సిరులు పండినా త‌ప్ప‌ని తిప్ప‌లు

~వాన భయం.. కల్లాల్లో పడిగాపులు
– బార్దాన్ల కోసం తిప్పలు.. లారీల కోసం ఎదురుచూపులు
~ మిల్లర్ల మెలిక.. గ్యారెంటీ పేరిట ప్రతిష్టంభన 
~ అన్ లోడింగ్ లోనూ ఆలస్యమే
~ తడిసిన వడ్లకు తప్పని తరుగుపోటు
~ సన్నాలకే బోనస్.. దొడ్డు వడ్ల రైతులకు మొండిచేయే

                 (హైదరాబాద్, ప్రజాతంత్ర ప్రత్యేక ప్రతినిధి)

తెలంగాణ భారత దేశపు రైస్ బౌల్(వరి భాండాగారం)గా రూపాంతరం చెందిన క్రమంలో ఏటా యాసంగి (రబీ) సీజన్ ఒక కీలకమైన ఆర్థిక, సామాజిక ఘట్టంగా నిలుస్తోంది. అయితే 2026 మే నెల నాటికి రాష్ట్రంలో నెలకొన్న పరిస్థితులు ఒక విలక్షణమైన, ఆందోళనకరమైన చిత్రాన్ని ఆవిష్కరిస్తున్నాయి. ఒకవైపు రికార్డు స్థాయి వరి దిగుబడి అంచనాలు, మరోవైపు ప్రభుత్వ యంత్రాంగంలో నెలకొన్న మందకొడితనం, వీటికి తోడు  అకాల వర్షాలు వెరసి అన్నదాతను నిలువునా ముంచేస్తున్నాయి. ప్రస్తుత వరి విస్తీర్ణం, కొనుగోలు కేంద్రాల నిర్వహణ, అడ్డంకులు, మిల్లర్ల పాత్ర, రాజకీయ వాగ్దానాల అమలు తీరుపై ప్రజాతంత్ర ప్రత్యేక ప్రతినిధి అందిస్తున్న కథనం.

తెలంగాణలో నీటి పారుదల ప్రాజెక్టుల విస్తరణ, ముఖ్యంగా కాళేశ్వరం వంటి ఎత్తిపోతల పథకాల ఫలితంగా వరి సాగు విస్తీర్ణం గత దశాబ్ద కాలంలో ఊహించని రీతిలో పెరిగింది. 2026 యాసంగి సీజన్లో రాష్ట్రవ్యాప్తంగా సుమారు 64.3 లక్షల ఎకరాల్లో వరి సాగు జరిగిందని అధికారిక గణాంకాలు వెల్లడిస్తున్నాయి. ఈ భారీ విస్తీర్ణం కారణంగా దిగుబడి కూడా రికార్డు స్థాయిలో ఉంటుందని అంచనా వేయబడింది. వ్యవసాయ శాఖ అంచనాల ప్రకారం ఈ సీజన్లో మొత్తం 141 లక్షల మెట్రిక్ టన్నుల (ఎల్ఎంటీ) వరి దిగుబడి వచ్చే అవకాశం ఉంది. ఇందులో సుమారు 90 లక్షల మెట్రిక్ టన్నులను ప్రభుత్వ కొనుగోలు కేంద్రాల ద్వారా సేకరించాలని ప్రభుత్వం లక్ష్యంగా పెట్టుకుంది. ఈ స్థాయిలో వంట పండడం రైతులకు ఆనందాన్ని ఇవ్వాల్సి ఉండగా. మార్కెటింగ్ సదుపాయాల కొరత వల్ల అది భారంగా మారుతోంది. గత ఏడాది వానకాలం (ఖరీఫ్) సీజన్లో 159.15 ఎల్ఎంటీ దిగుబడి రాగా, అందులో 75 ఎల్ఎంటీ సేకరించారు. ప్రస్తుత యాసంగి సీజన్లో లక్ష్యం అంతకంటే ఎక్కువగా ఉన్నప్పటికీ, అమలులో జాప్యం స్పష్టంగా కనిపిస్తోంది. మే 3వ తేదీ నాటికి కేవలం 12.38 లక్షల మెట్రిక్ టన్నుల వడ్లసు మాత్రమే సేకరించగలిగారు. ఇది మొత్తం లక్ష్యంలో 20 శాతం కంటే తక్కువగా ఉండడం గమనార్హం సన్నరకం వడ్లు 6.07 లక్షల మెట్రిక్ టన్నులు సేకరించగా, దొడ్డు రకం వడ్లు 7.31 లక్షల మెట్రిక్ టన్నులు కొనుగోలు చేశారు. 1.54 లక్షల రైతులకు రూ.1,129.43 కోట్లు చెల్లించారు.

