స్వార్ధమనే తామస భావంతో
కఠినత్వం
కారు చీకటిలా కమ్మిన ఇలలో
సంకుచిత తత్వాన్ని ధరించిన
సమాజ సమూహాలలో…
హృదయసంద్రాలలో
ఆర్ద్రతా వత్తులు పేనుకొని,
అనుబంధాల దీప్తులు
ప్రజ్వలింపచేసి,
మనోవాంచితాల
చైతన్య కాగడాలు ముట్టిస్తూ,
ఆప్యాయతా వెలుగుల్ని
పోగేసుకుంటూ,
మనిషే ఒక మానవత్వ దీపమై
గోరంత దీపాన్ని వెలిగిస్తే
అది కొండంత వెలుగునివ్వదా?
అజ్ఞాన తిమిరాన్ని బాపే మనోదీపమై
నిరంతర కార్తీక దీపంగా భాసిల్లి
పుడమి పునీతం కాదా?
ప్రకృతి పులకితమై
ఆరోగ్య,సుఖసంపదలు
వెల్లివిరియవా!
– వేమూరి శ్రీనివాస్
9912128967
తాడేపల్లిగూడెం
