పీర్ల” ఉత్సవ గీతం

దులా దులా అస్సయ్ దులా

ముస్లిం బయ్యాల పీర్ల మేలా

దులా దులా అస్సయ్ దులా

సబ్బండవర్గాల పబ్బతి ఖేలా

దులా దులా అస్సయ్ దులా

తెలంగాణ సంబురాల హేలా

                    !!దులా దులా

చరణం:

ఎరుపు దస్తీ మెరుపు బస్తీ

పీర్ల సవ్వారికి సింగారించి

మల్లెపూలు దూదు పొగలు

డప్పు ధరువుల మోతలతో

ఉరేగించే ఉత్సవాల మేలా

చరణం:

కులం మరిచి మతం మరిచి

బాషా విడిచి యాస మరిచి

చేయి కలిపి పదం పల్లవించి

ఆలాయ్ బలాయ్ ఆచరించి

జాతి సమైక్యత చాటే మేలా

చరణం:

ఉపవాస దీక్షల పాటించి

నిప్పల కుంపటిపై నడిచి

కుడుక బెల్లం సమర్పించి

మొక్కు ముడుపు చెల్లించి

మోక్షం వరించుకునే మేలా

చరణం:

మర వీరులను స్మరించి

త్యాగ దనులను శ్లాఘించి

పీర్ల రూపుత్తిన దైవమూర్తిని

చల్లగా చూడమని వేడుకుని

సంబురంతో సాగనంపే మేలా

        “””””””””

(జూలై 29 న మొహర్రం పండుగ సందర్భంగా…)

                       కోడిగూటి తిరుపతి

                      Mbl no:9573929493