జీవన్‌రెడ్డికి మర్యాద తగ్గించలేదు

– పరిస్థితులను పంచుకునేందుకే మీతో సమావేశం
– జగిత్యాల ముఖ్య నేతలతో రేవంత్ భేటీ
– మేమంతా కాంగ్రెస్‌లోనే కొనసాగుతాం
– స్పష్టం చేసిన నాయకులు

హైదరాబాద్, ప్రజాతంత్ర, ఏప్రిల్ 14: జగిత్యాల నియోజకవర్గ ముఖ్య నాయకులతో ముఖ్యమంత్రి రేవంత్ రెడ్డి మంగళవారం తన నివాసంలో భేటీ అయ్యారు. 20వ తేదీన జగిత్యాలలో కేసీఆర్ బహిరంగ సభ, కాంగ్రెస్‌కు రాజీనామా చేసిన మాజీ ఎమ్మెల్సీ టి.జీవన్‌రెడ్డి బీఆరఎస్‌లో చేరనున్న సందర్భంగా ఈ భేటీ ప్రాధాన్యం సంతరించుకుంది. రాష్ట్రంలో పరిస్థితులను పంచుకోవాలనే మీతో సమావేశమయ్యానంటూ తాము ఎప్పుడూ జీవన్ రెడ్డిని తక్కువ చేసి చూడలేదు.. ఆయన మర్యాదను తగ్గించేలా మాట్లాడలేదు.. ఆయన గౌరవాన్ని తగ్గించేలా వ్యవహరించలేదు అని సీఎం రేవంత్ స్పష్టం చేశారు. 2023 ఎన్నికల్లో ఆయన గెలుపు కోసం అంతా కష్టపడ్డాం.. పార్లమెంటు ఎన్నికల్లో ఆయన్ను కరీంనగర్ నుంచి పోటీ చేయాలని సూచిస్తే నిజామాబాద్ నుంచి పోటీ చేస్తానని కోరినా పార్టీ టికెట్ ఇచ్చిందని తెలిపారు. దురదృష్టవశాత్తు ఆయన ఓడిపోయారు.. మున్సిపల్ ఎన్నికల్లో కూడా జీవన్ రెడ్డి సూచించిన వారికే టికెట్లు ఇచ్చాం.. ఆయనకు, ఆయన కుటుంబ సభ్యుల రాజకీయ భవిష్యత్తుకు హామీ ఇచ్చినా వినలేదు అని తెలిపారు. మొండిపట్టుతో ఆయన పార్టీ వీడారని చెప్పారు. 40 ఏండ్లు ఆయన కోసం పనిచేసిన కార్యకర్తలను మోసం చేసి దుర్మార్గుడైన కేసీఆర్‌తో జతకట్టారని ఆరోపించారు. ఆయన లాంటి వ్యక్తి కేసీఆర్ దగ్గర చేతులు కట్టుకుని నిలబడటం అత్యంత బాధాకరమన్నారు. జగిత్యాల కాంగ్రెస్ కార్యకర్తల ఆత్మగౌరవాన్ని జీవన్ రెడ్డి కేసీఆర్ కాళ్ల దగ్గర తాకట్టు పెట్టారని రేవంత్‌రెడ్డి వ్యాఖ్యానించారు. ఆయన వయసుకు, అనుభవానికి ఇది తగదన్నారు. ఈనాటికీ తాûను ఆయన గౌరవానికి భంగం కలిగేలా ఒక్క మాట మాట్లాడలేదన్నారు. కుట్రలను తిప్పికొట్టాలని మనం ప్రయత్నం చేస్తుంటే ఆయన వెళ్లి అక్కడ చేరారన్నారు. ప్రజలు ఎన్నుకున్న ప్రభుత్వాన్ని పడగొడతామంటే నిలబెట్టడం తప్పా.. తాను చేస్తున్నది మంచో చెడో మీరే ఆలోచించండి.. ఎవరు ఏమిటి అన్నది కాలమే నిర్ణయిస్తుంది అని అన్నారు.

త్వరలో జగిత్యాలకు వస్తా..