“ఈ గందరగోళం మధ్య, దార్శనిక నేత, ఆమోదయోగ్యమైన రీతిలో వినియోగాన్ని నియంత్రించి, తగ్గించే బదులు, రైతులు ఎరువులను అధికంగా వాడకుండా ఉండాలని, అవి ప్రజలకు ఆరోగ్య సమస్యలను కలిగిస్తాయని హెచ్చరించారు. దీనిని ‘ఆరోగ్యకరమైన కపటత్వం’ అని పిలవడం మేధోపరమైన దివాలాకోరుతనం కాకపోవచ్చు. ఎందుకంటే, నాణ్యమైన మద్యం ప్యాకేజీలో చౌక మద్యం ప్రవాహాన్ని నిర్ధారించే ప్రభుత్వం నుండి ఇలాంటి ఆరోగ్య సలహా వచ్చింది. ఈ మద్యం ఎరువుల కంటే విషపూరితమైనది, ఆరోగ్యానికి ప్రమాదకరమైనది.”
ఎరువు వాడటం పాపం”, కానీ “మద్యంలో మునిగిపోవడం సరదా”…“ప్రజలను నిస్సహాయ స్థితిలోకి నెట్టి, వారి అసంతృప్తిని దూరం చేయడానికి మత్తుపానీయాలు ఇచ్చే ప్రజాస్వామ్య వ్య‌వ‌స్థ‌కు మనం ఇప్పుడు అల‌వాటుప‌డ్డామ‌ని ఎవరైనా చెబితే, అసంబద్ధంగా తోచ‌వ‌చ్చు. ఎవరూ నమ్మకపోవచ్చు కూడా!” హమ్మయ్య.. కేంద్ర ప్రభుత్వం ఎట్టకేలకు మన ఆర్థిక దుస్థితిని గుర్తించి జీఎస్టీ రేట్లను తగ్గించింది. ఇక కార్ల నుండి క్రేయాన్ల వరకు, పనీర్ నుండి పకోడీల వరకు, వస్త్రాల నుండి గోలీ సోడా వరకు, ఇళ్ల నుండి హాలిడే ట్రిప్పుల వరకు అన్నీ చౌకగా లభిస్తాయి.
ఇదొక చారిత్రాత్మక సందర్భం కదా?
అయితే, మీరు పాలకులకు ధన్యవాదాలు చెప్పే ముందు, ఒకసారి దీర్ఘ శ్వాస తీసుకోండి .. ఎందుకంటే, ఆంధ్రప్రదేశ్‌లో ఎటువంటి జీఎస్టీ సర్దుబాట్లు తగ్గించలేని ఒక అంతులేని సంక్షోభాన్నిఎదుర్కొంటున్న ఒక వ‌ర్గం ఉంది ! ఈ సంక్షోభానికి కారణం అధిక పన్నుల శ్లాబుల కింద ఉన్నందున కాదు, తమ జీవనోపాధిని కొనసాగించడానికి అవసరమైన సేవలు పూర్తిగా నిర్వీర్యం అవడం లేదా అస్సలు లేకపోవడం వల్ల! దార్శనికుడిగా పేరు పొందిన ముఖ్యమంత్రి నేతృత్వంలోని ఆంధ్రప్రదేశ్ రాష్ట్రంలో యూరియా కొరత రైతులను నిజమైన సంక్షోభం, ఆందోళనలోకి నెట్టేస్తున్న‌ది. యూరియా అందుబాటులో లేకపోవడం రైతులను వర్ణనాతీతమైన బాధలకు గురిచేస్తోంది.
యూరియాను స‌కాలంలో అందించడంలో దార్శనిక నేత ప్రభుత్వం వైఫల్యాన్ని బయటపెడుతోంది. ఖరీఫ్ సీజన్ ప్రారంభానికి ముందు ప్రతి రాష్ట్రానికి యూరియా కోటాను నిర్ణయించే అధికారం కేంద్ర ప్రభుత్వానికి ఉన్నప్పటికీ, రాష్ట్ర ప్రభుత్వం ఇచ్చే అవసరాల సమాచారంపై యూరియా లభ్యత ఆధారపడి ఉంటుంది కాబట్టి, బాధ్యత రాష్ట్ర ప్రభుత్వానిదే. యూరియా కొరత కారణంగా రైతులు పడుతున్న ఇబ్బందులు ఎరువుల దుకాణాల ముందు బారులు తీరిన క్యూలలో కనిపిస్తున్నాయి. వాటి చిత్రాలు టీవీ ఛానెళ్లలో ప్రసారమ‌వుతున్నాయి. అసంబద్ధ ప్రభుత్వ విధానాలు, అధికారులు, మధ్యవర్తులు సృష్టించిన కృత్రిమ కొరత ఈ సంక్షోభాన్ని మరింత క్లిష్టతరం చేస్తోంది.
