“Strength does not come from physical capacity. It comes from an indomitable will” అంటారు గాంధీజీ. కొన్నిదశాబ్దాలుగా ఒక సిద్ధాంతాన్ని నమ్ముకొని, ఎన్నో ఆటుపోట్ల సంద్రాలను ఎదురీదుతూ, దాని పునాదులపైనే వననివాసాన్ని నిర్మించుకొని, కార్ల్ మార్క్స్ కమ్యూనిస్టు సమానత్వపు సమాజాన్ని సంకల్పిస్తూ, దానికై ఆలోచిస్తూ, దాన్నే అక్షరీకరిస్తూ, బతకడమంటే మామూలు విషయం కాదు. నమ్ముకున్న సిద్ధాంతం పట్ల సమాజంలో సానుకూల, ప్రతికూల అంశాలు ఉన్నప్పటికీ బడుగు, బలహీనవర్గాల జీవితాల్లో మార్పే ధ్యేయంగా ముందుకు కదలడమంటే, సవాళ్ళను దాటుకుంటూ తమ ప్రయాణాన్ని ఆపకపోవడం అంటే అదో పెద్ద సమరపు సాహసమే అనాలి. ఉన్నం వెంకటేశ్వర్లు, ఉషలు ఇద్దరూ ఒక్కటై ఒకే జీవిత సిందూరపు కవిత్వమై మహాకవి శ్రీశ్రీ స్పూర్తితో మరో ప్రపంచం పిలిచిందంటూ ‘పెట్టుబడి’కి కవితల కట్టుబడితో ఉద్యమించారు.
“పనిచేసేవాళ్లు కష్టాల కొలిమిలో కాలుతుంటే చేయించుకునేవాళ్ళు ఆకాశానికి ఎగబాకుతున్నారు. ఎందుకిలా జరుగుతోంది?” అంటూ కొన్ని శతాబ్దాలపాటు నాగరికతలో నిగూఢమై ఉన్న ప్రశ్నను సంధిస్తూ తమదైనరీతిలో మనతో బలంగా చర్చిస్తారు. ‘దాస్ కేపిటల్’ సారాంశంగా సాగిన ఈ రచన మనల్ని శాస్త్రీయ ప్రపంచంలోకి తీసుకెళ్తూ ఆలోచింపజేస్తుంది.
“చదువు నేర్చి ఎదిగినవాడే / సంపన్నుడూ జ్ఞానీ అన్నారు / అన్నీ సాధించాక తెలిసింది / అదీ ఒక అమ్మకపు సరుకని”ఇలా ఆరంభంలోనే సమాజంలోని నగ్న సత్యాలను బహిరంగంగా ఆవిష్కరించారు. చదువు’కొనడం’ నేటి స్వతంత్రభారతంలో కామన్ మ్యాన్ కు కష్టమైనవిషయమే. కనీసం తమ బతుకుల్లా తమ పిల్లలబతుకులు కాకూడదనీ, స్థాయికి మించిన అప్పులుచేస్తూ, అప్పులఊబిలో ఈదుతూ ఎన్నో అవమానాలకు గురవుతూ, లక్షల్లో కార్పొరేట్ ఫీజులుకట్టి మరీ చదివిస్తున్నారు తమపిల్లల్ని కోట్లమంది తల్లిదండ్రులు భూమి గుండ్రంగా ఉందని ప్రతిపాదించిన గెలీలియోను, సూర్యునిచుట్టూ భూమి తిరుగుతుందన్నందుకు కోపర్నికస్ ను ఆనాటి అనాగరిక అజ్ఞానసమాజం నిర్బంధాల చట్రంలో హింసించిన తీరును గుర్తుచేశారు.
