దేశంలో రైతుబంధు, దళిత బంధు సృష్టించింది కేసీఆర్‌…

లక్ష కోట్లుతో రైతులకు 24 గంటల ఉచిత విద్యుత్‌…
‌వలసల వనపర్తిని వరి పంటల పర్తిగా మార్చాం…
ప్రజా ఆశీర్వాద సభలో ముఖ్యమంత్రి కెసిఆర్‌

‌వనపర్తి, ప్రజాతంత్ర, అక్టోబర్‌ 26 : ‌దేశంలో ఏ రాష్ట్రంలో లేని రైతుబంధు. దళిత బంధు పథకాలను సృష్టించింది ఈ కేసీఆర్‌ అని ముఖ్యమంత్రి కేసీఆర్‌ అన్నారు. వనపర్తి జిల్లా కేంద్రంలో ప్రజా ఆశీర్వాద సభ లో  మాట్లాడుతూ. లక్ష కోట్లు ఖర్చుపెట్టి రైతులకు 24 గంటల కరెంటు అందిస్తున్నామని ఆయన అన్నారు. గత పది సంవత్సరాల ముందు తెలంగాణ ప్రాంత అభివృద్ధి ఒక విధంగా ఉండేదని 10 సంవత్సరాల బీఆర్‌ఎస్‌ ‌పాలనలో తెలంగాణ ప్రాంతం అంతా పచ్చని పంటలుగా మారాయని ఆయన అన్నారు. తెలంగాణ ఉద్యమం పిరికెడు మందిలో నిరంజన్‌ ‌రెడ్డి కూడా ఒకరని ఎమ్మెల్యేగా గెలిపించినందుకు ఉద్యమకారుడునికి మంత్రి పదవి ఇచ్చి సముచిత స్థానం కల్పించామని ఆయన అన్నారు. తెలంగాణ ప్రాంతం మొత్తం అభివృద్ధి చేసిన తర్వాత గతంలో అభివృద్ధిని విస్మరించిన అఖిలపక్ష పార్టీలు నేడు చిన్నతరం.

పెద్దతరం. లేకుం డా ఎట్లా మాట్లాడుతున్నారో చూడాలని ఆయన ప్రజలను కోరారు. 14 సంవత్సరాల ఉద్యమం లో గంజి నీళ్లు తాగి. చావు నోట్లో తలపెట్టిన తర్వాత రాష్ట్ర ం వచ్చిందని ఆయన గుర్తు చేశారు. కల్వకుర్తి లిఫ్టు తో పాటు డి8 కాలువ పనులకు మంత్రి నిరంజన్‌ ‌రెడ్డి కొట్లాడి నిధులు తీసుకొచ్చి పనులు చేశారని ఆయన అన్నారు. ఏదుల రిజర్వాయర్కు కాంగ్రెస్‌ ‌వంటి పార్టీలు అక్కడ ప్రజలను రెచ్చగొట్టి సమస్యలను సృష్టించిన కూడా పనులు వేగవంతం చేసి వనపర్తి జిల్లాకు సాగునీరు తీసుకువచ్చిన ఘనత నిరంజన్‌ ‌రెడ్డిది అని ఆయన అన్నారు. ప్రస్తుతం అడ్డంపొడువు మాట్లాడుతు నోళ్లంతా.. నాడు ఎవరి బూట్లు మోసుకుం టు ఉన్నరో ప్రజలకు తెలుసునని సీఎం కేసీఆర్‌ అని విమర్శించారు. ఎన్నికలు వచ్చేశాయ్‌. ‌తెలంగాణ సాధన తర్వాత పదో సంవత్సరం జరుగుతున్నది.