పురపాలక ఎన్నికల్లో కాంగ్రెస్ క్లిన్ స్వీప్

– అభివృద్ధిని ప్రజలు స్వాగతిస్తున్నారు
– బియ్యం పంపిణీ చరిత్రాత్మకం
– ప‌లు ప్ర‌చార స‌భ‌ల్లో మంత్రి ఉత్తమ్ కుమార్ రెడ్డి

సన్న బియ్యం పంపిణీ చరిత్రాత్మకం

సూర్యాపేట/తిరుమలగిరి/నేరేడుచర్ల/హుజుర్‌నగర్: రాష్ట్ర జనాభాలో 85% మందికి ఉచితంగా నాణ్యమైన సన్న బియ్యం పంపిణీ కార్యక్రమం దేశ చరిత్రలోనే చరిత్రాత్మక ఘట్టంగా నిలిచిపోతుందని మంత్రి ఉత్తమ్ కుమార్ రెడ్డి పేర్కొన్నారు. ఈ విప్లవాత్మక నిర్ణయంతో రాష్ట్రంలో 3.17 కోట్ల మంది లబ్దిదారులకు ఉచితంగా సన్న బియ్యాన్ని పంపిణీ చేస్తున్నట్లు తెలిపారు. రూ.13,600 కోట్లతో చేపట్టిన సన్న బియ్యం పంపిణీ కార్యక్రమంతో రాష్ట్రంలో గేమ్ ఛేంజ్ మొదలైందన్నారు. దాంతోటే బుధవారం జరగనున్న పురపాలక ఎన్నికల్లో కాంగ్రెస్ పార్టీ క్లిన్ స్వీప్ చేయనుందని ఆయన ధీమా వ్యక్తం చేశారు. పురపాలక సంఘ ఎన్నికల ప్రచారం చివరి అంకానికి చేరిన నేపథ్యంలో మంత్రి ఉత్తమ్ కుమార్ రెడ్డి సూర్యాపేట జిల్లా తిరుమలగిరి, సూర్యాపేట, నేరేడుచర్ల,  హుజుర్‌నగర్ పురపాలక సంఘాల పరిధిలో జరిగిన ప్రచార సభý్లో పాల్గొన్నారు. తిరుమలగిరి పురపాలక సంఘం పరిధిలో జరిగిన కార్యక్రమంలో బోనగిరి నెంపీ చామల కిరణ్ కుమార్ రెడ్డి, స్థానిక ఎమ్మెల్యే మందుల శామేల్ తదితరులు పాల్గొన్నారు. ఈ సందర్భంగా ఆయా ఎన్నికల సభలలో మంత్రి ఉత్తమ్ మాట్లాడుతూ బీఆరఎస్ పాలనలో అర్హులైన నిరుపేదలకు ఒక్కటి కూడా తెల్ల రేషన్ కార్డు మంజూరు చేయలేకపోయారని మండిపడ్డారు. కాంగ్రెస్ పార్టీ అధికారంలోకి వచ్చిన స్వల్ప వ్యవధిలో రాష్ట్రవ్యాప్తంగా అర్హులైన నిరుపేదలకు తెల్ల రేషన్ కార్డులు మంజూరు చేసి పేదల కళ్ళల్లో వెలుగులు నింపిందన్నారు. అంతేగాÅ£ పట్టణాల అభివృద్ధికి ప్రత్యేక ప్రణాళికలు రూపొందించిందన్నారు. పెరుగుతున్న జనభాకనుగుణంగా పెరుగుతున్న పట్టణాల విస్తీర్ణాన్ని దృష్టిలో పెట్టుకుని మౌలిక సదుపాయాల కల్పనకు ప్రభుత్వం రూట్ మ్యాప్ రూపొందించిందన్నారు. రాష్ట్రంలో కాంగ్రెస్ పార్టీ అధికారంలోకి వచ్చాక జరుగుతున్న అభివృద్ధి, అమలవుతున్న సంక్షేమ పథకాలే మున్సిపల్ ఎన్నికల్లో కాంగ్రెస్ పార్టీ క్లిన్ స్వీప్ చేయనుందని మంత్రి ఉత్తమ్ ధీమా వ్యక్తం చేశారు.