ఆమునగల్లు, ప్రజాతంత్ర అక్టోబర్ 12 : తెలంగాణ అస్తిత్వానికి.. సాంస్కృతి, సాంప్రదాయాలకు ప్రతీకగా భావించే బతుకమ్మ పండుగను తెలంగాణ ఆడపడుచులు ఘనంగా జరుపుకుంటారన్నారనీ కడ్తాల్ సర్పంచ్ గూడూరు లక్ష్మీనరసింహారెడ్డి అన్నారు. గ్రామంలో బతుకమ్మ సంబరాలు అంగరంగ వైభవంగా జరుపుకోవడానికి ఏర్పాట్లు చేస్తున్నట్లు సర్పంచ్ తెలిపారు. ముఖ్యంగా మహిళలకు ఇబ్బందులు కలగకుండా బతుకమ్మ ఘాట్ దగ్గర, చెరువు కట్ట మీద విద్యుత్ దీపాలు ఏర్పాటు చేసినట్లు తెలిపారు. అదేవిధముగా చెరువు కట్ట మీద డోజర్ సహాయంతో పిచ్చి మొక్కల తొలగింపు మరియు మొరముతో చదును చేయించినట్లు తెలిపారు. తొమ్మిది రోజులపాటు జరిగే బతుకమ్మ సంబరాలలో ప్రతి ఒక్కరూ పాల్గొని విజయవంతం చేయాలని కోరారు.
తెలంగాణ సాంస్కృతి, సంప్రదాయానికి ప్రతీక బతుకమ్మ
