విత్తిన విత్తు
చినుకులతో కులికింది
కులికినవిత్తు
తడిసి మురిసింది
మురిసిన విత్తు
ముచ్చటపడి మొలకెత్తింది
మొలకెత్తిన మొక్క
కురిసిన వానకు వరద పాలైంది
వరద పాలెన మడిని చూసి
కడివెడు కన్నీటితో
అన్నదాత తల్లడిల్లిపోతుండు
దవాఖానాలో ఆమెకు
పిండం తీసి గండం గట్టెక్కించారు
తల్లి ప్రాణం దక్కినందుకు
తల్లి కాలేని ఆ తల్లి
పుట్టెడు దుఃఖాన్ని బుజ్జగిస్తున్న
ఇంటి ఇరుగుపొరుగు అమ్మలక్కలు
– కట్టెకోల చిన నరసయ్య
9951260316
