గంటకోసారి చూసుకోవాల్సి వస్తోంది!
ఏ నాయకుడు ఏ రంగు కండువా
మార్చాడోనని?
గంటకోసారి చూసుకోవాల్సి వస్తోంది!
ఏ పార్టీ ఏ కూటమితో జత కట్టిందోనని?
గంటకోసారి చూసుకోవాల్సి వస్తోంది!
ఏ నియోజకవర్గంలో ఎవరు పోటీలో
ఉన్నారోనని?
గంటకోసారి చూసుకోవాల్సి వస్తోంది!
ఏ పార్టీ సభకు ఏ రోజు అమ్ముడు
పోవాలోనని?
గంటకోసారి చూసుకోవాల్సి వస్తోంది!
ఏ నాయకుడి చావు ఏ పార్టీకి సింపతీ
తెస్తుందోనని?
గంటకోసారి చూసుకోవాల్సి వస్తోంది!
ఏ కులపోడి వోట్లు ఏ పార్టీ వైపు
మొగ్గుతున్నాయోనని?
గంటకోసారి చూసుకోవాల్సి వస్తోంది!
ఏ పార్టీ ఏం కొత్త ఉచిత పథకాలు
ప్రకటించిందోనని?
గంటకోసారి చూసుకోవాల్సి వస్తోంది!
అధికారపక్షమా?లేక ప్రతిపక్షంలో ఉన్నామా యని?
కానీ
నిముషానికోసారి చూసుకోవాల్సి వస్తోంది!
అసలు వోటు ఉందో? ఊడపీకేసారేమోనని?
– ఉషారం, 9553875577
