‘‘1నుంచి 8వ తరగతి వరకు విద్యార్థులకు ఇచ్చే స్కాలర్ షిప్ లకు మంగళం పాడింది. పేరు గొప్ప పథకాలతో ఊరిస్తూ ప్రజల జీవన వ్యయం పెంచేసి తమాషా చూస్తున్న కేంద్రం తాజాగా విద్యార్థులకు స్కాలర్ షిప్స్ ఇచ్చేందుకు వెనకడుగు వేసింది. 2022-23 విద్యా సంవత్సరం నుంచి ప్రీ మెట్రిక్ స్కాలర్షిప్ లు ఇవ్వలేమని తేల్చి చెప్పింది.దీంతో బడ్జెట్ లో ఆ మేరకు నిధుల కేటాయింపు ఆపేస్తుంది కేంద్రం.’’
– డా. ముచ్చుకోట సురేష్ బాబు,
అధ్యక్షులు – ప్రజాసైన్స్ వేదిక,9989988912.
2022-23 విద్యా సంవత్సరం నుంచి ప్రీ మెట్రిక్ స్కాలర్ షిప్ లు ఇవ్వలేమని తేల్చి చెప్పింది కేంద్రం. 1నుంచి 8వ తరగతి వరకు విద్యార్థులకు ఇచ్చే స్కాలర్ షిప్ లకు మంగళం పాడింది. పేరు గొప్ప పథకాలతో ఊరిస్తూ ప్రజల జీవన వ్యయం పెంచేసి తమాషా చూస్తున్న కేంద్రం తాజాగా విద్యార్థులకు స్కాలర్ షిప్స్ ఇచ్చేందుకు వెనకడుగు వేసింది. 2022-23 విద్యా సంవత్సరం నుంచి ప్రీ మెట్రిక్ స్కాలర్షిప్ లు ఇవ్వలేమని తేల్చి చెప్పింది.దీంతో బడ్జెట్ లో ఆ మేరకు నిధుల కేటాయింపు ఆపేస్తుంది కేంద్రం. ఇప్పటివరకు ప్రీ మెట్రిక్ స్కాలర్ షిప్స్ ఒకటో తరగతి నుంచి 10వ తరగతి వరకు ఇచ్చేవారు. ఎస్సీ, ఎస్టీ, ఓబీసీ, మైనారిటీ విద్యార్థులకు ఈ స్కాలర్ షిప్స్ ఇస్తారు. ఇకపై 9, 10 తరగతుల విద్యార్థులకు మాత్రమే స్కాలర్ షిప్స్ ఇస్తారు. మిగతా వారికి ఇచ్చే నిధుల్ని కేంద్రం మిగుల్చుకోవాలని చూస్తోంది. ప్రీ మెట్రిక్ స్కాలర్ షిప్ లు ఆపేస్తున్న కేంద్రం, దానికి ఓ సాకు కూడా వెదికింది. విద్యాహక్కు చట్టం -2009 ప్రకారం 1 నుంచి 8వ తరగతి వరకు ప్రతి ఒక్కరికీ ప్రభుత్వం నిర్బంధ ఉచిత విద్య అందిస్తోంది కాబట్టి, 8వ తరగతి వరకు స్కాలర్ షిప్స్ ఇవ్వాల్సిన అవసరం లేదని కేంద్ర సామాజిక న్యాయం సాధికారత శాఖ, గిరిజన సంక్షేమ శాఖలు తాజాగా ప్రకటించాయి. ఇకపై 8వ తరగతి వరకు కేంద్రం అందించే స్కాలర్ షిప్ లు ఎవరికీ ఇవ్వడంలేదని తేల్చి చెప్పాయి.