“చదువు నేర్చి ఎదిగినవాడే / సంపన్నుడూ జ్ఞానీ అన్నారు / అన్నీ సాధించాక తెలిసింది / అదీ ఒక అమ్మకపు సరుకని”ఇలా ఆరంభంలోనే సమాజంలోని నగ్న సత్యాలను బహిరంగంగా ఆవిష్కరించారు. చదువు’కొనడం’ నేటి స్వతంత్రభారతంలో కామన్ మ్యాన్ కు కష్టమైనవిషయమే. కనీసం తమ బతుకుల్లా తమ పిల్లలబతుకులు కాకూడదనీ, స్థాయికి మించిన అప్పులుచేస్తూ, అప్పులఊబిలో ఈదుతూ ఎన్నో అవమానాలకు గురవుతూ, లక్షల్లో కార్పొరేట్ ఫీజులుకట్టి మరీ చదివిస్తున్నారు తమపిల్లల్ని కోట్లమంది తల్లిదండ్రులు భూమి గుండ్రంగా ఉందని ప్రతిపాదించిన గెలీలియోను, సూర్యునిచుట్టూ భూమి తిరుగుతుందన్నందుకు కోపర్నికస్ ను ఆనాటి అనాగరిక అజ్ఞానసమాజం నిర్బంధాల చట్రంలో హింసించిన తీరును గుర్తుచేశారు.
“కులమత కట్టడుల కుట్రలన్నీ / సొంత ఆస్తి కపట నాటకవేదికలే” అంటూ ఆనాదిగా చరిత్ర గుండెల్లో నిక్షిప్తమైన ఆవేదనాగేయాన్ని అక్షరావేశాల్లో వ్యక్తం చేశారు. ప్రైవేట్ పెట్టుబడిలో కరుడుగట్టిన రహస్యాన్ని స్వేదం మిగిల్చిన ఆకలిపోరాటానికి లాభంలేపే తరగని ఆరాటంలోని వాదానికి శ్రామిక వేదాన్ని కలగలిపి అద్భుతంగా వివరించారు.
ఈ ఎలక్ట్రానిక్ ప్రపంచంలో కూడా పేదరికపు సంగ్రామంలో ఇంకా ఓడిపోతున్న కొన్ని కోట్ల కుటుంబాల చిరునామాల ఆనవాళ్లను తమపుస్తకంలోని ఎన్నో కవితలద్వారా మౌన జ్వలితగీతాలై వినిపించారు. ఇక పెట్టుబడి విన్యాసాలలో భాగంగా “కానరాని కథలన్నీ తవ్వి తీసి, తరతరాల చరిత్రసారం వడకట్టి” రక్తపు మడుగుల్లో సంపద పెరిగిన విధానాన్ని “దాష్టీకపు దౌర్జన్యపు ప్రజాస్వామ్యం”గా చెప్పుకొచ్చారు. సంఘర్షణల రంగస్థలంలో మనదారేదో మనమే వెతుక్కుంటూ, పెట్టుబడిపెట్టే కష్టాలపై పోరాడాలంటే ఉత్పత్తి సంపదల పంపిణీ తీరులో చెలరేగే ఘర్షణలపై గురిపెట్టి, మోసపు కట్టుబడి పంటసారాన్ని తెలుసుకోమంటున్నారు.
ఈ ఎలక్ట్రానిక్ ప్రపంచంలో కూడా పేదరికపు సంగ్రామంలో ఇంకా ఓడిపోతున్న కొన్ని కోట్ల కుటుంబాల చిరునామాల ఆనవాళ్లను తమపుస్తకంలోని ఎన్నో కవితలద్వారా మౌన జ్వలితగీతాలై వినిపించారు. ఇక పెట్టుబడి విన్యాసాలలో భాగంగా “కానరాని కథలన్నీ తవ్వి తీసి, తరతరాల చరిత్రసారం వడకట్టి” రక్తపు మడుగుల్లో సంపద పెరిగిన విధానాన్ని “దాష్టీకపు దౌర్జన్యపు ప్రజాస్వామ్యం”గా చెప్పుకొచ్చారు. సంఘర్షణల రంగస్థలంలో మనదారేదో మనమే వెతుక్కుంటూ, పెట్టుబడిపెట్టే కష్టాలపై పోరాడాలంటే ఉత్పత్తి సంపదల పంపిణీ తీరులో చెలరేగే ఘర్షణలపై గురిపెట్టి, మోసపు కట్టుబడి పంటసారాన్ని తెలుసుకోమంటున్నారు.
