– యువజన మార్పిడి కార్యక్రమంలో తెలంగాణ సంస్కృతి ప్రదర్శన
– రెండు జట్లకు ‘కిట్స్’ యాజమాన్యం, అధ్యాపకుల అభినందనలు
వరంగల్, ప్రజాతంత్ర, ఫిబ్రవరి 23: భారత ప్రభుత్వ యువజన వ్యవహారాలు, క్రీడల మంత్రిత్వ శాఖ ఆధ్వర్యంలో నిర్వహించిన ప్రతిష్టాత్మక అంతర్-రాష్ట్ర యువజన మార్పిడి కార్యక్రమంలో కాకతీయ ఇన్స్టిట్యూట్ ఆఫ్ టెక్నాలజీ అండ్ సైన్స్, వరంగల్ (కిట్స్ డబ్ల్యు) ఎన్ఎస్ఎస్ యూనిట్ విద్యార్థులు చురుకుగా పాల్గొన్నారు. వివిధ ప్రాంతాల యువత మధ్య జాతీయ సమైక్యత, సాంస్కృతిక సామరస్యం, నాయకత్వ అభివృద్ధి, పరస్పర అవగాహనను ప్రోత్సహించే లక్ష్యంతో ఈ కార్యక్రమం జరిగింది. తమ విద్యార్థులు కేరళ, కర్ణాటక (దక్షిణ కన్నడ) రాష్ట్రాలలో ప్రాతినిధ్యం వహించారని ప్రిన్సిపాల్ ప్రొఫెసర్ కె.అశోక రెడ్డి తెలిపారు. కేరళ బృందంలో ఈనెల 9 నుంచి 13వ తేదీ వరకు జరిగిన 5 రోజుల కార్యక్రమంలో ఎన్.శివదీపక్ (ఫైనలియర్ సీఎస్వో) వైై.రోషిణి (ఫైనలియర్ సీఎస్ఈ), ఎస్.చేతన్ (సెకండియర్ సీఎస్ఎం) ఉన్నారు. సాంస్కృతిక మార్పిడి కార్యక్రమాలు, సమాజ సేవా కార్యకలాపాలు, స్థానిక యువతతో ఇంటరాక్టివ్ సెషన్లు, నాయకత్వ చర్చలు, విద్యా సంస్థ సందర్శనలలో చురుకుగా పాల్గొన్నారన్నారు. సాంస్కృతిక ప్రదర్శనలో భాగంగా బృందం ప్రఖ్యాత శ్రీ పద్మనాభస్వామి ఆలయాన్ని (అనంత పద్మనాభస్వామి ఆలయం), నెయ్యర్ ఆనకట్టను సందర్శించిందన్నారు. కేరళ సాంప్రదాయ యుద్ధ కళారూపం కలరిపయట్టు గురించి తెలుసుకున్నదని, ఈ సందర్శనలు కేరళ ఆధ్యాత్మిక వారసత్వం, నిర్మాణ వైభవం, పురాతన సంప్రదాయాలపై వారిలో అవగాహనను సుసంపన్నం చేశాయని ప్రిన్సిపాల్ తెలిపారు.
కర్ణాటకలోని దక్షిణ కన్నడ జిల్లాలో ఈనెల 12 నుంచి 16వ తేదీ వరకు జరిగిన కార్యక్రమంలో కర్ణాటక బృందం పాల్గొంది. కిట్స్ వలంటీర్లలో వి.వికాస్ (ఫైనలియర్ సీఎస్ఈ), ఆర్.వాత్సల్య (ఫైనలియర్ సీఎస్వో) ఉన్నారు. వారు గ్రామీణ ఔట్రీచ్ కార్యకలాపాలు, నాయకత్వ వర్క్షాప్లు, అవగాహన ప్రచారాలు, సాంస్కృతిక పరస్పర చర్యలలో పాల్గొన్నారు. వారికి భూత కోల పవిత్ర ఆచారం, యక్షగాన శాస్త్రీయ జానపద నాటక ప్రదర్శన సహా కర్ణాటక శక్తివంతమైన తీరప్రాంత సంప్రదాయాలను చూసే అవకాశం లభించిందన్నారు. వారు ప్రసిద్ధ కుద్రోలి గోకర్ణనాథేశ్వర ఆలయం, న్యూ మంగళూరు సముద్ర ఓడరేవును సందర్శించినట్లు తెలిపారు. ఇది ఈ ప్రాంతపు సాంస్కృతిక గొప్పతనాన్ని, అధునాతన సాంకేతికతను ప్రతిబింబిస్తుందన్నారు. ముఖ్యంగా రెండు జట్లు బోనాలు, బతుకమ్మ సాంప్రదాయ పండుగల గురించి కేరళ, కర్ణాటక అతిథి రాష్ట్రాలకు తెలంగాణ సాంస్కృతిక వారసత్వాన్ని చాటి చెప్పారని, ఆచారాలు, సామాజిక విలువలను మార్పిడి చేసుకున్నారని ఆయన తెలిపారు. ఈ సందర్భంగా రాజ్యసభ మాజీ సభ్యుడు, కిట్స్ వరంగల్ చైర్మన్ కెప్టెన్ వి.లక్ష్మీకాంతరావు, కోశాధికారి పి.నారాయణరెడ్డి, హుస్నాబాద్ మాజీ ఎమ్మెల్యే అండ్ కిట్స్ అడిషనల్ సెక్రటరీ వి.సతీష్ కుమార్లు జాతీయస్థాయి ప్రశంసలు పొందిన రెండు జట్లను అభినందించారు. విద్యార్థి వ్యవహారాల డీన్ ప్రొఫెసర్ కె.శ్రీధర్, కిట్స్ వరంగల్ ఎన్ఎస్ఎస్ ప్రోగ్రాం ఆఫీసర్ ఫిజిక్స్ అసోసియేట్ ప్రొఫెసర్, డా. సిహెచ్.సతీష్చంద్ర, అదనపు పీవో ఎస్.భార్గవి, వివిధ విభాగాల అధిపతులు ప్రొఫెసర్ డాక్టర్ పి.నిరంజన్ (సీఎస్ఈ), ప్రొఫెసర్ డాక్టర్ వి.శంకర్, ప్రొఫెసర్ డాక్టర్ ఎస్.నరసింహారెడ్డి(సీఎస్ఎం), డీన్లు, కెమిస్ట్రీ అసోసియేట్ ప్రొఫెసర్ డాక్టర్ డి.ప్రభాకరాచారి, అధ్యాపక సభ్యులు, ఎన్ఎస్ఎస్ క్లబ్ వలంటీర్లు, ఇతరులు సాంస్కృతిక రంగంలో జాతీయస్థాయి ప్రశంసలు పొందిన రెండు జట్లను అభినందించారు.