రెండు ప్రభుత్వ స్కాలర్షిప్లకు అర్హులైన ఇతర వెనుకబడిన తరగతులు మరియు మైనారిటీలకు చెందిన పేద పాఠశాల విద్యార్థులకు ఈ సంవత్సరం నుంచి భారీగా తగ్గించబడింది. ఓబిసిలకు ప్రీ-మెట్రిక్ స్కాలర్షిప్ మరియు మైనారిటీలకు ప్రీ-మెట్రిక్ స్కాలర్షిప్ అనే రెండు పథకాలను కేంద్రం సవరించింది – తొమ్మిది మరియు పదవ తరగతుల విద్యార్థులకు మరియు ప్రభుత్వ పాఠశాలల్లో చేరిన వారికి మాత్రమే అర్హతను పరిమితం చేయడం ద్వారా.ఇప్పటి వరకు, రెండు స్కాలర్షిప్లు ప్రభుత్వ, ఎయిడెడ్ మరియు ప్రైవేట్ పాఠశాలల్లో ఒకటి నుండి పదవ తరగతుల విద్యార్థులకు అందుబాటులో ఉన్నాయి. సామాజిక న్యాయం మరియు సాధికారత మంత్రిత్వ శాఖ నుండి ఓబిసి స్కాలర్షిప్ కోసం మునుపటి 2017-18 మార్గదర్శకాలు ఒకటి నుంచి పదో తరగతి విద్యార్థులకు సంవత్సరానికి 10 నెలల పాటు నెలకు రూ. 100 మరియు హాస్టల్ బోర్డర్లకు మూడు నుండి పదో తరగతి వరకు నెలకు రూ. 500 అందించాయి. సంవత్సరానికి 10 నెలలు. ప్రతి విద్యార్థి సంవత్సరానికి రూ. 500 లంప్సమ్ గ్రాంట్కు కూడా అర్హులు. అర్హత కోసం కుటుంబ ఆదాయం సంవత్సరానికి రూ. 2.5 లక్షలు. సవరించిన మార్గదర్శకాల ప్రకారం, ప్రభుత్వ పాఠశాలల్లో తొమ్మిది మరియు పదో తరగతి బీసీ విద్యార్థులు సంవత్సరానికి 4,000 రూపాయలు అందుకుంటారు. ద్రవ్యోల్బణాన్ని సర్దుబాటు చేయకుండా ఆదాయ కట్ఆఫ్ రూ. 2.5 లక్షల వద్ద మారదు. ఓబీసీలకు ప్రీ-మెట్రిక్ స్కాలర్షిప్ పరిధిని ఎందుకు కుదించారని విపక్షాలు అడిగిన ప్రశ్నకు సామాజిక న్యాయ శాఖ మంత్రి వీరేంద్ర కుమార్ వ్రాతపూర్వక సమాధానంలో, విద్యా హక్కు చట్టం (ఆర్టిఇ) కింద ఉచిత మరియు నిర్బంధ విద్యను అందించడమే కారణమని పేర్కొన్నారు.
‘‘ఈ క్రింది విధంగా స్కాలర్షిప్ను హేతుబద్ధీకరించడానికి ఇది జరిగింది: 1). ఆర్టీఈ చట్టం 2009 ప్రతి బిడ్డకు ఉచిత మరియు నిర్బంధ ప్రాథమిక విద్యను (తరగతి ఒకటి నుంచి ఎనిమిది వరకు) అందించడానికి ప్రభుత్వం తప్పనిసరి చేసింది. దీని ప్రకారం తొమ్మిది మరియు పదో తరగతి చదువుతున్న విద్యార్థులు మాత్రమే ఓబిసి కోసం ప్రీ-మెట్రిక్ స్కాలర్షిప్ పథకం కింద కవర్ చేయబడతారు. 2). స్కాలర్షిప్ మొత్తం పెంచబడింది మరియు డే స్కాలర్లు మరియు హాస్టలర్లకు ఏకరీతిగా చేయబడింది, ’’అని కుమార్ చెప్పారు.డే స్కాలర్లకు ఏడాదికి రూ.1,000 నుంచి రూ.4,000కి ఎగబాకగా, హాస్టల్ బోర్డర్లకు ఏడాదికి రూ.5,000 నుంచి పడిపోయినట్లు తెలుస్తోంది. ఆర్టీఈ చట్టం ఏప్రిల్ 2010లో అమల్లోకి వచ్చింది, అయితే కేంద్రం ఇప్పటి వరకు ఒకటి నుంచి పదో తరగతుల విద్యార్థులకు ఓబిసి స్కాలర్షిప్ను ప్రోత్సాహకంగా మరియు విద్యకు సంబంధించిన ట్యూషన్-ఫీ-యేతర ఖర్చులను కవర్ చేసే మార్గంగా కొనసాగించింది. 2017-18 మార్గదర్శకాలు ఓబిసి లు మరియు అడ్వాన్స్ కులాల మధ్య అసమానతలు నొక్కిచెప్పాయి.’’ప్రత్యేకించి ఈ లక్ష్య సమూహాలకు అంటే వెనుకబడిన తరగతులకు, జనాభాలో వెనుకబడిన యేతర వర్గాలతో పోల్చితే వారికి స్థాయిని అందించడానికి వివిధ కొత్త పథకాలు ప్రవేశ పెట్టడానికి తీవ్రంగా కృషి చేయాల్సిన అవసరం ఉందని భావించబడింది’’ అని మార్గదర్శకాలు పేర్కొన్నాయి.