కొనుగోళ్లలో వ్యవస్థాగత వైఫల్యాలు

రాష్ట్రవ్యాప్తంగా ధాన్యం సేకరణ ప్రక్రియను వికేంద్రీకరించే ఉద్దేశంతో ప్రభుత్వం మూడు ప్రధాన ఏజెన్సీల ద్వారా కొనుగోలు కేంద్రాలను (పీడీసీఎస్) ఏర్పాటు చేసింది. ప్రాథమిక వ్యవసాయ సహకార సంఘాలు (పాక్స్) 4,455 కేంద్రాలను నిర్వహిస్తుండగా, ఇందిరా క్రాంతి వథం (ఐకేపీ) కింద మహిళా సంఘాలు 3,563 కేంద్రాలను నడుపుతున్నాయి. మిగిలిన 557 కేంద్రాలను ఇతర ఏజెన్సీలు పర్యవేక్షిస్తున్నాయి. మొత్తం 8,575 కేంద్రాల్లో సుమారు 43,000 మంది శిక్షణ పొందిన సిబ్బందిని సేకరణ ప్రక్రియలో నిమగ్నం చేసినట్టు ప్రభుత్వం ప్రకటించింది. అయితే క్షేత్రస్థాయిలో మే మొదటి వారం వాటికి కేవలం 6,600 కేంద్రాలు మాత్రమే క్రియాశీలకంగా ఉన్నాయని, మిగిలిన చోట్ల మౌలిక సదుపాయాల లేమి వల్ల కొనుగోళ్లు ప్రారంభం కాలేదని నివేదికలు చెబుతున్నాయి. ఈ జాప్యం వల్ల రైతులు తమ ధాన్యాన్ని కల్లాల్లోనే అరబోసి రోజుల తరబడి వేచి ఉండాల్సి వస్తోంది. ప్రభుత్వం రోజుకు సుమారు 1 లక్ష టన్నుల సేకరణ జరుగుతోందని చెబుతున్నా, అంచనా వేసిన 90 లక్షల టన్నుల లక్ష్యాన్ని వేడుకోవడానికి ఈ వేగం సరిపోదు. ధాన్యం కొనుగోళ్లలో జాప్యానికి ప్రధానంగా మూడు రకాల సమస్యలు కారణమవుతున్నాయి. ఒకటి రవాణా లోపాలు, రెండు బార్టాన్ల కొరత, మూడు మిల్లుల వద్ద ఇన్లోడింగ్ సమస్యలు. కొనుగోలు కేంద్రాల నుంచి సేకరించిన ధాన్యాన్ని మిల్లులకు తరలించేందుకు ప్రభుత్వం సుమారు 8,500 లారీలను మోహరించినట్టు అధికారులు తెలిపారు. కానీ క్షేత్రస్థాయిలో పరిస్థితి భిన్నంగా ఉంది. తూకం వేసిన ధాన్యం బస్తాలు కొనుగోలు కేంద్రాల్లోనే రోజుల తరబడి ఉండిపోతున్నాయి. లారీలు సకాలంలో రాకపోవడమే దీనికి ప్రధాన కారణం. నిజామాబాద్ జిల్లాలోని ఎల్లారెడ్డిపల్లి గ్రామంలో రైతులు ఈ సమస్యపై రోడ్డుపై వంటావార్పు చేసి నిరసన తెలిపారు. ఒక లారీ మిల్లు వద్దకు వెళ్లిన తర్వాత అక్కడ ఆన్లోడింగ్ కాపడానికి రెండు నుంచి మూడు రోజులు పడుతోంది. దీనివల్ల రవాణా గొలుసు (సప్లై చైన్) పూర్తిగా దెబ్బతింటోంది. ప్రభుత్వం ఈ సీజన్ కోసం 20 కోట్ల బార్దాన్లను సిద్ధం చేసినట్టు ప్రకటించినప్పటికీ, అనేక జిల్లాల్లో వీటి కొరత తీవ్రంగా ఉంది. నారాయణపేట జిల్లా మగనూరులో 100 మంది రైతులకు గాను కేవలం 40 మందికే సంచులు అందాయని, మిగిలిన వారు ప్రైవేట్ మార్కెట్ కొనుగోలు చేయాల్సి వచ్చింది. సంచులు లేక ధాన్యాన్ని తూకం వేయకపోవడంతో రైతులు ఆందోళన చెందుతున్నారు. పౌర సరఫరాల శాఖ వీటి పంపిణీలో సమన్వయం లోపించడం వల్ల ఈ ఇబ్బందులు ఎదురవుతున్నాయి. వేసవిలో అధిక ఉష్ణోగ్రతల కారణంగా హమాలీలు పనిచేసేందుకు వెనుకాడడం మరో ప్రధాన సమస్య క్వింటాళ్ల కొద్దీ ధాన్యాన్ని లోడ్ చేయడం, అప్లోడ్ చేయడం వంటి శ్రమతో కూడిన పనులకు కూలీలు దొరకడం లేదు. కొన్ని చోట్ల హమాలీలు అదనపు చార్జీలు డిమాంద్ చేస్తుండడంతో రైతులకు అదనపు భారం పడుతోంది.

