హైదరాబాద్, ప్రజాతంత్ర, జూలై 28: షటిల్ ఆడుతుండగా ఓ యువకుడు కుప్పకూలిపోయాడు. నాగోల్లో ఈ విషాదకర సంఘటన జరిగింది. ఖమ్మం జిల్లా తల్లాడకు చెందిన గుండ్ల రాకేష్ (25) హైదరాబాద్లో ఓ ప్రైవేట్ సంస్థలో పనిచేస్తూ నాగోల్లో నివసిస్తున్నాడు. అక్కడి ఇండోర్ స్టేడియంలో షటిల్ ఆడుతూ ఒక్కసారిగా కుప్పకూలి పడిపోయాడు. వెంటనే అతడిని స్థానిక ఆస్పత్రికి తరలించారు. రాకేష్ను పరీక్షించిన వైద్యులు అప్పటికే అతడు చనిపోయాడని నిర్ధారించారు. గుండెపోటుతోనే మృతిచెందినట్లు వైద్యులు ప్రకటించారు.
షటిల్ ఆడుతూ కుప్పకూలిన యువకుడు
