సాహిత్యం సామాన్య కాలక్షేపం కాదు, సమాజ సీమాంతరాలను తడమి తట్టి లేపే సంజీవని సెలయేరు. అక్షరం ఆయుధమైనచో అన్యాయాలను ఖండిస్తుంది, అమృతమైనచో అంతరాత్మను ఆలింగనం చేస్తుంది. రచయిత్రి రాధ ఓడూరి గారి రసమయ రచనలు రూపొందిన “కథా అఖిలం – కథల నిధి” అనే ఈ అమూల్య ఆభరణం, ఆధునిక జీవన జలధారలో మానవత్వ మకరందాలను మధురంగా మేల్చే మహోన్నత మహిమాన్విత సృజన. కథ కల్పనా కలికల మధుర మిశ్రమం, నీతి నిగూఢ సత్యాల సమ్మోహన సంగమం, జీవన జ్ఞానజ్యోతులు జనులకు జాలువారి, హృదయాలను ఆకర్షించి ఆలింగనం చేసి. ఈ సారస్వత సౌరభాన్ని సార్థకంగా సాక్షాత్కరించిన సంపుటి కథా అఖిలం- కథల నిధి. పుస్తక పరిమళం పరిచయం చేసేది దాని ముఖచిత్ర మాయామయ మంత్రం. ఈ ముఖచిత్రం మనసును మాయామహల్లోకి మంత్రముగ్ధుడిని చేసి ముంచెత్తుతుంది. రంగురంగుల రసధారలు రాల్చే రంగవల్లి కలంనుండి కథా కల్పవల్లులు కనువిందు చేస్తూ కనుమరుగవుతున్న తీరు, సృజన సౌందర్య సౌరభానికి సాక్ష్యం. ఆకాశ ఆవరణలో ఆడుతూ ఆడంబరించే అందెల పక్షులు, దివ్య దేవదూతలు, దిగంతాలు దాటిన దివ్య కోష్టకాలు– ఇవన్నీ ఒక అద్భుత ఫాంటసీ ఫలకాన్ని మనసులో ఫలిస్తాయి. కాంతులు కురిపించే నక్షత్ర నీరాజనంలో నిండిన ఈ ముఖచిత్రం, కథలు అమృత ధారలుగా పాఠక హృదయాలలో హరివిల్లు నింపుతాయి. చీకటిచీల్చి చిగురించే జ్ఞాన జ్యోతిర్మయజ్వాలలా జ్వలిస్తూ డిజైన్ చేయబడిన ఈ ముఖచిత్రం మనోహరం.
రాధ ఓడూరి రసవత్తర ఇతివృత్తాలు వైవిధ్యమయ వైభవంతో విరాజిల్లుతాయి. ప్రతి కథా ప్రతిబింబం ప్రతిఫలిస్తుంది సామాజిక సంఘర్షణలను, మానవీయ మహిమలను మధురంగా మనసులో ముద్దుగా ముంచెత్తుతుంది. ‘లాలన’ లాంటి కథలు ఆధునిక ఆటంకాల ఆటలో తల్లిదండ్రుల తొందరపాటు తోపులాటలను తొలగించి తోసివేస్తాయి. “మొక్కై వంగనిది మానై వంగునా?” అన్న అందమైన అంతరార్థంతో, భయ బెదిరింపులకు బదులు ప్రేమ పరిమళాలతో పెంచిన పిల్లలే పరమ పౌరులుగా పరిమళిస్తారని పరమ సున్నితంగా సూచిస్తుంది. ‘ప్రాయశ్చిత్తం’ ప్రతిబింబిస్తుంది ప్రస్తుత ప్రపంచ పరిస్థితులను పరమ గాఢంగా. టీఆర్పీ టోపీల టోకరా వేటలో విస్మృతమైన విలువలు, వ్యక్తి వ్యథలు వికటాట్టహాసంగా విగతజీవులుగా మారిన మాయామాటలు – విక్రాంత్ విగ్రహం ద్వారా వినూత్నంగా వివరించబడ్డాయి. బాధిత బాధలు బాధ్యతలుగా బోధపడే బోధన బ్రహ్మాండం!
నీల్ గైమన్ నీతి నిగూఢంగా నిర్వచించారు: “చిన్నకథలు చిరుకిటికీలు చిగురాకులు, ఇతర లోకాలు మనసులు మాయామలుపులు మధురమల్లెలు.” ఈ మాధుర్యం మననం చేయదగిన మహా మంత్రం! ‘తంగేడు చెట్టు’ త్యాగ తరంగిణి తరంగిస్తుంది తీయని ప్రేమ పరిమళాలతో. ప్రకృతి ప్రాణాలతో ప్రతిధ్వనించే మూగమైత్రి మహిమలు, స్నేహసౌరభాలు సౌకుమార్యంతో సాక్షాత్కరిస్తాయి విశ్వక్ విగ్రహం ద్వారా విహృతంగా. ‘లవ్ ఎట్ ఫస్ట్ సైట్’ సస్పెన్స్ సెలయేరులు సృష్టిస్తూ సహృదయంగా సాగుతుంది. మరణమర్మాల మధ్య మెలిగిన ప్రేమ పరమ పావనత్వం ప్రతిఫలిస్తుంది ప్రతిపాఠక పరిమళంలో. టాల్స్టాయ్ తత్త్వం తలపిస్తుంది ఓడూరి రాధ రచన. యండమూరి సస్పెన్స్ సెలయేరు, పాలగుమ్మి పద్మరాజు పరమ మానవీయ మాధుర్యం, గురజాడ గాంభీర్య దృక్పథం– ఇవన్నీ ఇంతర్లీనంగా ఇంద్రధనుస్సుగా ఇనుమడించాయి. సరళ సామాన్యభాష బల్లెరు బాటలా బాటసారులను బంధిస్తుంది, ఉపమాన ఉద్దీపనలు ఉత్తమోత్తమ ఉత్కృష్టతను ఉట్టిపడతాయి. మంచిపుస్తకం మిత్ర మందార మాలికలా మనసును ముద్దాడుతుంది. “కథా అఖిలం” అట్టి అమరమిత్రుడు! నవ్వులు నింపి, నయనాలు తడిపి, నవనీత ఆలోచనలు నింపి, నిద్రాణమైన మానవత్వాన్ని నిద్రలేపి నిలుపుతుంది. అపార్ట్మెంట్ అంధకారాలలో అంతర్ధానమైన ఆత్మీయతలు, పల్లె పరిమళాలు పరవశంగా పరకాయిస్తాయి ప్రతిపుటలో. సాహిత్య సాధకులు సాగరంలా సాగిలపడి చదివి చక్కెరలా చవిచూడదగిన ఈ అమూల్య అమృతం! సమాజ సంఘర్షణలు సమసిపోయి, సద్విలువల సారస్వత రేపటి రాగాలు రూపుదిద్దుకునే కరుణా కాంతులు కురిపిస్తాయి ఈ కథలు!
-రాము కోలా
