అస(శ)నిపాతం

ప్రశ్నాపత్రం బయట పెట్టారంటూ..

కటకటాల్లోకి నెట్టారు నారాయణున్ని..

గలీజు లీకేజి పథకం ఎవరు రచించినా..

రుజువైతే తగురీతిన సన్మానించాల్సిందే !

‘అసని’ కారాదు రైతన్నకు అశనిపాతం

నోటికాడి బుక్కను లాక్కోరాదు తుఫాన్లు

ప్రకృతి విపత్తులే రైతులపాలిటి శాపాలు

సాగు వెతల్తో కర్షకుల కళ్ళల్లో సునామీలు !

కొనసాగుతున్న లంక దహనం

ఆర్పేవారెవరు ఈ రావణకాష్ఠం

ఆకలి మంటలతో రాజుకుంది అగ్గి

అన్నం దొరికితేనే ఆరును ఆవేశాగ్ని !

భానుడి భగభగలకు నరుడు బేజారు

రాజకీయ వేడితో సకల జనులు పరేషాను

అవసరానికే ఆప్యాయతల కుండపోతలు

గాలికి వదిలారు ప్రజల సంక్షేమ దీపాలు !

– డా: బుర్ర మధుసూదన్‌ ‌రెడ్డి

కరీంనగర్‌ – 9949700037