– ‘కేర్’లో అరుదైన ఆఫ్-పంప్ హార్ట్ బైపాస్ సర్జరీ సక్సెస్
=హైదరాబాద్, ప్రజాతంత్ర, డిసెంబర్ 16: హైటెక్ సిటీలోని కేర్ హాస్పిటల్ వైద్యులు దిల్లీకి చెందిన 68 ఏళ్ల రోగి గోక్లా నంద్కు అత్యంత క్లిష్టమైన ఆఫ్-పంప్కరోనరీ ఆర్టరీ బైపాస్ గ్రాఫ్టింగ్ శస్త్రచికిత్సను విజయవంతంగా నిర్వహించి ఆయన ప్రాణాలను కాపాడారు. తీవ్ర ఛాతీ నొప్పి, శ్వాస తీసుకోవడంలో ఇబ్బంది, దగ్గుతో బాధపడుతూ ప్రాణాపాయకర స్థితిలో ఆయన అత్యవసర విభాగానికి చేరుకున్నారు. అప్పటికే ఆక్సిజన్ స్థాయిలు తీవ్రంగా పడిపోవడంతో వెంటిలేటర్ సహాయం అవసరమైంది. పరీక్షల్లో గుండెకు రక్తం సరఫరా చేసే మూడు ప్రధాన నాళాల్లో తీవ్రమైన బ్లాక్లు ఉన్నట్లు, గుండె పనితీరు బాగా తగ్గినట్లు వైద్యులు గుర్తించారు. కార్డియోజెనిక్ షాక్లో ఉన్న ఈ రోగికి ఆలస్యం లేకుండా అత్యవసర శస్త్రచికిత్స చేయాల్సి వచ్చింది. అత్యంత ప్రమాదకర పరిస్థితుల్లోనూ పంప్ ఉపయోగించకుండా బీటింగ్-హార్ట్ పద్ధతిలో బైపాస్ సర్జరీని వైద్యులు విజయవంతంగా పూర్తి చేశారు. ఈ శస్త్రచికిత్సను కార్డియోథొరాసిక్ & వాస్కులర్ సర్జరీ సీనియర్ కన్సల్టెంట్ డాక్టర్ రవిరాజు చిగుళ్లపల్లి, సీనియర్ ఇంటర్వెన్షనల్ కార్డియాలజిస్ట్ డాక్టర్ వి. వినోద్ కుమార్తో పాటు కార్డియాక్ మరియు క్రిటికల్ కేర్ విభాగాల మల్టీడిసిప్లినరీ బృందం కలిసి నిర్వహించింది. శస్త్రచికిత్స అనంతరం ఐసీయూలో అందించిన సమగ్ర చికిత్సతో రోగి ఆరోగ్యం వేగంగా మెరుగుపడింది. కేవలం ఆరు రోజుల్లోనే స్థిరమైన ఆరోగ్యంతో డిశ్చార్జ్ అయ్యాడు. ఈ కేసు అత్యంత సవాలుతో కూడుకున్నదని డాక్టర్ రవిరాజు చిగుళ్లపల్లి తెలిపారు. “వయస్సు, గుండె పనితీరు తగ్గడం, శ్వాసకోశ సమస్యల కారణంగా ఈ శస్త్రచికిత్స అధిక ప్రమాదంతో కూడుకున్నది. అయినప్పటికీ, సమన్వయంతో పనిచేసిన వైద్య బృందం మరియు ఆధునిక సాంకేతికత వల్ల ఇది సాధ్యమైంది,” అన్నారు. సకాలంలో నిపుణుల వైద్య సేవలు అందితే ప్రాణాపాయకర గుండె సమస్యల నుంచి రోగులను కాపాడవచ్చని ఈ ఘటన మరోసారి నిరూపిస్తోందని కేర్ హాస్పిటల్స్ వైద్యులు తెలిపారు. అత్యాధునిక సదుపాయాలు, అనుభవజ్ఞులైన వైద్య బృందంతో క్లిష్టమైన గుండె చికిత్సల్లో కేర్ హాస్పిటల్స్ తన ముందంజను కొనసాగిస్తోంది.
తెలుగు జాతీయ వార్తలు, ప్రత్యేక కథనాలు, ట్రెండింగ్ వీడియోలు కోసం Prajatantra వెబ్సైట్ ను సందర్శించండి. తాజా అప్డేట్స్ కోసం మా X (Twitter), Facebook, WhatsApp ఛానల్ ను ఫాలో కండి.. అలాగే మా ప్రజాతంత్ర, యూట్యూబ్ చానల్ ను సబ్ స్క్రైబ్ చేసుకోండి.. మీ అభిప్రాయాన్ని కామెంట్ రూపంలో పంచుకోండి. మీ స్నేహితులు, కుటుంబ సభ్యులతో షేర్ చేయడం మర్చిపోవద్దు.
