– 21నుంచి మూడు రోజులపాటు సదస్సు
న్యూదిల్లీ, జనవరి 7ః భారత అంతర్జాతీయ ప్రజాస్వామ్య ఎన్నికల నిర్వహణ సదస్సు(ఐఐసీడీఈఎం)–2026ను ఈనెల 21 నుండి 23 వరకు న్యూదిల్లీలోని భారత్ మండపంలో ఎన్నికల సంఘం ఆధ్వర్యంలో ఇండియా ఇంటర్నేషనల్ ఇన్స్టిట్యూట్ ఆఫ్ డెమోక్రసీ అండ్ ఎలక్షన్ మేనేజ్మెంట్ (ఐఐఐడీఈఎం) నిర్వహించనున్నది. ప్రపంచవ్యాప్తంగా ఉన్న వివిధ దేశాల నుంచి దాదాపు వందమంది అంతర్జాతీయ ప్రతినిధులు, ఎన్నికల నిర్వహణ సంస్థల (ఈఎంబీ) అధికారులు, అంతర్జాతీయ సంస్థల ప్రతినిధులు, విదేశీ మిషన్లు, ఎన్నికల రంగ నిపుణులు హాజరుకానున్నారు. 2026 సంవత్సరానికి భారత్ ఇంటర్నేషనల్ ఐడీఈఏ కౌన్సిల్ ఆఫ్ మెంబర్ స్టేట్స్ చైర్పర్సన్గా బాధ్యతలు స్వీకరించిన సందర్భంగా ప్రధాన ఎన్నికల కమిషనర్ జ్ఞానేష్ కుమార్ ప్రతిపాదించిన సమావేశక, శాంతియుత, స్థిరమైన, సుస్థిర ప్రపంచం కోసం ప్రజాస్వామ్యం అనే థీమ్ను ఈ సదస్సు ముందుకు తీసుకెళ్తుంది. ఐఐఐడీఈఎం డైరెక్టర్ జనరల్ రాకేశ్ వర్మ మీడియాతో మాట్లాడుతూ ఈ సదస్సు ప్రపంచవ్యాప్తంగా ఉన్న ఎన్నికల నిర్వహణ సంస్థల మధ్య సహకారాన్ని పెంపొందించే వేదికగా పనిచేస్తుందని తెలిపారు. ఈ సందర్భంగా ఐఐసీడీఈఎం-2026 అధికారిక లోగోను ఆవిష్కరించారు. సదస్సులో ఈఎంబీ నేతల ప్లీనరీ, ఈఎంబీ వర్కింగ్ గ్రూప్ సమావేశాలు, ఈసీఐ నెట్ ఆవిష్కరణ గ్లోబల్ ఎన్నికల ప్రమాణాలు, ఉత్తమ ఆచరణలు, నూతన సాంకేతిక పరిష్కారాలపై థీమ్ సెషన్లు ఉంటాయన్నారు. ఈ మూడు రోజులపాటు ప్రధాన ఎన్నికల కమిషనర్ జ్ఞానేష్ కుమార్, ఎన్నికల కమిషనర్లు డా. సుఖబీర్ సింగ్ సంధూ, డా. వివేక్ జోషి లతో కలిసి వివిధ దేశాల ఈఎంబీల అధిపతులతో 40కు పైగా ద్వైపాక్షిక సమావేశాలు నిర్వహిస్తారని ఆయన తెలిపారు. సదస్సులో దేశవ్యాప్తంగా ఉన్న ప్రముఖ విద్యాసంస్థలు 4 ఐఐటీలు, 6 ఐఐఎంలు,12 జాతీయ న్యాయ విశ్వవిద్యాలయాలు, ఐఐఎంసీలు పాల్గొంటాయని చెప్పారు. ప్రెస్ కాన్ఫరెన్స్ అనంతరం మీడియా ప్రతినిధులకు ద్వారకలోని ఐఐఐడీఈఎం క్యాంపస్ సందర్శన ఏర్పాటు చేశారు. ఇది ప్రపంచంలోనే అతిపెద్ద ఎన్నికల శిక్షణ సంస్థలలో ఒకటిగా ఎదుగుతోందని అధికారులు తెలిపారు.
తెలుగు జాతీయ వార్తలు, ప్రత్యేక కథనాలు, ట్రెండింగ్ వీడియోలు కోసం Prajatantra వెబ్సైట్ ను సందర్శించండి. తాజా అప్డేట్స్ కోసం మా X (Twitter), Facebook, WhatsApp ఛానల్ ను ఫాలో కండి.. అలాగే మా ప్రజాతంత్ర, యూట్యూబ్ చానల్ ను సబ్ స్క్రైబ్ చేసుకోండి.. మీ అభిప్రాయాన్ని కామెంట్ రూపంలో పంచుకోండి. మీ స్నేహితులు, కుటుంబ సభ్యులతో షేర్ చేయడం మర్చిపోవద్దు.
–