ఓబిసి లు మరియు సాధారణ సమాజం మధ్య అసమానత నేటికీ కొనసాగుతోంది. నాలుగు సంవత్సరాల క్రితం, ఈ ప్రభుత్వం ఓబిసి పిల్లలకు ఒకటి నుండి పదో తరగతి వరకు స్కాలర్షిప్లు అవసరమని భావించింది. ఇప్పుడు ఆ దిశగానే వెనక్కి వెళుతోంది. ఇది ముమ్మాటికీ యు-టర్న్ ఇన్ పాలసీ. తాజా సవరణ వల్ల చాలా మంది ఓబీసీ విద్యార్థులు చదువు మానేయాల్సిన పరిస్థితి ఏర్పడుతుంది. ఉన్నత విద్యలో స్థూల నమోదు రేటును ఇప్పుడు 27 శాతం నుంచి 2035 లో 50 శాతానికి పెంచాలని ప్రభుత్వం లక్ష్యంగా పెట్టుకుంది. కేంద్రం ఓబిసి (పాఠశాల పిల్లలు) కోసం స్కాలర్షిప్ను ఉపసంహరించుకున్నప్పుడు (కుదించడం) అది ఎలా జరుగుతుంది. మైనారిటీ విద్యార్థుల కోసం ప్రీ-మెట్రిక్ స్కాలర్షిప్ సంవత్సరానికి రూ. లక్షలోపు తల్లిదండ్రుల ఆదాయం ఉన్నవారికి అందించబడింది. ప్రతి సంవత్సరం 30 లక్షల కొత్త స్కాలర్షిప్లను అందించడం ఈ పథకం లక్ష్యం, వాటిలో 30 శాతం బాలికలకు. ఒకటి నుండి పదో తరగతి వరకు డే స్కాలర్లు నెలకు రూ. 100 మరియు ఆరు నుండి పదో తరగతి వరకు హాస్టల్ బోర్డర్లకు నెలకు రూ. 350 ట్యూషన్ ఫీజుతో పాటు నెలకు రూ. 600 నిర్వహణ భత్యం లభించింది.
