ప్రాణాలను తెగించి మహిళను కాపాడిన కానిస్టేబుల్

చేర్యాల ప్రజాతంత్ర ఆగష్టు 19 : పట్టణంలోని పెద్ద చెరువులో దూకిన ఓ మహిళ ప్రాణాలను చేర్యాల కానిస్టేబుల్ (Constable ) తాండ్ర స్వామి సూపర్ పోలీస్ అనిపించుకున్నాడు. వివరాల్లోకి వెళితే.. సిద్దిపేట (Siddipet) జిల్లా కొండపాక మండలం ఖమ్మంపల్లి గ్రామానికి చెందిన ఓ మహిళా కుటుంబ తగదాలతో చనిపోవాలని నిర్ణయించుకొని మంగళవారం ఉదయం చేర్యాల పెద్ద చెరువులోకి దూకింది. ఈ క్రమంలో  నడి చెరువులో ప్రాణాపాయ స్థితిలో కొట్టుమిట్టాడుతుండగా అటువైపుగా వాకింగ్ చేస్తూ వెళ్తున్న కానిస్టేబుల్ స్వామి ధైర్య సాహసాలతో ప్రాణాలకు తెగించి చెరువులోకి దూకి మహిళ ప్రాణాలను కాపాడాడు. మహిళను కాపాడిన కానిస్టేబుల్ స్వామిని పలువురు అభినందించారు.