వరదలు, ఇతర ప్రకృతి వైపరీత్యాలలో..
వరద పరిస్థితిపై అధికార యంత్రాంగాన్ని సిఎం కెసిఆర్ అప్రమత్తం చేశారు. సెక్రటేరియట్లో ప్రభుత్వం కంట్రోల్ రూమ్ ఏర్పాటు చేసింది. సెక్రటేరియట్ ఫ్లడ్ కంట్రోల్ రూమ్ మొబైల్ నెంబర్లు : 79979 59705, 79979 50008. జిహెచ్ఎంసి కంట్రోల్ రూమ్ నెంబరు : 040 21111111, 040 29555500.
వరంగల్ ఫ్లడ్ కంట్రోల్ నెం : 1800 425 1980. వరంగల్ వాట్స్ అప్ : 7997100300. రాష్ట్రంలోని అన్ని మున్సిపాలిటీ (జిహెచ్ఎంసి మినహా) ల ఫ్లడ్ కంట్రోల్ రూమ్ నెంబర్ :040-23120410. రాష్ట్ర వ్యాప్తంగా ఉన్న పట్టణ ప్రాంతాలకు డిఆర్ఎఫ్ బృందాలు సేవలు అందిస్తున్నాయి.
తెలంగాణ రాష్ట్రంలోని పట్టణ ప్రాంతాలలో విపత్తు నిర్వహణ నిర్దిష్ట ప్రయోజనం కోసం ఏర్పాటు చేయబడిన ఎన్ఫోర్స్మెంట్ వింగ్ ద్వారా పర్యవేక్షిస్తుంది. పౌరులను సురక్షితంగా ఉంచడానికి ప్రత్యేక దళం, విపత్తు ప్రతిస్పందన మరియు ఎన్ఫోర్స్మెంట్ ఫోర్స్ డైరెక్టరేట్ కింద పనిచేస్తోంది. జిహెచ్ఎంసి పరిధిలో ప్రత్యేకించి డైరెక్టరేట్ ఆఫ్ ఎన్ఫోర్స్మెంట్, విజిలెన్స్ మరియు డిజాస్టర్ మేనేజ్మెంట్ వింగ్లో ప్రకృతి వ్యాపారీత్యాల్లో ప్రజలు ఎదుర్కొంటున్న సమస్యలను పరిష్కరించడానికి విపత్తు సహాయ దళం ఉంటుంది. 360 మంది పూర్తి శిక్షణ పొందిన నిపుణులు మరియు 8 ఎల్ఎంవి బృందాలు మరియు పదకొండు ట్రక్కులతో కూడిన మల్టీ యుటిలిటీ వాహనాలతో ఈ దళం విపత్తుల సమయంలో అధునాతన రెస్క్యూ మెషినరీతో కార్యకలాపాలను చేపడుతుంది. గతంలో ఆకస్మికంగా వచ్చిన భారీ వర్షాలు, వరదలు సిరిసిల్ల పట్టణం, వరంగల్ నగరాలను ముంచేత్తినప్పుడు ఈ బృందం తరలివెళ్ళి ప్రజలకు అండగా నిలిచింది. అత్యవసర సమయాల్లో పట్టణ ప్రాంతాల్లో వరదలు, నిర్మాణ శిదిలాలు, అగ్ని ప్రమాదాలు, రైలు లేదా రోడ్డు ప్రమాదాలు, చెట్లు కూలడం మరియు జంతువులను రక్షించడం వంటి ఏదైనా విపత్తు పరిస్థితులను ఎదుర్కోవడమే ఈ దళం తన ప్రధాన విధులుగా వ్యవహరిస్తుంది.
అర్బన్ డెవలప్మెంట్ మెషినరీ ద్వారా మార్గనిర్దేశం చేయబడిన ఈ దళం అత్యవసర సమయాల్లో మొత్తం 9000 ఫిర్యాదులకు స్పందించింది. గత సంవత్సరంలో దళం 2133 ఫిర్యాదులకు హాజరైంది. మరియు సిరిసిల్ల మరియు వరంగల్ నగర వరదలలో ఈ బలగాల ఏర్పాటు ఫలితంగా తీవ్రంగా ప్రభావితమైన వేలాది కుటుంబాలను రక్షించింది. ఆకస్మిక వరదలతో సిరిసిల్ల పట్టణం తీవ్రంగా దెబ్బతిన్నది మరియు వరంగల్లో కూడా లోతట్టు ప్రాంతాలను వరదలు ముంచెత్తాయి. జిహెచ్ఎంసి యొక్క డిఆర్ఎఫ్ బృందాలు అక్కడి బాధిత కుటుంబాలను సహాయ శిబిరాలకు తరలించడానికి ముందు రెస్క్యూ మరియు రిలీఫ్ ఆపరేషన్ల కోసం పడవలు మరియు ఇతర వాహనాలతో తరలించాయి. చెట్లు రోడ్డుకు అడ్డంగా పడి రాకపోకలకు అడ్డంకులు సృష్టించినప్పుడు డిఆర్ఎఫ్ కార్యకలాపాలలో చెట్ల నరికివేత ప్రధాన విధిగా నిర్వహిస్తున్నది. రోడ్లను క్లియర్ చేయడానికి మొత్తం 1339 చెట్ల నరికివేత కార్యకలాపాలను డిఆర్ఎఫ్ ఆ సంవత్సరంలో చేపట్టింది.
