“మా అతిపెద్ద టెక్ కంపెనీలు చాలా వరకు చైనాలో ఫ్యాక్టరీలను నిర్మిస్తూ, భారతదేశంలో కార్మికులను నియమించుకుంటూ, ఐర్లాండ్లో లాభాలను దాచుకుంటూ అమెరికన్ స్వేచ్ఛ ఆశీర్వాదాలను పొందాయి – ఇవన్నీ ఇక్కడ తమ తోటి పౌరులను అమెరికన్లను తొలగించి సెన్సార్ చేస్తూనే ఉన్నాయి. అధ్యక్షుడు ట్రంప్ పాలనలో, ఆ రోజులు ముగిశాయి అని బహిరంగంగా టెక్ కంపెనీలను హెచ్చరించారు. గూగుల్, మైక్రోసాఫ్ట్ వంటి కంపెనీలతో సహా అన్ని టెక్ కంపెనీలు అమెరికన్ కార్మికులకు ప్రాధాన్యత ఇవ్వాలని ఆయన పిలుపునిచ్చారు..”
వాషింగ్టన్, డి.సి. ఆర్టిఫీషియల్ ఇంటెలిజెన్స్ సమ్మిట్ ప్రసంగంలో అమెరికా అధ్యక్షుడు డొనాల్డ్ ట్రంప్ ఉద్యోగాలు, తయారీ అవుట్సోర్సింగ్ చేస్తున్న అమెరికన్ టెక్ దిగ్గజాలను ప్రత్యేకంగా మైక్రోసాఫ్ట్, గూగుల్ కంపెనీలకు చురకలంటించారు. ఉద్యోగ ఉపాధి కల్పనలో అమెరికన్లకు ప్రాధాన్యత ఇవ్వాలని పిలుపునిచ్చారు. ముఖ్యంగా చైనా మరియు భారతదేశాలకు చెందిన వారిని నిలువరించాలని కోరుతూ టెక్ దిగ్గజ కంపెనీలను తీవ్రంగా మందలించారు, అదే సమయంలో దేశీయ నియామకం, ఆవిష్కరణలపై తిరిగి అమెరికా టెక్ కంపెనీలు దృష్టి పెట్టాలని కోరారు.
అమెరికన్ టెక్ ఉద్యోగాలు, అలాగే ఆర్టిఫీషియల్ ఇంటెలిజెన్స్ నాయకత్వానికి ప్రాధాన్యత ఇవ్వడానికి ట్రంప్ ధైర్యమైన చర్యలను ప్రకటించారు. ఔట్సోర్సింగ్కు ముగింపు పలకాలని, దేశీయ ఆర్టిఫీషియల్ ఇంటెలిజెన్స్ అభివృద్ధిని పెంచడానికి మరియు ప్రభుత్వ ప్రాజెక్టులలో ఆర్టిఫీషియల్ ఇంటెలిజెన్స్ నిషేధించాలని కార్యనిర్వాహక ఆదేశాలపై సంతకం చేశారు. “ఆ రోజులు ముగిశాయి”: ట్రంప్ టెక్ అవుట్సోర్సింగ్ను లక్ష్యంగా చేసుకున్నారు. టెక్ పరిశ్రమ విదేశీ కార్మికులు, ఉత్పత్తిపై ఆధారపడటాన్ని ట్రంప్ విమర్శించారు, “మా అతిపెద్ద టెక్ కంపెనీలు చాలా వరకు చైనాలో ఫ్యాక్టరీలను నిర్మిస్తూ, భారతదేశంలో కార్మికులను నియమించుకుంటూ, ఐర్లాండ్లో లాభాలను దాచుకుంటూ అమెరికన్ స్వేచ్ఛ ఆశీర్వాదాలను పొందాయి.
ఇవన్నీ ఇక్కడ తమ తోటి పౌరులను అమెరికన్లను తొలగించి సెన్సార్ చేస్తూనే ఉన్నాయి. అధ్యక్షుడు ట్రంప్ పాలనలో, ఆ రోజులు ముగిశాయి అని బహిరంగంగా టెక్ కంపెనీలను హెచ్చరించారు. గూగుల్, మైక్రోసాఫ్ట్ వంటి కంపెనీలతో సహా అన్ని టెక్ కంపెనీలు అమెరికన్ కార్మికులకు ప్రాధాన్యత ఇవ్వాలని ఆయన పిలుపునిచ్చారు, “అమెరికాకు మద్దతుగా అమెరికా టెక్నాలజీ కంపెనీలు అన్నీ ఉండాలని, కఠినమైన నిర్ణయాలు తీసుకున్నప్పుడు ప్రభుత్వానికి సహకారం ఇవ్వాలని కోరారు. మీరు అమెరికాను మొదటి స్థానంలో ఉంచాలని మేము కోరుకుంటున్నాము. మేము అడుగుతున్నది అంతే” అని ప్రకటించారు. ఆర్టిఫీషియల్ ఇంటెలిజెన్స్ నాయకత్వాన్ని వేగవంతం చేయడానికి కార్యనిర్వాహక ఆదేశాలు జారీచేశారు.
