- వెస్ట్బ్యాంక్లో పాలస్తీనియన్లకు
- 2023 అత్యంత ఘోరమైన సంవత్సరం
పాలస్తీనియన్ల కోసం ఐక్యరాజ్య సమితి రిలీఫ్ ఏజెన్సీ ( యు యన్ ఆర్ డబ్ల్యు) మరియు యు యన్ వరల్డ్ ఫుడ్ ప్రోగ్రామ్ నుండి తాజా హెచ్చరికలు ఆకలి ముప్పును ఎత్తి చూపుతున్నాయి. ఎన్క్లేవ్ యొక్క ఉత్తరం మరియు మధ్యలో తీవ్రమైన బాంబు దాడుల వలన వేలాది మంది ప్రజలు పారిపోయారు. వెస్ట్బ్యాంక్లో పాలస్తీనియన్లకు 2023 అత్యంత ఘోరమైన సంవత్సరం. డెయిర్ అల్ బలాప్ా, ఖాన్ యూనిస్ మరియు రఫా దక్షిణ పట్టణాలపై ఇజ్రాయెల్ బాంబు దాడి, నేలపై ప్రత్యక్ష ఘర్షణలు, రాత్రిపూట రాకెట్ల కాల్పులు జరుపుతున్న నేపథ్యంలో ఐక్యరాజ్యసమితి మానవతావాదులు మంగళవారం గాజాలో యుద్ధంలో చిక్కుకున్న పౌరుల కోసం తీవ్రమైన ఆందోళన చెందుతున్నారు. గాజాలో అందరూ ఆకలితో ఉన్నారు. భోజనం మానేయడం ఆనవాయితీ ఐపోయింది. ప్రతి రోజు జీవనోపాధి కోసం తీరని అన్వేషణ చేస్తూనే ఉన్నారు. ప్రజలు తరచుగా పగలు మరియు రాత్రి భోజనం చేయడం లేదు. పిల్లలు ఆకలి తీర్చడం కోసం పెద్దలు పస్తులు ఉంటున్నారు. యుద్ధం ప్రారంభమైనప్పటి నుండి గాజాస్ట్రిప్లో కనీసం 21672 మంది పాలస్తీనియన్లు, వెస్ట్బ్యాంక్లో 79 మంది పిల్లలతో సహా 307 మంది పాలస్తీనియన్లు చంపబడ్డారు. యునైటెడ్ నేషన్స్ రిలీఫ్ అండ్ వర్క్స్ ఏజెన్సీ ప్రకారం, ఇప్పటికే రద్దీగా ఉన్న దక్షిణ నగరమైన రాఫాలో ఇప్పుడు దాదాపు మిలియన్ల మంది ప్రజలు భద్రత లేకుండా ఉన్నారు. చలి నుండి రక్షించుకోడానికి సరిపడా దుస్తులు లేక ఆరుబయటే వారి సామానులతో నిద్రిస్తున్నారు. గాజాలో సగం మంది ఆకలితో అలమటిస్తున్నారు. పోషకాహార లోపం ఉన్న పిల్లలు చాలా ప్రమాదంలో ఉన్నారు.
ప్రపంచ ఆరోగ్య సంస్థ ప్రకారం అక్టోబర్ నుండి నేటి వరకు 1,79,000 మంది శ్వాసకోశ వ్యాధులతోను, 1,36,400 మంది ఐదేళ్లలోపు గల పిల్లలు అతిసారంతోను, 55,400 మంది గజ్జి మొదలైన చర్మ వ్యాధులతోను, 4600 మంది పచ్చ కామెర్ల తోను బాధ పడుతున్నారు. గాజా ఆరోగ్య అధికారులు గాజాకు ఉత్తరాన కొన్ని ఆసుపత్రి సేవలను పునఃప్రారంభించగలిగారు. వీటిలో అల్ అహ్లీ అరబ్ హాస్పిటల్, పేషెంట్స్ ఫ్రెండ్స్ ఛారిటీ హాస్పిటల్, అల్ హెలౌ ఇంటర్నేషనల్ హాస్పిటల్, అల్ అవదా హాస్పిటల్ మరియు అనేక ఇతర ప్రాథమిక సంరక్షణ కేంద్రాలు ఉన్నాయి. నివాస పరిసరాలు మరియు ఆరోగ్య సౌకర్యాల పరిసరాలపై నిరంతర బాంబు దాడి కారణంగా వైద్య బృందాల కదలిక మరియు పని చుట్టూ ఉన్న గొప్ప ప్రమాదాల మధ్య ఇది ??జరిగింది. అక్టోబరు 7న దక్షిణ ఇజ్రాయెల్లో హమాస్ నేతృత్వంలోని ఉగ్రదాడులు దాదాపు 1,200 మందిని చంపి, మరో 240 మందిని బందీలుగా పట్టుకున్నప్పటి నుండి, గాజా స్ట్రిప్లో ఘర్షణలు మరియు ఇజ్రాయెల్ డిఫెన్స్ ఫోర్సెస్ గాలి, భూమి మరియు సముద్రం నుండి దాడులు చేశాయి.స్థానిక ఆరోగ్య అధికారుల ప్రకారం, ప్రధానంగా మహిళలు మరియు పిల్లలు 22,000 మందికి పైగా ప్రాణాలు కోల్పోయారు. గాజాలో గ్రౌండ్ ఆపరేషన్ ప్రారంభమైనప్పటి నుండి 168 మంది ఇజ్రాయెల్ సైనికులు మరణించారు.
