కాళేశ్వరంలో లక్ష కోట్ల అవినీతి

• చుక్క నీరు పారకున్నా నిధుల దుబారా
• కాంగ్రెస్‌ ‌సృష్టించిన సంపదను అమ్ముకుంటున్న కెసిఆర్‌
• ‌డియా సమావేశంలో సిఎల్పీ నేత భట్టి విమర్శలు

హైదరాబాద్‌,‌ప్రజాతంత్ర,మార్చి4: కాళేశ్వరం కట్టి లక్ష కోట్లు తిన్నా కానీ.. ప్రాజెక్టు నుంచి చుక్క నీరు పారలేదని సీఎల్పీ నేత భట్టి విక్రమార్క ఆరోపించారు.  బీఆర్‌ఎస్‌ ‌ప్రభుత్వం కృష్ణానదిపై పాలమూరు తప్ప  ఒక్క కొత్త ప్రాజెక్టు కట్టలేదన్నారు. గాంధీభవన్‌లో కాంగ్రెస్‌ ‌రాష్ట్ర వ్యవహారాల ఇంఛార్జి మాణిక్‌ ‌రావు ఠాక్రే అధ్యక్షతన జరిగిన విస్తృత  స్థాయి సమావేశంలో ఆయన మాట్లాడారు. కాంగ్రెస్‌ ‌కట్టిన ప్రాజెక్టుల వల్లే తెలంగాణలో 24 గంటల విద్యుత్‌ ‌సాధ్యమవుతోందని భట్టి విక్రమార్క అన్నారు. కాంగ్రెస్‌ ‌తవ్విన కాల్వల్లోనే బీఆర్‌ఎస్‌ ‌సర్కార్‌ ‌నీళ్లిస్తోందని విమర్శించారు. కాంగ్రెస్‌ ‌సృష్టించిన సంపదతోనే హైదరాబాద్‌లో భూముల రెట్లు పెరిగాయన్నారు. రేట్లు పెరగడంతో బీఆర్‌ఎస్‌ ‌ప్రభుత్వం ఆ భూములను అమ్ముతోందని ఆరోపించారు. బీఆర్‌ఎస్‌, ‌బీజేపీ పార్టీలు ప్రజాస్వామ్యానికి ప్రమాదకరంగా మారాయని సీఏల్పీ నేత భట్టి విక్రమార్క అన్నారు. సమావేశ అనంతరం  శనివారం డియాతో మాట్లాడుతూ… ప్రజల సొమ్మును కొద్ది మంది పెద్దలకే బీజేపీ పంచి పెట్టిన విషయాన్ని రాహుల్‌ ‌జోడో యాత్రలో ప్రజలకు చాటి చెప్పారన్నారు.

దేశాన్ని బీజేపీ మత ప్రాతిపదికన విడదీస్తోందని విమర్శించారు. అదానీకి ప్రధాని మోదీ పంచిన సొమ్ముపై హిండెన్‌బర్గ్ ‌రిపోర్ట్ ఇచ్చిందని ఆయన తెలిపారు. ఇకపోతే రాష్టాన్రికి బీఆర్‌ఎస్‌ ‌ప్రమాదకరంగా మారిందని అన్నారు. కాళేశ్వరం కట్టి లక్షల కోట్లు తిన్నారని.. ప్రాజెక్టు నుంచి చుక్క నీరు పారలేదని వ్యాఖ్యలు చేశారు. ప్రాజెక్టుకు కాల్వలు తవ్వకుండా నీళ్లు ఎట్ల ఇస్తరని ప్రశ్నించారు. కృష్ణా నదిపై పాలమూరు  తప్ప కొత్త ప్రాజెక్టేది అని నిలదీశారు. అన్నీ కూడా కాంగ్రెస్‌ ‌కట్టినవే అని ఆయన అన్నారు. కాంగ్రెస్‌ ‌సృష్టించిన సంపదతోనే హైదరాబాద్‌లో భూముల రేట్లు పెరిగాయని.. కానీ ఇప్పుడు బీఆర్‌ఎస్‌ ‌ప్రభుత్వం వాటిని కూడా అమ్మేస్తోందన్నారు. 24 గంటల కరెంట్‌ ఇస్తున్నామని గొప్పలు చెబుతున్నారని.. కానీ కాంగ్రెస్‌ ‌కట్టిన కరెంట్‌ ‌ప్రాజెక్టులతోనే సాధ్యమవుతోందని తెలిపారు. బీఆర్‌ఎస్‌ ‌కట్టిన కొత్త ప్రాజెక్టు ఒక్కటి కూడా లేదని భట్టి విక్రమార్క విమర్శలు గుప్పించారు.