతులు నిర్వహించాలని, ఈ సందర్భంగా డిజిటల్ మెంబర్‌షిప్ ప్రక్రియకు సంబంధించిన విధివిధానాలపై శిక్షణ ఇవ్వాలని సమావేశం అభిప్రాయపడింది.

సభ్యత్వ నమోదు కోసం నియమితులైన ఇన్‌చార్జిలు వీరే

ఖమ్మం, కొత్తగూడెం జిల్లాలు- తక్కళ్లపల్లి రవీందర్ రావు, ఎమ్మెల్సీ, ప్రధాన కార్యదర్శి. జగిత్యాల, కరీంనగర్, పెద్దపల్లి, సిరిసిల్ల జిల్లాలు- జీవన్ రెడ్డి, మాజీ మంత్రి, ప్రధాన కార్యదర్శి, ములుగు, జయశంకర్ భూపాలపల్లి, మహబూబాబాద్ జిల్లాలు – సత్యవతి రాథోడ్, మాజీ మంత్రి, ప్రధాన కార్యదర్శి జనగాం, హనుమకొండ, వరంగల్ జిల్లాలు – పల్లా రాజేశ్వర్ రెడ్డి, ఎమ్మెల్యే, ప్రధాన కార్యదర్శి. మెదక్, సంగారెడ్డి, సిద్ధిపేట జిల్లాలు- గ్యాదరి బాలమల్లు, ప్రధాన కార్యదర్శి. నిజామాబాద్, కామారెడ్డి జిల్లాలు- గంగాధర్ గౌడ్, మాజీ ఎమ్మెల్సీ, ప్రధాన కార్యదర్శి. మంచిర్యాల, ఆసిఫాబాద్ జిల్లాలు- నారదాసు లక్ష్మణ్ రావు, మాజీ ఎమ్మెల్సీ, ప్రధాన కార్యదర్శి. ఆదిలాబాద్, నిర్మల్ జిల్లాలు- రావుల శ్రావణ్ కుమార్ రెడ్డి, ప్రధాన కార్యదర్శి, వికారాబాద్, రంగారెడ్డి జిల్లాలు-  సబితా ఇంద్రారెడ్డి, మాజీ మంత్రి, ఎమ్మెల్యే. మహబూబ్‌నగర్, నారాయణపేట జిల్లాలు- మహమూద్ అలీ, మాజీ మంత్రి, గద్వాల్, నాగర్‌కర్నూల్, వనపర్తి జిల్లాలు- మెట్టు శ్రీనివాస్, కార్యదర్శి, మేడ్చల్-మల్కాజిగిరి, యాదాద్రి భువనగిరి జిల్లాలు- పోచంపల్లి శ్రీనివాస్ రెడ్డి, ఎమ్మెల్సీ, డిప్యూటీ ఫ్లోర్ లీడర్, హైదరాబాద్ జిల్లా- తలసాని శ్రీనివాస్ యాదవ్, మాజీ మంత్రి, ఎమ్మెల్యే, నల్గొండ, సూర్యాపేట జిల్లాలు- ఆర్.ఎస్.ప్రవీణ్ కుమార్, ప్రధాన కార్యదర్శి.