డిఫాల్టర్ మిల్లర్లు, బ్యాంక్ గ్యారెంటీల వివాదం

వరి సేకరణ ప్రక్రియలో రైస్ మిల్లర్లు కీలకమైన లింక్. ప్రభుత్వం సేకరించిన ధాన్యాన్ని కస్టమ్ మిల్లింగ్ రైస్ (సీఎంఆర్) కింద మిల్లర్లకు అప్పగిస్తుంది. అయితే ఈ ఏడాది మిల్లర్లకు ధాన్యం కేటాయించే విషయంలో తీవ్రమైన వివాదం నెలకొంది. రాష్ట్రంలో సుమారు 3,000 రైస్ మిల్లులు ఉన్నప్పటికీ, అనేక మిల్లులు గతంలో ప్రభుత్వానికి బియ్యాన్ని అప్పగించడంలో విఫలమై “డిఫాల్టర్లు”గా ముద్రపడ్డాయి. పౌర సరఫరాల శాఖ నిర్వహించిన తనిఖీల్లో సుమారు 360 మంది మిల్లర్లు రూ.3,960 కోట్ల విలువైన ధాన్యాన్ని మళ్లించినట్టు తేలింది. ఈ విధులను మిల్లర్లు రియల్ ఎస్టేట్, సినిమా నిర్మాణం, కొత్త మిల్లుల స్థాపన కోసం పాడినట్టు ప్రభుత్వం ఆరోపించింది. దీనివల్ల 2022-23 ఆర్థిక సంవత్సరం నుంచి సీఎంఆర్ పెండింగ్లో ఉంది. ప్రస్తుత కాంగ్రెస్ ప్రభుత్వం ఈ సమస్యను పరిష్కరించేందుకు కొత్త విధానాన్ని జీవో ఎంఎస్ సంబర్ 27 ద్వారా తీసుకువచ్చింది. దీని ప్రకారం గత చరిత్ర లేని మిల్లర్లు 10 శాతం బ్యాంక్ గ్యారెంటీ (బీజీ) లేదా 25 శాతం సెక్యూరిటీ డిపాజిట్ (ఎస్ డీ) సమర్పించాలి. గత డిఫాల్టర్లు (బకాయిలు చెల్లించిన వారు) 20 శాతం బ్యాంక్ గ్యారెంటీ లేదా 25 శాతం సెక్యూరిటీ డిపాజిట్ ఇవ్వాలి.. బకాయిలు పెండింగ్లో ఉన్నవారు 25 శాతం బ్యాంక్ గ్యారెంటీ ఇవ్వాలి. లేదంటే ధాన్యం కేటాయింపు ఉండదు. అనేక మిల్లులు ఈ బ్యాంక్ గ్యారెంటీ లను సమర్పించలేక పోవడంతో వాటికి దాస్నం కేటాయింపు నిలిచి పోయింది. దీని ఫలితంగా కొనుగోలు కేంద్రాల నుంచి ధాన్యం తరలింపు ఆగిపోయింది. ఇది పరోక్షంగా రైతులపై ప్రభావం చూపుతోంది. అసిఫాబాద్ వంటి జిల్లాల్లో కొంతమంది మిల్లర్లు నకిలీ బ్యాంక్ గ్యారెంటీలను సమర్పించి మోసం చేసేందుకు ప్రయత్నించడం అధికారులను విస్మయానికి గురిచేసింది.