యూరియా కొరత ఒక పాఠ్యపుస్తక ఉదాహరణ. మన సమాజంలో అత్యంత సాధారణ సేవలు కూడా ఎంత సంక్లిష్టంగా మారతాయో, సరఫరా గొలుసు లోని లోపాలు అంతిమ వినియోగదారులను ఎంత దుస్థితిలోకి నెడతాయో ఇది స్పష్టం చేస్తుంది. ఈ దుస్థితి వారి స్వయంకృతం కాదు. కేవ‌లం ప్రభుత్వం ముందుగా వాటిని పరిష్కరించడంలో విఫలమవడమే దీనికి కారణం. అతిగా యూరియా వాడటం అధిక డిమాండ్‌కు ఒక కారణమైనప్పటికీ, ప్రభుత్వం రైతులు అంగీకరించే విధంగా వినియోగాన్ని నియంత్రించడంలో, తగ్గించడంలో విఫలమైంది, ఫలితంగా యూరియా డిమాండ్ పెరుగుతూనే ఉంది.
ఈ గందరగోళం మధ్య, దార్శనిక నేత, ఆమోదయోగ్యమైన రీతిలో వినియోగాన్ని నియంత్రించి, తగ్గించే బదులు, రైతులు ఎరువులను అధికంగా వాడకుండా ఉండాలని, అవి ప్రజలకు ఆరోగ్య సమస్యలను కలిగిస్తాయని హెచ్చరించారు. దీనిని ‘ఆరోగ్యకరమైన కపటత్వం’ అని పిలవడం మేధోపరమైన దివాలాకోరుతనం కాకపోవచ్చు. ఎందుకంటే, నాణ్యమైన మద్యం ప్యాకేజీలో చౌక మద్యం ప్రవాహాన్ని నిర్ధారించే ప్రభుత్వం నుండి ఇలాంటి ఆరోగ్య సలహా వచ్చింది. ఈ మద్యం ఎరువుల కంటే విషపూరితమైనది, ఆరోగ్యానికి ప్రమాదకరమైనది. ఈ రెండు సమస్యలను ముడిపెట్టడం, మోకాలికి బట్టతలకి ముడిపెట్టడం వంటిదని ఆయన మద్దతుదారులు వాదించవచ్చు.
ఎందుకంటే, ఎరువులతో పండించిన ఆహారాన్ని మొత్తం మానవజాతి తింటుంది కాబట్టి అది మొత్తం సమాజం ఆరోగ్యంపై ప్రభావం చూపుతుంది. అయితే, మద్యం సేవించడం వ్యక్తిగతం కాబట్టి, అది సమాజంలోని ఒక భాగం మీద మాత్రమే ప్రభావం చూపుతుంది. దార్శనికుడి హెచ్చరికను సమర్థించేవారు, ఎరువులు, మద్యం రెండింటి వల్ల కలిగే ఆరోగ్యపరమైన ప్రమాదాలు సమానమని చేదు వాస్తవాన్ని విస్మరిస్తారు. మద్యం సేవించడం వ్యక్తిగతం అయినప్పటికీ , దానివల్ల కలిగే ఆరోగ్య సమస్యలు, వారి జీవితాలపై, తద్వారా మొత్తం సమాజంపై సమానంగా ప్రభావం చూపుతుంది. మరోవైపు, చౌక ధరలకు పుష్కలంగా లభించే మద్యం, ఎరువుల వాడకం వాటివల్ల కలిగే ఆరోగ్య ప్రమాదాల గురించి సలహా పొందుతున్న చాలామంది రైతుల ఆరోగ్యాన్ని సమానంగా ప్రభావితం చేస్తుంది. మద్యం సేవించడం తక్షణ ఆరోగ్య ప్రమాదం, సామాజిక చెరుపు అన్న విష‌యం దార్శనిక నేత‌కు బాగా తెలుసు.
