ముఖ్యమంత్రికి ప్రధాని మోదీ జ‌న్మ‌దిన శుభాకాంక్షలు

సీఎం రేవంత్ రెడ్డి పుట్టిన రోజు సందర్భంగా ఆయనకు శుభాకాంక్షలు వెల్లువెత్తుతున్నాయి. ఈ క్రమంలోనే  ప్రధాని నరేంద్ర మోదీ సీఎం రేవంత్ రెడ్డికి పుట్టిన రోజు శుభాకాంక్షలు తెలిపారు. ‘‘తెలంగాణ ముఖ్యమంత్రి రేవంత్ రెడ్డికి జన్మదిన శుభాకాంక్షలు. ఆయన దీర్ఘాయువు, ఆరోగ్యవంతమైన జీవితం కోసం దేవుడిని ప్రార్థిస్తున్నాను’’ అని ఎక్స్ వేదికగా మోదీ బర్త్ డే విషెస్ తెలిపారు. మరోవైపు.. సీఎం హోదాలో ఫస్ట్ బర్త్ డే జరుపుకుంటున్న రేవంత్ రెడ్డికి శుభాకాంక్షలు వెల్లువెత్తుతున్నాయి. మంత్రులు, కాంగ్రెస్ కార్యకర్తలు, ఆయన అభిమానులు పెద్ద ఎత్తున రేవంత్ రెడ్డి శుభాకాంక్షలు తెలుపుతున్నారు.