“చెప్పక దోచడం ‘చట్టబద్ధం’ / చెప్పీ దాచడం ‘న్యాయబద్ధం’ / కాదు కూడదంటే తప్పదు యుద్ధం / వర్గ న్యాయమే వర్ణధర్మం / సొంత ఆస్తే సొంత ధ్యేయం” అంటూ అసలు రాజ్యాధికారం ఎవరిదని ప్రశ్నిస్తూ నిర్వచించని కొండంత ప్రశ్నను సంధించి నేటి ప్రజాస్వామ్యాన్ని విశ్లేషించమంటున్నారు.
“నిరుద్యోగ విపణి వీధిలో వెలిసిపోయిన ‘ఆమె’ వేతనం చట్టం ‘ఆడ’ బ్రతుకునొక భ్రమ’ వంటి ఎన్నో పంక్తులు పాఠకుల్ని కాసేపు నిశ్శబ్దవాతావరణంలో బలంగా ఆలోచించేలా చేస్తాయి. స్వేచ్ఛా బానిసత్వం వంచక ప్రజాస్వామ్యంలో స్వేచ్ఛ పచ్చి అబద్ధంమంటూ practical existence గురించి మాట్లాడుతారు.
“నిరుద్యోగ విపణి వీధిలో వెలిసిపోయిన ‘ఆమె’ వేతనం చట్టం ‘ఆడ’ బ్రతుకునొక భ్రమ’ వంటి ఎన్నో పంక్తులు పాఠకుల్ని కాసేపు నిశ్శబ్దవాతావరణంలో బలంగా ఆలోచించేలా చేస్తాయి. స్వేచ్ఛా బానిసత్వం వంచక ప్రజాస్వామ్యంలో స్వేచ్ఛ పచ్చి అబద్ధంమంటూ practical existence గురించి మాట్లాడుతారు.
‘మంచిని ఓడించైనా / మందిని ముంచేసైనా / సంపదనే గెలిపించే’ ఓ వర్గపు మనుషుల గురించి, ‘విజ్ఞానపు విజయమా? / అజ్ఞానపు ఆధిక్యమా?’ అంటూ ఘాటుగానే ప్రశ్నించారు. ఆకలితో అలమటించే వాడికి వేదాంత బోధనలు ఎందుకు? పట్టెడన్నం చాలంటారు వివేకానంద కూడా ఓ సందర్భంలో ఇలాగే అన్నారు. “కాలే కడుపులో / రగిలే ఆకలిని చల్లార్చేది / ఏ వేదం? ఏ నాదం? / శ్రమశక్తికి శ్రమవాటా దక్కడం / ఒక్కటేగా చక్కటి పరిష్కారం” అంటూ రచయితలు తమ తీర్పును వెల్లడించారు.
ఈ పుస్తకంలోని అన్ని ఆలోచనలతో మనం ఏకీభవించినా, లేకపోయినా తెలుసుకోవడంలో మాత్రం తప్పు లేదనిపించింది. పుస్తకమంతా చదివాక ఏది ఎంతవరకు అన్వయించాలో లేదా ఇంకా శోధించాలో పాఠకులే నిర్దేశించుకోవాలి. ఈ విశ్వమంతా శూన్యంలో విభిన్న ఆలోచనల సంఘర్షణల తాలూకు అన్వేషణ ప్రయాణమే కదా! కాలం ఎప్పుడూ సత్యం వెంటనే ప్రయాణిస్తుంది. ఏదేమైనా ఆదిమ మానవుల కాలంనుంచి నేటి ఆధునిక సాంకేతికయుగం వరకు మానవపరిణామ కోణాన్ని ఒక దృక్పథంలో వివరించిన మరో మహాప్రస్థానం ఈ పుస్తకం. ఒక్కమాటలో చెప్పాలంటే- “Workers of the world unite. you have nothing to lose but your chains” అని పలికిన కార్ల్ మార్క్స్ ప్రతి పాదంలో మనకు కనిపిస్తారు.
ఫిజిక్స్ అరుణ్ కుమార్
