కాటేయడంతో చికిత్స పొందుతూ మృతి
ముంబై,జూన్29: మద్యం మత్తులో ఓ యు వకుడు.. విషపూరితమైన పాముతో చెలగాటం ఆడాడు. అది కాస్తా అతడి పురు షాంగంపై కాటు వేసింది. దీంతో చికిత్స పొందుతూ మృతి చెందాడు ఆ యువకుడు. ఈ ఘటన మహారాష్ట్రలో జరిగింది. మద్యం మత్తులో ఉన్న ఆ యువకుడు.. పాముతో ఆడి ప్రాణాల దకు తెచ్చుకున్నాడు. అకస్మాత్తుగా ఆ పాము అతడి పురుషాంగంపై కాటు వేయడం వల్ల ఆసుపత్రిలో చికిత్స పొందుతూ చనిపోయాడు. మహారాష్ట్ర భివండీ జిల్లాలో జరిగిందీ ఘటన.
భివండీ జిల్లాలోని కొంబడపాడ ప్రాంతంలో శివ హటేకర్(21) అనే యువకుడు ఆదివారం రాత్రి మద్యం మత్తులో ఆ ప్రాంతంలో ఉన్న ఓ ఆలయానికి వెళ్లాడు. అదే సమయంలో అక్కడ ఒక విషసర్పం అతడికి కనిపించింది.చూసి వదిలేయకుండా దానిని చేతితో పట్టుకున్నాడు. ఆ తర్వాత మద్యం మత్తులో పాముతో చెలగాటం ఆడాడు. అది అకస్మాత్తుగా అతడి పురుషాంగంపై కాటు వేసింది. దీంతో వెంటనే స్థానికులు అతడ్ని భివండీ ఆసుపత్రికి తరలించారు. పరిస్థితి మరింత విషమించడం వల్ల ముంబయి ఆసుపత్రికి తరలించారు. అక్కడ చికిత్స పొందుతూ మరణించాడు.