అకాల వర్షాలతో నష్టం, ఆపై మిల్లర్ల దోపిడీ

తెలంగాణ రైతులకు అకాల వర్షాలు ఏటా శాపంగా మారుతున్నాయి. ఈనెల‌లో కురిసిన వర్షాలు, పడగండ్లు ఈదురు గాలులు రైతాంగాన్ని కోలుకోలేని దెబ్బతీశాయి. వాతావరణ శాఖ మరో వారం పాటు వర్షాలు ఉంటాయని హెచ్చరించడం రైతుల్లో దడ పుట్టిస్తోంది. సిద్ధిపేట జిల్లా హుస్నాబాద్ మార్కెట్ యార్డులో ధాన్యం తూకం వేయడంలో జాప్యం జరగడంతో, ఆరబోసిన ధాన్యం వడగండ్ల వానకు తడిసి ముద్దయింది. కొన్ని నిమిషాల వాసకే లక్షలాది రూపాయల వంట గెలపాలైంది. మహబూబాబాద్ జిల్లాలో వీచిన ఈదురు గాలులకు మక్కజొన్న కంకులు కొట్టుకుపోయాయి. ఐకేపీ కేంద్రాల్లోని ధాన్యం రాసులు వర్షపు నీటిలో కొట్టుకుపోవడంతో రైతులు కన్నీటిపర్యంతమయ్యారు. నల్గొండ జిల్లాలో కురిసిన 190 మిల్లీమీటర్ల వర్షపాతం వల్ల ధాన్యం కొనుగోలు కేంద్రాలు సరస్సులుగా మారాయి. కట్టంగూర్ మండలంలో వందలాది క్వింటాళ్ల ధాన్యం వీటిలో నాని మొలకలెత్తే పరిస్థితి ఏర్పడింది. పర్చాలకు తడిసిన ధాన్యం రంగు మారిపోవడం వల్ల మిల్లర్లు వాటిని తీసుకునేందుకు నిరాకరిస్తున్నారు. దీనివల్ల రైతులు కనీస మద్దతు ధరను కోల్పోయి, తక్కువ ధరకే ప్రైవేట్ వ్యాపారులకు అమ్ముకోవాల్సిన దుస్థితి ఏర్పడుతోంది. కొనుగోలు కేంద్రాల్లో, మిల్లుల వద్ద రైతులు ఎదుర్కొంటున్న మరో ప్రధాన సమస్య మిల్లర్ల “తరుగు” దోపిడీ, ధాన్యంలో తేమ శాతం ఎక్కువగా ఉందనే నెపంతో మిల్లర్లు క్వింటాల్కు 5 నుంచి 20 కిలోల వరకు ధాన్యాన్ని అదనంగా తీసుకుంటున్నారు. ప్రభుత్వ నిబంధనల ప్రకారం 17 శాతం కంటే తక్కువ తేమ ఉన్న ధాన్యాన్ని సేకరించాలి. కానీ అకాల వర్షాల వల్ల తేమ శాతం పెరగడంతో మిల్లర్లు దీనిని సాకుగా చూపిస్తున్నారు. ఆదిలాబాద్, నిర్మల్ జిల్లాల్లో మిల్లర్లు మట్టి, ఊక పేరుతో క్వింటాలు రూ.300 నుంచి రూ.400 వరకు ధర తగ్గించి కొనుగోలు చేస్తున్నట్టు ఆరోపణలు వస్తున్నాయి. రైతులు నిరసన తెలిపితే ధాస్యం. ఆన్లోడ్ చేయబోమని బెదిరించడంతో రైతులు మౌనంగా భరిస్తున్నారు. మార్కెట్ యార్డుల్లో మౌలిక వసతుల లేమి, నెరవేరని కాంగ్రెస్ హామీ తెలంగాణలోని మార్కెట్ యార్డుల్లో వసతులు అంతంతమాత్రంగానే ఉన్నాయి. సిద్ధిపేట జిల్లాలోని 14 