– జీవితమనే సవాలును స్వీకరించండి
– కిట్స్ లో స్టూడెంట్ ఇండక్షన్ కార్యక్రమంలో మనస్తత్వవేత్త డాక్టర్ గోపి
వరంగల్, ప్రజాతంత్ర, ఆగస్టు 7: ప్రతి రోజూ మంచి రోజే.. భయమనే సంక్లిష్టతను విడిచిపెట్టాలి.. అందమైన జీవితాన్ని ఆస్వాదించాలి.. మీ ఉజ్వల భవిష్యత్తు కోసం తాజా సాంకేతిక పరిజ్ఞానాన్ని స్వీకరించడంతోపాటు వాస్తవ ప్రపంచంలో మనుగడ సాగించాలి అని విద్యార్థులకు ప్రసిద్ధ మనస్తత్వవేత్త, ప్రొఫెసర్ జయశంకర్ అవార్డు గ్రహీత డాక్టర్ బారుపాటి గోపి ఉద్బోధించారు. కాకతీయ ఇన్స్టిట్యూట్ ఆఫ్ టెక్నాలజీ అండ్ సైన్స్, వరంగల్ (కిట్స్డబ్ల్యు) ఆధ్వర్యంలో 2025-26 విద్యాసంవత్సరంలో కొత్తగా చేరిన బి.టెక్ మొదటి సంవత్సరం విద్యార్థుల కోసం స్టూడెంట్ ఇండక్షన్ ప్రోగ్రామ్ (ఎస్ఐపి) క్యాంపస్లో ఐదు వేదికలపై రెండు ఇంటరాక్టివ్ ప్రాక్టికల్ సెషన్లు గురువారం జరిగాయి.ఈ ప్రోగ్రామ్లు ఏడు రోజులపాటు నిర్వహిస్తారు. తొలి రోజు బారుపాటి గోపి మాట్లాడుతూ విలువలు, సానుకూల దృక్పథం, దృష్టి, భయం, ఒత్తిడి నిర్వహణ, సర్దుబాటు, దత్తత, ఆత్మవిశ్వాసం, ఏకాగ్రత, నిబద్ధత, ధైర్యం, వ్యక్తిగత నైపుణ్యాలు, వశ్యత, సంఘర్షణ నిర్వహణ, వైవిధ్య నిర్వహణ, మానసిక స్థితి నిర్వహణ, ఆకాంక్ష నిర్వహణ, తల్లిదండ్రుల మాటల అంగీకారం వంటి అంశాలను ప్రముఖంగా వివరించారు. భయం శత్రువు లాంటిదన్నారు. మన జీవిత సృష్టి చాలా అందంగా ఉంటుందని, అన్ని అడ్డంకులను అధిగమించి ముందుకు పోవాలని సూచించారు. ప్రిన్సిపాల్ ప్రొఫెసర్ కె.అశోక్రెడ్డి మాట్లాడుతూ జీవితం ఒక సవాలని, దాన్ని స్వీకరించాలని చెప్పారు. జీవితం అంటే గెలవడానికి, పరిశ్రమకు అవసరమైన నైపుణ్యాలను పొందడానికి, ట్రెండ్ సెట్టింగ్ టెక్నాలజీలను అలవాటు చేసుకోవడానికి ఒక ఆట వంటిదన్నారు. వినూత్న ఆలోచనలతో సాధన చేయడం వల్ల పరిశ్రమకు సిద్ధంగా ఉన్న ఇంజనీర్లకు ప్రస్తుత 21వ శతాబ్దపు విద్యకు అవసరమైన నైపుణ్య సమితి ఏర్పడుతుందన్నారు. స్వీయ ప్రేరణ, పట్టుదల విజయానికి కీలకమని వివరించారు. కార్యక్రమంలో రిజిస్ట్రార్ ప్రొఫెసర్ ఎం. కోమల్రెడ్డి, డీన్ అకడమిక్ అఫైర్స్ ప్రొఫెసర్ కె.వేణుమాధవ్, విభాగాధిపతులు, వివిధ విభాగాల డీన్స్, ఇంటర్నల్ స్పీకర్లు ప్రొఫెసర్ కె.శ్రీధర్, ప్రొఫెసర్ ఎం.శ్రీలత, డాక్టర్ సిహెచ్.సతీష్ చంద్ర, సివిల్ ఇంజనీరింగ్ ఇన్చార్జి హెడ్ డాక్టర్ డి.హరికృష్ణ, డాక్టర్ పి. ప్రభాకర్రావు, డాక్టర్ ఆర్.శ్రీకాంత్, డాక్టర్ ఆర్.రమేష్, ప్రోగ్రామ్ కో-కోఆర్డినేటర్ అండ్ అసోసియేట్ ప్రొఫెసర్ అండ్ పిఆర్ఓ డాక్టర్ డి.ప్రభాకరాచారి, వెయ్యిమంది విద్యార్థులు, విద్యార్థి ప్రతినిధులు పాల్గొన్నారు.
