Take a fresh look at your lifestyle.

రాష్ట్ర ఆర్థిక పరిస్థితి ఆందోళనకరం

శ్వేతపత్రం సమర్పించాలని యనమల డిమాండ్‌

‌రాష్ట్ర ఆర్ధిక పరిస్థితిపై ప్రభుత్వం శ్వేతపత్రం విడుదల చేయాలని టీడీపీ నేత, మాజీ మంత్రి యనమల రామకృష్ణుడు డిమాండ్‌ ‌చేశారు. ఆర్థిక పరిస్థితి దిగజారిందని అన్నారు. అప్పులకుప్పగా మారిన ఖజానాతో తీరని ఆందోళన కలిగిస్తోందని అన్నారు. సోమవారం ఆయన వి•డియాతో మాట్లాడుతూ అప్పులు తప్ప.. అభివృద్ధి లేని ఏకైక రాష్ట్రంగా ఏపీని మార్చారని విమర్శించారు. జగన్‌ ‌రెడ్డి అనాలోచిత పాలనలో ఉద్యోగులకు జీతాలివ్వలేని పరిస్థితి నెలకొందన్నారు. ఆదాయం, అప్పుల ద్వారా వచ్చిన సొమ్ము ఏమవుతోందని ప్రశ్నించారు. జీతాలు, పెన్షన్లు, సంక్షేమం కోసం కూడా  అప్పులేనా?.. డబ్బులివ్వకపోవడంతో ప్రైవేటులో ఆరోగ్యశ్రీ నిలిచిపోవడం వాస్తవం కాదా.? అని ప్రశ్నించారు. ఫిబ్రవరికే రూ.79,191.58 కోట్లు అప్పులు చేసి దేశంలోనే జగన్‌ ‌రికార్డు సృష్టించారని యనమల అన్నారు. గతేడాది కంటే స్టేట్‌ ఎక్సైజ్‌ ‌డ్యూటీ రూ.5 వేల కోట్లు పెరిగిందని, ల్యాండ్‌ ‌రెవెన్యూ ఆదాయం గతేడాది కంటే రూ.103 కోట్లు పెరిగిందన్నారు. గ్రాంట్‌ ఇన్‌ ఎయిడ్‌ ‌గతేడాది కంటే రూ.10వేల కోట్లు ఎక్కువైందని, గతేడాది కంటే రూ.29,109 కోట్లు అదనపు ఆదాయం వచ్చిందన్నారు. కరోనా సమయంలో వచ్చిన విరాళాలన్నీ ఎటు పోయాయన్నారు. ఒక్కో వ్యక్తి నెత్తిన రూ.70 వేల అప్పు పెట్టారని, 3 నెలల్లోనే రూ.73,812 కోట్ల అప్పు రాష్ట్ర ఆర్ధిక పరిస్థితికి నిదర్శనమన్నారు. అభివృద్ధి లేదు.. సంక్షేమం లేదు.. డబ్బుమాత్రం మాయమవుతోందని యనమల రామకృష్ణుడు విమర్శించారు.

Leave a Reply