పోలీసు ఉద్యోగాలకు నియామక పక్రియ
హాల్‌ టిక్కెట్లు డౌన్‌ లోడ్‌ చేసుకుపే వెసులుబాటు
హైదరాబాద్‌, ప్రజాతంత్ర, మార్చి 28 : రాష్ట్రంలో పోలీసు ఉద్యోగాలకు నియామక పక్రియ కొనసాగుతున్నది. ఎస్‌సీటీ పీసీ , ఎస్‌సీటీ పీసీ పోస్టులకు ఏప్రిల్‌ 2న రాత పరీక్ష నిర్వహించనున్నట్లు తెలంగాణ స్టేట్‌ లెవల్‌ పోలీసు రిక్రూట్‌మెంట్‌ బోర్డు ప్రకటించింది. 2వ తేదీన ఉదయం 10 నుంచి మధ్యాహ్నం ఒంటి గంట వరకు ఎస్‌సీటీ పీసీ(డ్రైవర్‌) పోస్టులకు, మధ్యాహ్నం 2:30 నుంచి సాయంత్రం 5:30 గంటల వరకు ఎస్‌సీటీ పీసీ(మెకానిక్‌) పోస్టులకు రాత పరీక్ష నిర్వహించనున్నారు. ఈ పరీక్షలకు సంబంధించిన హాల్‌ టికెట్లను మార్చి 28 నుంచి మార్చి 31వ తేదీ అర్థరాత్రి వరకు సంబంధిత వెబ్‌సైట్‌ నుంచి డౌన్‌లోడ్‌ చేసుకోవచ్చు.
హాల్‌ టికెట్‌ డౌన్‌లోడ్‌ చేసుకున్న తర్వాత ప్రతి అభ్యర్థి తమ పోటోను హాల్‌టికెట్‌పై అతికించాలని సూచించారు. కేవలం గమ్‌ మాత్రమే ఉపయోగించాలని స్పష్టం చేశారు. హాల్‌ టికెట్‌పై అభ్యర్థి ఒరిజినల్‌ పోటో లేనిచో పరీక్షకు అనుమతించబోమని చెప్పారు. ఒక్క నిమిషం ఆలస్యమైనా పరీక్షా కేంద్రంలోకి అనుమతి ఉండదని స్పష్టం చేశారు. మొబైల్స్, టా•-లబెట్స్, పెన్‌ డ్రైవ్స్, బ్లూటూత్‌ డివైజెస్‌, గడియారాలు, వాచ్‌ క్యాలికులేటర్స్, పర్సులు, వాలెట్‌లు తీసుకురావొద్దని సూచించారు. కేవలం బ్లాక్‌ లేదా బ్లూ బాల్‌ పాయింట్‌ పెన్‌ మాత్రమే వెంట తెచ్చుకోవాలని స్పష్టం చేశారు.