ఇది వ్యక్తిగత శ్రేయస్సు, సామాజిక స్థిరత్వంపై హానికరమైన ప్రభావాలను చూపుతుంది. నేరాలు, హింస, గృహ హింస కుటుంబ విచ్ఛిన్నత ను పెంచుతుంది. అయితే, అసేంద్రీయ పద్ధతులలో పండించిన ఆహారం వల్ల ఆరోగ్య సమస్యలు కాలక్రమేణా వస్తాయి. అందువల్ల, ఎరువుల వాడకం వల్ల ఆరోగ్య సమస్యలు వస్తాయనడం పూర్తిగా సరైనది కాదు. ఎరువులు పంటల పెరుగుదలను పెంచుతాయి, కానీ వాటిని అధికంగా వాడితే నేలలోని పోషకాలు తగ్గి, ఆహారంలో కలుషితాలు చేరవచ్చు. ఇవి శరీరంలో పేరుకుపోయి కాలక్రమేణా ఆరోగ్య సమస్యలను కలిగిస్తాయి. అందువల్ల, మద్యం సేవించడం ఒక సామాజిక చెడు. కానీ ఎరువుల వాడకం ఆహార ఉత్పత్తికి, రైతుల ఆర్థిక శ్రేయస్సుకు అవసరం కాలక్రమేణా అది ఆరోగ్య సమస్యలను కలిగించినప్పటికీ!
రైతులకు దార్శనికుడు ఇచ్చిన హెచ్చరికలో ఒక ప్రశ్న ఉంది: రాష్ట్రాలు మద్యం నుండి పొందే ఆర్థిక రాబడి, ఎరువుల వాడకంపై ఆధారపడి ఉండే వ్యవసాయ రాబడి కంటే ఎక్కువ విలువైనదా? ఆయన త‌న హెచ్చరికలో ఎరువుల వాడకంలో ఆరోగ్య ప్రమాదాన్ని చూస్తున్నాడు త‌ప్ప ప్రభుత్వం తగినంత ఎరువులను సరఫరా చేయడంలో విఫలమవడాన్ని దాచిపెడుతున్నాడు. కానీ రాష్ట్రంలో పుష్కలంగా లభిస్తున్న మద్యం సంపదను సృష్టించడానికి ఆయన ఉపయోగించే సాధనాల్లో ఒకటి కావచ్చు. ఇక్క‌డ ప్ర‌జ‌లు ఎంత బాధ్య‌తార‌హితంగా తాగితే అంత సంప‌ద! కానీ అసేంద్రీయ వ్యవసాయం కూడా రాష్ట్ర ఆదాయానికి దోహదం చేస్తుంది. మద్యం సేవించడం వల్ల సమాజంపై కలిగే హానికరమైన ప్రభావాలను తగ్గించడానికి దానిని నియంత్రించే బదులు, రాష్ట్ర ఆహార భద్రతకు దోహదం చేసే ఎరువుల వాడకాన్ని నియంత్రించడానికి దార్శనిక నేత ప్రయత్నిస్తున్నట్లు కనిపిస్తోంది.
బహుశా, ఎరువుల వాడకంపై ఆయన ఇచ్చిన సలహాలోని ‘ఆరోగ్యకరమైన కపటత్వం’లో అత్యంత విషాదకరమైన భాగం కావచ్చు. అంతేకాని త‌న ప్రభుత్వ ఉదాసీనత లేదా వైఫల్యం కాదు! అది రైతులు, వారి సోదరుల తప్పు. ఎందుకంటే వారు నవ్వుతూ బాధలను భరించడంలో అమిత నేర్ప‌రుల‌య్యారు మ‌రి! అంతేకాదు వారు తమ నాయకులకు వోటు వేసి, అసంబద్ధతను సాధారణీకరించడానికి మద్దతు ఇస్తున్నారు! “ఆరోగ్య ప్రమాదం”… అని మన నాయ‌కుడు చెప్ప‌డం… “మనం” నిస్సహాయులైన సమాజంగా మారిన ఈ విషాద-హాస్య కాలంలో, మన దుఃఖంపై వేసిన మరో జోక్. ఇది మనం మన మద్యం సీసాలలో మునిగిపోతున్నప్పుడు చాలా సార్లు విన్నదే. నిస్సందేహంగా, మన దార్శనిక నేత హెచ్చరిక ప్రకారం, “ఎరువు వాడటం పాపం”, కానీ “మద్యంలో మునిగిపోవడం సరదా”…
-శామ్ సుందర్
