Take a fresh look at your lifestyle.

విభజనతో ఆరోగ్య రంగంలో వెనకబడ్డాం

అమరావతి/ న్యూఢిల్లీ, జూలై 16 : కోవిడ్‌ ‌నివారణలో రాష్ట్రానికి అందిస్తున్న సహాయానికి ఎపి సిఎం జగన్‌ ‌కృతజ్ఞతలు తెలిపారు. రాష్ట్ర విభజన వల్ల వైద్యపరంగా మౌలిక సదుపాయాల సమస్యను ఎదుర్కొన్నాం. అత్యాధునిక వైద్య సదుపాయాలు రాష్ట్రంలో లేవు. రాష్ట్ర విభజన వల్ల హైదరాబాద్‌, ‌బెంగుళూరు, చెన్నై లాంటి నగరాలు ఏపీలో లేవు. అయినా సరే కోవిడ్‌ను ఎదుర్కోవడంలో చెప్పుకోదగ్గ పనితీరు కనబరిచామని ప్రధానితో జరిగిన వీడియో కాన్ఫరెన్స్‌లో తెలిపారు. దక్షిణాది రాష్ట్రాల సీఎంలతో ప్రధాని నరేంద్ర మోదీ వీడియో కాన్ఫరెన్స్ ‌నిర్వహించారు.

కోవిడ్‌ ‌పరిస్థితి, వ్యాక్సినేషన్‌ అం‌శాలపై ప్రధాని సక్ష చేపట్టారు. వీడియో కాన్ఫరెన్స్‌లో ఆంధ్రప్రదేశ్‌ ‌ముఖ్యమంత్రి వైఎస్‌ ‌జగన్‌మోహన్‌రెడ్డి పాల్గొన్నారు. అత్యాధునిక వైద్య సదుపాయాలు రాష్ట్రంలో లేవని సీఎం జగన్‌ ‌తెలిపారు. విభజనతో హైదరాబాద్‌, ‌బెంగళూరు, చెన్నై లాంటి నగరాలు ఏపీలో లేవని పేర్కొన్నారు. కరోనాను అడ్డుకోవడంలో గ్రామ, వార్డు సచివాలయాలు సమర్థవంతంగా పనిచేశాయని కొనియాడారు. ఇప్పటివరకు 12 సార్లు ఇంటింటికీ పీవర్‌ ‌సర్వే చేశామని, కొవిడ్‌కు సరైన పరిష్కారం వ్యాక్సినేషనేనని స్పష్టం చేశారు.

ప్రైవేట్‌ ఆస్పత్రులు పూర్తిస్థాయిలో వ్యాక్సిన్‌లు ఇవ్వలేకపోతున్నాయని తెలిపారు. ప్రైవేట్‌ ఆస్పత్రులకు జూన్‌లో 17,71,580 డోసులు కేటాయిస్తే.. కేవలం 4,20,209 డోసులు మాత్రమే వినియోగించారని చెప్పారు. ప్రైవేట్‌ ఆస్పత్రులు వినియోగించని స్టాక్‌ను రాష్టాన్రికి కేటాయించాలని జగన్‌ ‌కోరారు. కరోనా థర్డ్ ‌వేవ్‌ ‌నేపథ్యంలో అనుసరించాల్సిన వ్యూహంపై చర్చించారు. ఈ సందర్భంగా సీఎం వైఎస్‌ ‌జగన్‌ ‌మాట్లాడుతూ..రాష్ట్రంలో ఏర్పాటు చేసుకున్న గ్రామ, వార్డు సచివాలయాలు కరోనా వైరస్‌ ‌విస్తరణను అడ్డుకోవడంలో సమర్థవంతంగా పనిచేశాయి. ఇప్పటివరకు 12 సార్లు ఇంటింటికీ ఫీవర్‌ ‌సర్వే చేశాం. లక్షణాలు ఉన్నవారిని గుర్తించి, ఫోకస్‌గా టెస్టులు చేశాం. దీనివల్ల కోవిడ్‌ ‌విస్తరణను అడ్డుకోగలిగాం. వ్యాక్సినేషన్‌ అనేది కోవిడ్‌కు సరైన పరిష్కారం. దీనికి సంబంధించి కొన్ని సూచనలు చేయదలుచు కున్నాని వెల్లడించారు.

కాగా రాష్ట్రాని 1,68,46,210 వ్యాక్సిన్‌ ‌డోసులు వచ్చాయి. వీటితో 1,76,70,642 మందికి వ్యాక్సిన్లు ఇచ్చాం. వ్యాక్సినేషన్‌లో మంచి విధానాల వల్ల ఇచ్చినదానికన్నా ఎక్కువ మందికి వేయగలిగాం. జూలై నెలలో 53,14,740 వ్యాక్సిన్లు మాత్రమే రాష్టాన్రికి కేటాయించారు. జూలై నెలలో ప్రైవేటు ఆస్పత్రులకు 17,71,580 వ్యాక్సిన్లను కేటాయించారు. కాని క్షేత్రస్థాయిలో చూస్తే వారికి కేటాయించిన వ్యాక్సిన్లను పూర్తిస్థాయిలో ఇవ్వలేకపోతున్నారు. జూన్‌ ‌నెలలో ప్రైవేటు ఆస్పత్రుల ద్వారా వ్యాక్సినేషన్‌ ‌చేయించుకున్న వారి సంఖ్య కేవలం 4,20,209 మాత్రమే. ప్రైవేటు ఆస్పత్రుల్లో వినియోగించకుండా ఉండి పోయిన స్టాకు కోటాను తిరిగి రాష్ట్రానికి కేటాయించాలని కోరు తున్నాం. రాష్ట్రం మరింత వేగంగా వ్యాక్సిన్లు ఇవ్వడానికి ఇది దోహదపడుతుంది. కోవిడ్‌ ‌నివారణలో సలహాలు, సూచనలు, మార్గదర్శకాలను పాటిస్తూ ముందుకు సాగుతామని తెలిపారు.

ఈ కార్యక్రమంలో ఉపముఖ్యమంత్రి ఆళ్ల నాని, •ంశాఖ మంత్రి మేకతోటి సుచరిత, డీజీపీ గౌతం సవాంగ్‌, ఇం‌టెలిజెన్స్ ‌చీఫ్‌ ‌కె వి రాజేంద్రనాథ్‌ ‌రెడ్డి, కోవిడ్‌ ‌టాస్క్‌ఫోర్స్ ‌కమిటీ ఛైర్మన్‌ ఎం ‌టీ కృష్ణబాబు, వైద్య ఆరోగ్యశాఖ ముఖ్య కార్యదర్శి అనిల్‌ ‌కుమార్‌ ‌సింఘాల్‌, ‌వైద్య, ఆరోగ్యశాఖ ముఖ్య కార్యదర్శి (కోవిడ్‌ ‌మేనిజిమెంట్‌ అం‌డ్‌ ‌వాక్సినేషన్‌) ఎం ‌రవిచంద్ర, •ంశాఖ ముఖ్య కార్యదర్శి కుమార్‌ ‌విశ్వజిత్‌, ఆరోగ్య కుటుంబ సంక్షేమశాఖ కార్యదర్శి కాటమనేని భాస్కర్‌, ఇతర ఉన్నతాధికారులు హాజరయ్యారు.

Leave a Reply