కర్ణాటకలోని దక్షిణ కన్నడ జిల్లాలో ఈనెల 12 నుంచి 16వ తేదీ వరకు జరిగిన కార్యక్రమంలో కర్ణాటక బృందం పాల్గొంది. కిట్స్ వలంటీర్లలో వి.వికాస్ (ఫైనలియర్ సీఎస్ఈ), ఆర్.వాత్సల్య (ఫైనలియర్ సీఎస్వో) ఉన్నారు. వారు గ్రామీణ ఔట్రీచ్ కార్యకలాపాలు, నాయకత్వ వర్క్షాప్లు, అవగాహన ప్రచారాలు, సాంస్కృతిక పరస్పర చర్యలలో పాల్గొన్నారు. వారికి భూత కోల పవిత్ర ఆచారం, యక్షగాన శాస్త్రీయ జానపద నాటక ప్రదర్శన సహా కర్ణాటక శక్తివంతమైన తీరప్రాంత సంప్రదాయాలను చూసే అవకాశం లభించిందన్నారు. వారు ప్రసిద్ధ కుద్రోలి గోకర్ణనాథేశ్వర ఆలయం, న్యూ మంగళూరు సముద్ర ఓడరేవును సందర్శించినట్లు తెలిపారు. ఇది ఈ ప్రాంతపు సాంస్కృతిక గొప్పతనాన్ని, అధునాతన సాంకేతికతను ప్రతిబింబిస్తుందన్నారు. ముఖ్యంగా రెండు జట్లు బోనాలు, బతుకమ్మ సాంప్రదాయ పండుగల గురించి కేరళ, కర్ణాటక అతిథి రాష్ట్రాలకు తెలంగాణ సాంస్కృతిక వారసత్వాన్ని చాటి చెప్పారని, ఆచారాలు, సామాజిక విలువలను మార్పిడి చేసుకున్నారని ఆయన తెలిపారు. ఈ సందర్భంగా రాజ్యసభ మాజీ సభ్యుడు, కిట్స్ వరంగల్ చైర్మన్ కెప్టెన్ వి.లక్ష్మీకాంతరావు, కోశాధికారి పి.నారాయణరెడ్డి, హుస్నాబాద్ మాజీ ఎమ్మెల్యే అండ్ కిట్స్ అడిషనల్ సెక్రటరీ వి.సతీష్ కుమార్లు జాతీయస్థాయి ప్రశంసలు పొందిన రెండు జట్లను అభినందించారు. విద్యార్థి వ్యవహారాల డీన్ ప్రొఫెసర్ కె.శ్రీధర్, కిట్స్ వరంగల్ ఎన్ఎస్ఎస్ ప్రోగ్రాం ఆఫీసర్ ఫిజిక్స్ అసోసియేట్ ప్రొఫెసర్, డా. సిహెచ్.సతీష్చంద్ర, అదనపు పీవో ఎస్.భార్గవి, వివిధ విభాగాల అధిపతులు ప్రొఫెసర్ డాక్టర్ పి.నిరంజన్ (సీఎస్ఈ), ప్రొఫెసర్ డాక్టర్ వి.శంకర్, ప్రొఫెసర్ డాక్టర్ ఎస్.నరసింహారెడ్డి(సీఎస్ఎం), డీన్లు, కెమిస్ట్రీ అసోసియేట్ ప్రొఫెసర్ డాక్టర్ డి.ప్రభాకరాచారి, అధ్యాపక సభ్యులు, ఎన్ఎస్ఎస్ క్లబ్ వలంటీర్లు, ఇతరులు సాంస్కృతిక రంగంలో జాతీయస్థాయి ప్రశంసలు పొందిన రెండు జట్లను అభినందించారు.
——————————————————————————————————————————————————————-
తెలుగు జాతీయ వార్తలు, ప్రత్యేక కథనాలు, ట్రెండింగ్ వీడియోలు కోసం Prajatantra వెబ్సైట్ ను సందర్శించండి. తాజా అప్డేట్స్ కోసం మా X (Twitter), Facebook, WhatsApp ఛానల్ ను ఫాలో కండి.. అలాగే మా ప్రజాతంత్ర, యూట్యూబ్ చానల్ ను సబ్ స్క్రైబ్ చేసుకోండి.. మీ అభిప్రాయాన్ని కామెంట్ రూపంలో పంచుకోండి. మీ స్నేహితులు, కుటుంబ సభ్యులతో షేర్ చేయడం మర్చిపోవద్దు.