మూడు రోజులుగా కురుస్తున్న వర్షాలు సాధారణ జనజీవనాన్ని అతలాకుతలం చేస్తున్నందున, డిఆర్ఎఫ్ దాని రెస్క్యూ మరియు రిలీఫ్ ఆపరేషన్లలో భాగంగా పరిపాలన యంత్రాంగం అప్రమత్తంగా ఉంచబడింది మరియు కాలనీలు మరియు ఇళ్ళు ఉన్న ప్రాంతాల్లో నీటి స్తబ్దత తొలగింపు చర్యలను చేపట్టడానికి సిద్ధంగా ఉంది. ప్రాథమికంగా విపత్తు సహాయ దళం రెస్క్యూ మరియు పునరావాస కాల్లకు హాజరు కావడానికి ఆసక్తిని కలిగి ఉంది మరియు గత ఒక సంవత్సరంలో దాదాపు ఐదు వందల రెస్క్యూ కాల్లు విజయవంతంగా హాజరయ్యాయి.
రౌండ్ ది క్లాక్ రెస్క్యూ ఎన్ఫోర్స్మెంట్ ఫోర్స్కు రాష్ట్రంలోని పట్టణాభివృద్ధి శాఖ ఆధ్వర్యంలోని పట్టణ ప్రాంతాల్లోని విజిలెన్స్ నెట్వర్క్ కూడా మద్దతు ఇస్తుంది. ఎన్ఫోర్స్మెంట్ వైపు కూడా మొత్తం మూడు వందల ఫిర్యాదులు ఫోర్స్కు హాజరుకాగా, ఇంజనీరింగ్ వింగ్ అధికారులతో సమన్వయంతో భద్రతను కొనసాగించడం కోసం పట్టణ ప్రాంతాల్లో ఆందోళన కలిగించే శిథిలావస్థలో ఉన్న భవనాలను నేలమట్టం చేశాయి. ప్రస్తుత వర్షాకాలంలో కూడా విజిలెన్స్ నెట్వర్క్ శిథిలావస్థలో ఉన్న నిర్మాణాల ఉనికికి సంబంధించిన సమస్యలను నిశితంగా పర్యవేక్షిస్తుంది మరియు శిథిలావస్థలో ఉన్న నిర్మాణాలు స్పష్టంగా కనిపించిన చోట అవసరమైన చర్యలు తీసుకోవాలని ఇంజనీరింగ్ బృందాలకు అప్పగించింది.
ఆ విధంగా అవసరమైన సమయాల్లో ప్రాధాన్యత ప్రాతిపదికన భద్రత మరియు సహాయక చర్యలను చేపట్టే పట్టణాభివృద్ధికి సంబంధించిన విభాగంగా పకడ్బందీగా డిఆర్ఎఫ్ కొనసాగుతున్నది. ముఖ్యమంత్రి కె చంద్రశేఖర్ రావు యొక్క సమర్థ మార్గదర్శకత్వంలో ఈ బృందం రాటుతేలుతున్నది. పురపాలకశాఖ మంత్రి కెటి రామారావు ఆదేశాలు, మున్సిపల్ అడ్మినిస్ట్రేషన్ మరియు అర్బన్ డెవలప్మెంట్ స్పెషల్ చీఫ్ సెక్రటరీ అరవింద్ కుమార్ల పర్యవేక్షణలో పట్టణ ప్రాంతాలలో రెస్క్యూ మరియు రిలీఫ్ ఆపరేట్ చేయడానికి సంబంధిత బృందాలను నిర్దేశించడానికి ఖచ్చితమైన చర్యలు చేపట్టారు.
కమిషనర్, సమాచార పౌర సంబంధాల శాఖ, హైదరాబాద్చే జారీచేయబడినది