మార్కెట్ కమిటీలలో కేవలం సిద్దిపేట, గజ్వేల్, వంటిమామిడి యార్డులు మాత్రమే పూర్తిస్థాయిలో పనిచేస్తున్నాయి. మిగిలిన యార్డులలో ధాన్యం ఐరబోసేందుకు సిమెంట్ ప్లాట్ఫాంలు, వర్షం వస్తే కప్పుకోవడానికి టార్పాలిన్లు సరిపడా లేవు. ప్రభుత్వం “ఆటోమేటిక్ వరి డ్రైయర్లు”, “క్లీనర్లు” ఏర్పాటు చేస్తామని ప్రకటించింది. ఈ యంత్రాలు తేమను 2 శాతం వరకు తగ్గించి ధాన్యాన్ని శుభ్రం చేస్తాయని, దీనివల్ల తరుగు సమస్య ఉండదని పౌర సరఫరాల శాఖ తెలిపింది. అయితే మే 20:26 నాటికి ఇవి కేవలం కొన్ని మోడల్ యార్డులకే పరిమితమయ్యాయి. రాష్ట్రవ్యాప్తంగా ఉన్న వేల సంఖ్యలోని ఐకేపీ కేంద్రాల్లో ఇప్పటికీ పాత పద్దతుల్లోనే ధాన్యాన్ని ఎండబెడుతున్నారు. తెలంగాణలో అధికారం చేపట్టిన కాంగ్రెస్ ప్రభుత్వం రైతు సంక్షేమంపై అనేక హామీలు ఇచ్చింది. అయితే ప్రస్తుత కొనుగోళ్లలో ఎదురవుతున్న జాప్యంపై ప్రతిపక్షాలు తీవ్ర స్థాయిలో విమర్శలు చేస్తున్నాయి. ఎన్నికలకు ముందు కాంగ్రెస్ పార్టీ వరంగల్ డిక్లరేషన్ పేరుతో ప్రతి క్వింటాల్ వరికి రూ.500 బోనస్ ఇస్తామని ప్రకటించింది. కానీ అధికారంలోకి పచ్చిక ఈ బోనస్ ను కేవలం సన్న రకం వడ్లకే పరిమితం చేస్తూ కేబినెట్ నిర్ణయం తీసుకుంది.
యాసంగిలో మెజారిటీ రైతులు దొడ్డు రకం వడ్లను వండిస్తారు. వీరికి ఈ బోనస్ వర్తించకపోవడంపై ఆగ్రహం వ్యక్తమవుతోంది. దొడ్డు రకం రైతులు క్వింటాలు రూ.500 నష్టపోతున్నారని బీఆర్ఎస్ నేత హరీశ్ దావు విమర్శించారు. ఎకరాకు రూ.15,000 చొప్పున ఇచ్చే రైతు భరోసా సాయం, రూ.2 లక్షల రుణ మాఫీ ప్రక్రియ మందకొడిగా సాగుతోందని రైతులు ఫిర్యాదు చేస్తున్నారు. పెట్టుబడి సాయం అందక వడ్డీ వ్యాపారులను ఆశ్రయిస్తున్నారు. కేంద్ర ప్రభుత్వం నుంచి మద్దతు ధర కోసం నిధులు వస్తున్నప్పటికీ, రాష్ట్ర ప్రభుత్వం వాటిని సరాలంలో రైతులకు చేరవేయడంలో విఫలమైందని బీజేపీ రాష్ట్ర అధ్యక్షుడు రాంచందర్ రావు ఆరోపించారు. బీఆర్ఎస్ వర్కింగ్ ప్రెసిడెంట్ కేటీఆర్ రాష్ట్రవ్యాప్త ఆందోళనలకు పిలుపునిచ్చారు. మరోవైపు కేంద్ర మంత్రి బండి సంజయ్ ముఖ్యమంత్రికి బహిరంగ లేఖ రాస్తూ తడిసిన ప్రతి గింజను ప్రభుత్వం కొనుగోలు చేయాలని డిమాండ్ చేశారు.

