పిల్లలు తాము చూసిన ప్రతి అంశం గూర్చి తెలుసుకోవాలనే ఉత్సుకతతో తల్లితండ్రులు, కుటుంబ సభ్యులు, బంధు మిత్రులు, ఉపా ధ్యాయులను ప్రశ్నల వర్షంలో ముంచేస్తారు. ఆకులు పచ్చగానే ఎందుకు ఉన్నాయి ? వంటింటిలోని ప్రెషర్ కుక్కర్ విసిల్ మోత ఎందుకు చేస్తోంది ? పసుపును, సున్నాన్ని కలిపితే ఎర్రని ద్రవం ఎందుకు వచ్చింది ? సోడా సీసా మూత తీయగానే బుస్సుమని నురగలతో కూడిన ద్రవం ఎందుకు వస్తుంది ? దెబ్బ తగిలి రక్తం కారినపుడు అమ్మ పసుపు పూసి గుడ్డతో ఎందుకు కడుతుంది ? ఇలాంటి నిత్యం తాను చూసే ప్రతి విషయం గూర్చి తెలుసుకోవాలనే తపనతో పిల్లలు ప్రశ్నలు అడుగుతూ ఉంటారు.పిల్లల్లో ప్రశ్నించే తత్వం ప్రయోజనాలు:
ప్రశ్నించడమే తెలుసుకోవాలనే తపనను సూచిస్తుంది. ప్రశ్నించడం అనే పునాది మీదనే శాస్త్రసాంకేతిక అభివృద్ధికి మూలం. పిల్లలు ప్రశ్నలు అడిగితే విసుక్కోవడం, సమాధానం చెప్పకపోవడంతో వారిలో తెలుసుకోవాలనే జిజ్ఞాసను ఆదిలోనే తుంచేస్తున్నామని, అదే పిల్లలు ప్రశ్నించడం మాసే అజ్ఞానాన్ని మోస్తూ కాలం గడుపుతారు. నిజానికి నేటి సమాజంలో ప్రశ్నించే వారిని అవిధేయులని, విప్లవకారులని, విసిగించే వారని ముద్ర వేస్తున్నది. పిల్లలు అడిగే ప్రతి అర్థవంతమైన ప్రశ్నకు నిదానంగా, ఓపికగా సమాధులు చెప్పడం ఇంట్లో తల్లితండ్రుల నుంచే మొదలు కావాలి. అమ్మ నాన్నలు తమ పనుల్లో పడి పిల్లలు ప్రశ్నలు అడిగితే వెంటనే విసుక్కోవడం తరుచుగా జరుగుతున్నది. సమాధానం తెలిస్తే వెంటనే చెప్పండి. తెలియకపోతే తెలుసుకొని సరైన సమాధానం చెప్పండి.
అడిగి ప్రతి అర్థవంతమైన ప్రశ్నకు బహుమతి ఇవ్వండి. తెలియకపోతే వెంటనే ప్రశ్నలు అడిగేలా సిద్ధం చేయడం. తెలియని విషయాన్ని ఇతరుల నుండి సమాధానాలు పొందితే దినదినం విజ్ఞానం పెరుగుతుంది. ప్రశ్నించడం మానేస్తే అజ్ఞాన చీకట్లు జీవితాంతం మనతోనే వస్తాయి. నిజానికి ప్రశ్నించే నైపుణ్యం పిల్లల్లో ఉన్నట్లయితే ఆ చిన్నారుల్లో అభిజ్ఞ అభివృద్ది (కాగ్నిటివ్ డెవలప్మెంట్), క్రిటికల్ థింకింగ్, నేర్చుకోవాలనే తపన పెరగడం (క్యూరియాసిటీ), విజ్ఞాన సమపార్జనకు రహదారులు పడడం, కమ్యూనికేషన్ స్కిల్స్ పెరగడం, సంబంధాలు పెరగడం, పనిలో సంతృప్తి కలగడం, విజ్ఞాన విస్తృతులు పెరగడం, మెదడు పదునెక్కడం, ప్రకృతిని అర్థం చేసుకోవడం, ఆత్మవిశ్వాసం పెరగడం, లోతైన విషయ అవగాహన కలగడం, సమస్యలకు సమాధానాలను వెదికే గుణం పెరగడం లాంటి అనేక ప్రయోజనాలును కలిగిస్తుంది.
ప్రశ్నించే నైపుణ్యం అంటే తరగతి గదిలో సరైన సమయంలో సరైన ప్రశ్నలు అడగ్గా సామర్థ్యం అని తెలుసుకోవాలి. పిల్లలు ప్రశ్నించే విధమైన బోధనలను కొనసాగించడమా ఉపాధ్యాయుడి అసలైన సామర్థ్యం. బలమైన విద్యా పునాదిని నిర్మించడానికి ప్రశ్నించే నైపుణ్యం చాలా ప్రధానం.