తన దార్శనికతను బలోపేతం చేయడానికి, ట్రంప్ మూడు కీలక కార్యనిర్వాహక ఆదేశాలపై సంతకం చేశారు: దేశీయ ఆర్టిఫీషియల్ ఇంటెలిజెన్స్ అభివృద్ధిని పెంచడం – డేటా సెంటర్లతో సహా ఏఐ మౌలిక సదుపాయాలను వేగవంతం చేయడానికి, నియంత్రణ అడ్డంకులను తగ్గించడానికి “విన్నింగ్ ది రేస్” అనే జాతీయ వ్యూహం ప్రకటించారు. ప్రభుత్వ ప్రాజెక్టులలో “వోక్” ఏఐ ని నిషేధించడం – సమాఖ్య నిధులతో నిధులు సమకూర్చే ఏఐ వ్యవస్థలు రాజకీయంగా పక్షపాతంతో ఉండకుండా నిషేధించడం, తటస్థత, ఖచ్చితత్వాన్ని నొక్కి చెప్పడం. “మేము మేల్కొన్నాము” అని ట్రంప్ పేర్కొన్నారు. అమెరికా ఆర్టిఫీషియల్ ఇంటెలిజెన్స్ ఎగుమతులను ప్రోత్సహించడం – ఎగుమతి ప్రోత్సాహకాలు, పూర్తి-స్టాక్ దేశీయ అభివృద్ధి ద్వారా అమెరికన్-నిర్మిత ఏఐ టెక్నాలజీ ప్రపంచ పోటీతత్వాన్ని మద్దతు ఇవ్వడం.అమెరికన్ టెక్లో జాతీయవాదం వైపు మార్పు తీసుకురావడానికి తాపత్రయ పడుతున్నట్లు ప్రకటించారు.
ట్రంప్ ఏఐ ఆధిపత్యాన్ని దేశభక్తికి సంబంధించిన విషయంగా రూపొందించారు, ఏఐ రేసును గెలవడం సిలికాన్ వ్యాలీ అంతకు మించి దేశభక్తి జాతీయ విధేయత కొత్త స్ఫూర్తిని కోరుతుంది” అని నొక్కి చెప్పారు. “కృత్రిమ మేధస్సు” అనే పదాన్ని కూడా ఆయన తోసిపుచ్చారు, “ప్రతిభావంతులైన మేధస్సు” అనేది మరింత సముచితమైన వివరణ అని సూచించారు. గ్లోబల్ టెక్ కార్యకలాపాలపై ట్రంప్ వ్యాఖ్యలు ప్రభావం చూపే అవకాశం ఉంది. తక్షణ ప్రభావాలు పరిమితంగా ఉండవచ్చు, అయితే ఈ విధానాలు భవిష్యత్తులో యుఎస్ టెక్ సంస్థలు విదేశీ నియామకాలను తగ్గించడానికి – ముఖ్యంగా భారతదేశంలో – ఒత్తిడిని ఎదుర్కోవాల్సి ఉంటుంది. కీలకమైన కార్యకలాపాలను తిరిగి ప్రారంభించవచ్చని సూచిస్తున్నాయి. ఈ చర్య ట్రంప్ విస్తృత “అమెరికా ఫస్ట్” ఎజెండాకు అనుగుణంగా ఉంది, అతను తిరిగి అధికారంలోకి వస్తే ప్రపంచ సాంకేతిక సరఫరా గొలుసులను తిరిగి రూపొందించడానికి వేదికను సిద్ధం చేస్తుంది.
భారత్ లో పార్లమెంట్ సమావేశాలు జరుగుతుంటే దేశ ప్రధాని బలాదూర్ తిరుగుతున్నాడు .పెహల్గామ్ ఉగ్రవాదుల ఘాతుకం, ఆపరేషన్ సింధూర్, ఇండియా పాకిస్తాన్ యుద్ధం ఎందుకు ఆపవలసి వచ్చింది, ట్రంప్ 25 సార్లు యుద్ధం అతను వారించినట్లు ప్రపంచ మీడియా చెబుతుంటే, మోదీ మౌనం వహిస్తూ ఉన్నాడు. భారతదేశం-యుకె స్వేచ్ఛా వాణిజ్య ఒప్పందం చేసుకున్నారు. దశాబ్ద కాలంగా ఇది అత్యంత ప్రతిష్టాత్మక వాణిజ్య ఒప్పందం అని అభివర్ణించారు. ఒప్పందం వివరాల ప్రకారం, స్కాచ్ విస్కీ, కార్లు, శీతల పానీయాలు చాక్లెట్లు, ఏరోస్పేస్ విడిభాగాలు అనేక ఇతర ఉత్పత్తుల ధర తగ్గుతుందని భారత ప్రధానమంత్రి నరేంద్ర మోదీ చారిత్రాత్మక ఒప్పందంపై సంతకం చేశారు. ఇక ఆంధ్రాలో వరదలు వచ్చి ప్రజలు సతమతమవుతుంటే ముఖ్యమంత్రితో సహా మంత్రులు సింగపూర్ సందర్శిస్తున్నారు. ఇప్పటికైనా మౌనం వీడి ట్రంప్ వ్యాఖ్యలను ముక్త కంఠంతో ఖండించకపోతే రాబోయేది గడ్డుకాలమే.