అకాల వర్షాల నష్ట నివారణ ఎలా?

ప్రతి ఏటా యాసంగి పంట వర్ష్నాలకు తడిసిపోకుండా ఉండాలంటే వ్యవసాయ నిపుణులు కొన్ని కీలక సూచనలు చేస్తున్నారు. తెలంగాణలో యాసంగి పంట మార్చి చివరలో లేదా ఏప్రిల్ మొదల్లో కోతకు వస్తుంది. ఏప్రిల్, మే నెలల్లో అకాల వర్షాల ముప్పు ఎక్కువగా ఉంటుంది. కాబట్టి వానకాలం పంటను ఒక నెల ముందుకు జరిపి (ఆగస్టపై బదులు జూలైలో యాసంగి సాగును నవంబర్లోనే ప్రారంభించాలి. తద్వారా ఫిబ్రవరి చివరినాటికి కోతలు పూర్తవుతాయి. దీనికోసం తెలంగాణ సోనా’ (ఆర్ఎస్ఆర్ 15048) వంటి తక్కువ కాలపరిమితి (120 రోజులు) గల వంగడాలను ప్రోత్సహించాలి. రైతులకు తమ గ్రామంలో వర్షం ఎప్పుడు పడుతుందో తెలిపే ఏఐ ఆధారిత హైపర్ లోకల్ వెదర్ కాలర్ట్స్ యాప్లను అందుబాటులోకి తీసుకురావాలి. కొనుగోలు కేంద్రాల వద్దకే మొబైల్ డ్రైయర్లు పంపడం ద్వారా తడిసిన ధాన్యాన్ని వెంటనే ఎండబెట్టవచ్చు. కనీసం కొనుగోలు కేంద్రాల వద్ద శాశ్వత పాలిహౌస్ లు, షెడ్ల నిర్మాణం చేపట్టడం ద్వారా టార్పాలిన్ల అవసరం తగ్గుతుంది.
తెలంగాణ వరి సేకరణ వ్యవస్థను లలోపేతం చేసేందుకు ప్రభుత్వం కొన్ని ప్రత్యేక చర్యలు తీసుకోవాల్సిన అవసరం ఉంది. బార్దాన్ల పంపిణీ నుంచి మిల్లుల వద్ద అన్లోడింగ్ వరకు ప్రతి దశనూ ఆన్లైన్ సిస్టమ్ (ఓపీఎంఎస్) ద్వారా పర్యవేక్షించాలి. దీనివల్ల లారీల వెయిటింగ్ టైమ్ తగ్గుతుంది. బ్యాంక్ గ్యారెంటీ నిబంధనలను పక్కాగా అమలు చేస్తూనే. ధాన్యం తరలింపులో సహకరించే మిల్లర్లకు ప్రోత్సాహకాలు అందించాలి.
