-బమ్మిడి జగదీశ్వరరావు “ఆ యింటిమీది కాకి ఈ యింటిమీద వాలకూడదు అంటారు కదా?, మరి నువ్వేంటమ్మా ఆ యింటిమీదా యీ యింటిమీదా అన్ని చోట్లా వాలుతున్నావ్?” పిల్లకాకి అడిగింది. “ఈ యిల్లూ ఆ యిల్లూ వొకప్పుడు వొకటే యిల్లు…” తల్లికాకి తన తాతలు తండ్రులు చెప్పింది తలపోసినట్టు ఆగిపోయింది. “ఒక కుటుంబం రెండు కుటుంబాలు…
చెమ్మ –వారాల ఆనంద్ సామల సదాశివ ఓ జ్ఞాపకాల గని, ముచ్చట్ల పందిరి, నడుస్తున్న సాహిత్యచరిత్ర, మరపురాని హిందుస్తానీ గానకచేరి తడిమేతేచాలు శరపరంపరగా అలవోకగా మాట్లాడుతూ వినేవాళ్ళని ముచ్చట్లతో ముగ్దుల్ని చేసే విశాలప్రపంచం ఆయనది. ఎలాంటి రెఫెరెన్సులు లేకుండా ఎక్కడెక్కటి విషయాలో ఎప్పటెప్పటి సంగతులో జాలువారే ప్రవాహం అయన. ‘నేను రాసేవి విమర్శలు, చెప్పేవి చారిత్రక అంశాలు కావు, అవి ముచ్చట్లు’ అన్నారాయన. వాస్తవంగా…
–సుధా మురళి ఎరుక అంటే ఏమిటి!? “ఎరుక” అంటే తెలుసుకోవడం కదా. అంచనా వేయడం అనే కదా. దూరాన్ని దగ్గరగా చూడగలిగే దృష్టి. భవిష్యత్తు గమనాన్ని గమనించే సామర్థ్యం ఇవే కదా ఎరుక కలిగి ఉండటం అంటే. మరి ఒకప్పుడు ఊర్ల మధ్య తిరుగుతూ జాతకాలు చెప్పిన ఒక వర్గం, ఇతరుల జీవితాలకు “ఎరుక” ఇచ్చిన ఒక…
కాలం కడలి అలలలో మనసుల ముత్యాలు ఎక్కడో జారిపోయాయి. నగరాల నీలి కాంతుల్లో నిజమైన వెలుగు నీడై మిగిలింది. అద్దాల భవనాల మధ్య అద్దంలా పారదర్శకమైన హృదయాలు చీలికలు పడ్డాయి.. కానీ ఆ చీలికల్లోంచి రాలిన రక్తం ఎవరికి కనిపించలేదు. వేగం వేదమై మారిన ఈ యుగంలో వెన్నెల మాటలు వాడుక తప్పాయి. కన్నీరును కూడా కరెన్సీ లాగా విలువ తూచే త్రాసులో కొలుస్తున్నారు. ఒకప్పుడు పేదవాడి పలుకులో పరమాత్మ ఉండేవాడు, పరాయివాడి బాధలో మనసు తడిచేది ఇప్పుడు.. తలుపులు పెద్దవయ్యాయి, కిటికీలు మూసుకుపోయాయి. కానరాని మానవతా ఆనవాళ్లు గుండెల గర్భంలో గుసగుసలాడుతున్నాయి. ఆశ్రయంలేని చూపుల్లో ఆర్తనాదాలై ప్రతిధ్వనిస్తున్నాయి. ఒక చిన్న చిరునవ్వు ఒక చిత్తశుద్ధి గల మాట ఒక కరుణామయ దృష్టి.. ఇవి విప్లవాల కంటే గొప్పవి ఎందుకంటే మానవత్వం పుస్తకాలలో పుట్టదు, పోరాటాలలో పెరగదు.. మనసు మరో మనసుని తాకినప్పుడు మాత్రమే అది పువ్వులా వికసిస్తుంది. మనం మనల్ని మించిన మనిషిని మరో మనిషిలో చూసిన రోజు, కాలం చెరిపేసిన ఆనవాళ్లు కాంతులా తిరిగి రాసుకుంటాయి. అప్పుడు.. ఈ భూమి కేవలం జీవుల గూడెం కాదు,…