మరియు 955 మంది గాయపడ్డారని ఐ డి ఎఫ్ గణాంకాలు తెలుపుతున్నాయి. ప్రపంచ ఆరోగ్య సంస్థ తన తాజా అత్యవసర నివేదికలో 7,000 మంది తప్పిపోవడమో లేదా శిథిలాల కింద సమాధి అవడమో జరిగిందని, అక్టోబర్ 7 నుండి 26 ఆసుపత్రులు 38 అంబులెన్స్లు దెబ్బతిన్నాయని, ఆరోగ్య సంరక్షణపై దాదాపు 300 దాడుల్లో 600 మంది చనిపోయారని పేర్కొంది. గాజాలో 1.93 మిలియన్ల మంది నిర్వాసితులయ్యారు. దాదాపు 52,000 మంది గర్భిణీ స్త్రీలు ప్రతిరోజూ 180 మంది శిశువులకు జన్మనిస్తున్నారు. 1,100 మంది రోగులకు కిడ్నీ డయాలసిస్ , 71,000 మందికి మధుమేహం మరియు 2,25,000 మందికి అధిక రక్తపోటు చికిత్స అవసరమని డబ్ల్యు హెచ్ ఒ తెలిపింది. యు యన్ మానవ హక్కుల చీఫ్ వోల్కర్ టర్క్ చెప్పినదాని బట్టి అక్టోబర్ 7 నుండి ఆక్రమిత వెస్ట్ బ్యాంక్ అంతటా 79 మంది పిల్లలతో సహా దాదాపు 300 మంది పాలస్తీనియన్లు చంపబడ్డారు. ఐక్యరాజ్య సమితి మానవ హక్కుల హై కమీషనర్ కార్యాలయం నివేదిక ప్రకారం, అక్టోబర్ 7 నుండి నవంబర్ 20 వరకు మధ్య కాలంలో వైమానిక దాడులు మరియు శరణార్థి శిబిరాలకు పంపబడిన సాయుధ సిబ్బంది క్యారియర్లు మరియు బుల్డోజర్ల లో పెరుగుదల కనిపించింది. దీని కారాణాన్న వెస్ట్ బ్యాంక్ విస్తారమైన నష్టాన్ని చవిచూసింది. గత సంవత్సరం, ఇజ్రాయెల్ అధికారులు 1,119 నిర్మాణాలను కూల్చివేశారు. పాలస్తీనియన్ల కోసం ఐక్యరాజ్య సమితి రిలీఫ్ ఏజెన్సీ ( యు యన్ ఆర్ డబ్ల్యు) మరియు యు యన్ వరల్డ్ ఫుడ్ ప్రోగ్రామ్ నుండి తాజా హెచ్చరికలు ఆకలి ముప్పును ఎత్తి చూపుతున్నాయి. ఎన్క్లేవ్ యొక్క ఉత్తరం మరియు మధ్యలో తీవ్రమైన బాంబు దాడుల వలన వేలాది మంది ప్రజలు పారిపోయారు. ఐక్యరాజ్య సమితి సమావేశాలకు మాత్రమే పరిమితం అవుతున్నట్లు కనిపిస్తుంది. అంతర్జాతీయ సమాజం మౌనం వీడాలి. ఇజ్రాయిల్ పై అన్ని దేశాలు ఒత్తిడి తీసుకురావాలి. శాంతి వాతావరణం కేవలం చర్చలు ద్వారా మాత్రమే వీలవుతుందని గ్రహించాలి. ఈ చర్చలకు విఘాతం కల్పిస్తున్న దేశాలను ఒంటరి చేయాలి. పాలస్తీనా పౌరులను కాపాడేదెవరు..? అమెరికా పెత్తనాన్ని ప్రశ్నించే దేశమే లేదా..?
డి.జె మోహనరావు
యం.ఎస్సీ(ఫిజిక్స్) టీచర్,
ఆమదాలవలస,
శ్రీకాకుళం జిల్లా,
ఆంధ్రప్రదేశ్,
8247045230