నకిలీ గ్యారెంటీలు ఇచ్చేవారిపై కఠిన చర్యలు తీసుకోవాలి. కేవలం సన్న రకం వడ్లకే కాకుండా, ప్రకృతి వైపరీత్యాల వల్ల నష్టపోయిన దొడ్డు. రకం రైతులకు కూడా కనీసం పాక్షిక బోనస్ లేదా సష్టపరిహారం అందించాలి. పౌర సరఫరాల శాఖ సొంతంగా లేదా కాంట్రాక్ట్ ప్రాతిపదికన మరిన్ని లారీలను అందుబాటులో ఉంచాలి. మిల్లుల వద్ద ఇన్లోడింగ్ సామర్థ్యాన్ని పెంచేలా మిల్లర్లపై ఒత్తిడి తేవాలి. రాష్ట్ర బడ్జెట్లో వ్యవసాయ మార్కెటింగ్ శాఖకు కేటాయింపులు పెంచి, ప్రతి ఏటా కనీసం 500 కొత్త కొనుగోలు కేంద్రాల్లో శాశ్వత షెర్లను నిర్మించాలి. రాష్ట్రం వరి సాగులో దేశానికే ఆదర్శంగా నిలిచినప్పటికీ, సేకరణా వ్యవస్థలో ఉన్న లోపాలు రైతులకు శాపంగా మారుతున్నాయి. పరిపాలనాపరమైన జాప్యం, మిల్లర్ల మొండితనం, ప్రకృతి వైపరీత్యాల మధ్య అన్నదాత నలిగిపోతున్నాడు. ప్రస్తుత యాసంగి సీజన్లో లక్ష్యం 90 లక్షల టన్నులు కాగా, మే మొదటి వారం వరకు కేవలం 12,38 లక్షల టన్నులే సేకరించడం పరిస్థితి తీవ్రతను సూచిస్తోంది. ఇప్పటికైనా ప్రభుత్వం యుద్ధ ప్రాతిపదికన స్పందించి, తడిసిన ప్రతి మద్దతు ధరతో కొనుగోలు చేయాలి. రాజకీయ విమర్శలకు అతీతంగా రైతు ప్రయోజనాలే పరమావధిగా వ్యవస్థలో నమూల మార్పులు తీసుకురావాలి. అప్పుడే తెలంగాణ ‘రైస్ బౌల్” అన్న పేరుకు సార్థకత చేకూరుతుంది.

తెలుగు జాతీయ వార్తలు, ప్రత్యేక కథనాలు, ట్రెండింగ్ వీడియోలు కోసం Prajatantra వెబ్‌సైట్ ను సందర్శించండి. తాజా అప్‌డేట్స్ కోసం మా X (Twitter), Facebook, WhatsApp ఛానల్ ను ఫాలో కండి.. అలాగే మా ప్రజాతంత్ర, యూట్యూబ్ చానల్ ను సబ్ స్క్రైబ్ చేసుకోండి..   మీ అభిప్రాయాన్ని కామెంట్ రూపంలో పంచుకోండి. మీ స్నేహితులు, కుటుంబ సభ్యులతో షేర్ చేయడం మర్చిపోవద్దు.