“తెలంగాణ ఆయన ఊపిరి. ప్రత్యక్షంగా ఉద్యమాల్లో పాల్గొనకపోయినా తన రచనల ద్వారా, చర్చల ద్వారా ఉద్యమకారులను కార్యోన్ముఖులను చేయడంలో తన వంతు పాత్ర నిర్వహించారు. మలిదశ తెలంగాణ ఉద్యమం ఉధృతంగా సాగుతున్న రోజులవి. సమైక్య పాలనలో నిరాదరణకు గురైన తెలంగాణ సాహిత్య చరిత్రను వెలుగులోకి తేవాలన్నది ఆచార్యుల అభిలాష. అదే సమయంలో సహృదయ సాహిత్య సాంస్కృతిక…
ఏదో జరిగింది నా మనసుకు కుదుట పడతలేదు కుదురుగా కూర్చొనిస్తలేదు సముద్రపు అలలు తీరాన్ని తాకిన స్థిరంగా ఉండనట్టు నా మనసు కుదుట పడతలేదు కుదురుగా కూర్చొనిస్తలేదు మారణ ఆయుధాలు ఆటంబాంబులు గడియ గడియకు అడుగు అడుగున పడుతుంటే శివుడు మూడో కన్ను తెరుస్తున్నాడా నా మనసు కుదుట పడతలేదు కుదురుగా కూర్చొనిస్తలేదు మూడడుగుల నేల కోసం ముల్లోకాలను ఆక్రమించిన వామననుడిలాగా…
నా తప్పుకు నిజమనే సర్టిఫికెట్ ఇచ్చే పెద్ద మనసు ఏ రోజుకు ఉంటుందో అప్పుడు నేను అబద్దం కాదనీ నమ్మే రాత్రి నాకు బానిస అందాక నా తప్పు పక్షాన చేసే యుద్ధంలో అనుభవమే సాయుధబలంగా శత్రువు కనుచూపు మేరలో కనిపించదు అప్పుడు పట్టే నిద్రలో నా కలపై ఎవరి సంతకం ఉంటుందో అది ఓ…
దేశమంతటా కులం కంపు, మతం రొచ్చు మూఢనమ్మకాల మురికికాలువలో విచ్చలవిడిగా దొర్లుతోందీ దేశం మానవతా వస్త్రాలను విప్పేసుకొని అమానవీయతను అంటించుకొని ఊరేగుతోందీ దేశం ఓ వైపు విషంలా వ్యాపిస్తున్నది కులమతాల పిచ్చి పేట్రేగిపోతున్నది ఉన్మాదం మరోవైపు మనమేమో ఉగాది ఉత్సవాలంటున్నాం ప్రభుత్వాలేమో ఊదరగొట్టు ఉపన్యాసాలిస్తున్నాయి మామిడి పిందెల్ని కాదు పొత్తికడుపులోనే కరిగిపోతున్న పిండాల్ని చూడండి కోకిల…
మెరుపు తీగెలు -బమ్మిడి జగదీశ్వరరావు ఎవరైనా అన్నం తినేటప్పుడు కూరలు నంచుకుంటారు, యీ పిల్లలు మాత్రం కథలు నంచుకుంటారు. ఊకొడుతూ వదలకుండా తినేస్తారు. రోజూ మా అత్తయ్య మనవల్ని కూర్చోపెట్టుకొని బానే కథలు చెపుతుంది. ‘రాజుగారికి యిద్దరు భార్యలు. ఒక భార్యకి వొక వెంట్రుకా- రెండో భార్యకు రెండు వెంట్రుకలు…’ కథవిని పిల్లలు నవ్వుతూ ఆలోచనల్లో…