స్కోప్ ఇప్పుడు తొమ్మిది మరియు పదో తరగతుల విద్యార్థులకు మాత్రమే పరిమితం చేయబడినప్పటికీ – మరియు ప్రభుత్వ పాఠశాలల్లో మాత్రమే – కొత్త మొత్తాలు మరియు ఆదాయ కట్ ఆఫ్ ఏమిటో నిర్ధారించడం సాధ్యం కాదు. ఎస్సీ, ఎస్టీ, బీసీ, మైనార్టీ విద్యార్థులకు చదువు దూరం చేసేందుకు కేంద్రం ఇలా కుట్ర పన్నింది. ఏడేళ్లుగా అమలులో ఉన్న ఈ పథకాన్ని ఇప్పుడు కుదించాల్సిని అవసరమేముంది. ఉచిత నిర్బంధ విద్య అందిస్తున్నామని గొప్పలు చెప్పుకుంటున్నారు కానీ, అది కూడా సజావుగా సాగడం లేదు. ఇప్పుడు ఉద్దేశపూర్వకంగానే ఒకటి నుంచి ఎనిమిది తరగతుల విద్యార్థులకు ప్రీ మెట్రిక్ స్కాలర్ షిప్ అందకుండా చేస్తున్నారు. కులం పేరుతో వివక్షకు గురైన వర్గాల వారికి సమప్రాతినిధ్యం దక్కించడం కోసమే రిజర్వేషన్ల వ్యవస్థ’’ అని,రాజ్యాంగంలోని ఆర్టికల్ 15(4) • 16(4) లలో స్పష్టంగా పేర్కొనబడింది. ఆర్థిక ప్రాతిపదికన ఇవ్వాల్సినవి సంక్షేమ పథకాలు మాత్రమేనని, ఆర్థిక ప్రాతిపదికన రిజర్వేషన్లు ఈబీసీ వర్గాలకు ఎక్కడ నుండి వచ్చింది. రిజర్వేషన్స్ కు ప్రాతిపదిక కులం (సామాజిక వెనుకబాటు) మాత్రమే, కేంద్రంలో బీజేపీ ఉన్నప్పటి నుండి అంతా ఉల్టా పల్టా అవుతుంది. .మండల్ కమీషన్ రిపోర్ట్ ప్రకారం ఓబీసీ ల జనాభా 54% , అగ్రకులాల జనాభా ఎంత అనేది తెలియకుండా వారికి 10 శాతం రిజర్వేషన్లా? అసలు ఏలెక్కల ప్రకారం 10% కేటాయించారు అనే దానిపై చర్చ జరిగినట్లు లేదు. తీర్పు వెలువరించే ముందు ఓసి ల జనాభాను సుప్రీం శాస్త్రీయ లెక్కలు లేవు పరిగణనలోకి తీసుకున్నట్లు లేదు.
రిజర్వేషన్లు 50% దాటొచ్చు అన్న సుప్రీం తీర్పును వెనుకబడిన తరగతులు అనుకూలంగా మలచుకుని జనాభా దామాషా ప్రకారం ఓబీసీ లకు 54%రిజర్వేషన్ల కోసం పోరాడాలి. సమగ్రంగా, శాస్త్రీయంగా అన్ని కులాల లెక్కలు తీయాలి, వేరే అంశాలు పక్కన పెట్టి జనాభా దామాషా ప్రకారం (రిజర్వేషన్లు) ప్రాతినిధ్యం కల్పించాలి. మండల్ మహనీయుడే మనకు మార్గదర్శి, ఇదే అంశంపై దేశవ్యాప్త చర్చ జరగాలి. రిజర్వేషన్లు 50% దాటొచ్చు అన్న సుప్రీం తీర్పు ప్రకారం ఓబీసీ లకు 54% రిజర్వేషన్లు అమలు చేయాలి లేదా సమగ్రమైన,శాస్త్రీయమైన కులగణన ద్వారా జనాభా ప్రాతిపదికన రిజర్వేషన్లు కేటాయించాలి. 1931 జనాభా లెక్కల ప్రకారం ఓబీసీ ల జనాభా 54% గా మండల్ కమిషన్ పేర్కొంది, ఇప్పుడు ఆ శాతం మరింత పెరిగింది, ఎందుకంటే 1931 తర్వాత దేశవ్యాప్తంగా చాలా కులాలను ఓబీసీ జాబితాలో చేర్చారు. దళిత క్రిస్టియన్లు ఇప్పుడు అప్పటికంటే ఎక్కువయ్యారు, వారు కూడా ఓబీసీ కోటాలోకే వస్తారు, ఇప్పుడు లెక్కలు తీస్తే ఓబీసీ జనాభా 60 శాతం దాటొచ్చు, దానికనుగుణంగా అన్ని రంగాల్లో ప్రాతినిధ్యం పెరగాలి. చారిత్రాత్మకమైన తప్పిదాలకు మనము అవకాశం ఇవ్వొద్దు, మన భవిష్యత్తు తరాలు మనల్ని నిందించకూడదు, ఓబీసీ ల దీర్ఘకాలిక ప్రయోజనాలు సాధన కోసం సాధించేవరకు పోరాడాలి.
