Take a fresh look at your lifestyle.

భారతీయ మహిళలు తమ కన్నా.. తక్కువ విద్యావంతులయిన భర్తలతో ఎందుకు సర్దుకుపోతున్నారు?

లింగపరమైన నియమాలు, కులం కార్డు,  కార్మిక శక్తి  భాగస్వామ్యంలో తక్కువ శాతం  మొదలైన అంశాలు కారణం కావచ్చు.

భారతీయ మహిళలు ఉన్నత విద్యావంతులైన ప్పటికీ వారు తమ భర్తలతో సమానం కాలేకపోతున్నారు. 1970 నుంచి 2000 మధ్యకాలంలో విద్యావంతులైన మహిళలు, పురుషుల వివరాలను నిశితంగా పరిశీలించినప్పుడు ఈ విషయం వెల్లడైంది. ఈ అధ్యయనంలో తేలిందేమిటంటే, బాగా చదువుకున్న మహిళలు తమ కన్నా తక్కువ విద్య గల వారిని పెళ్ళి చేసుకున్నారు. అయితే, ఆ మహిళల భర్తలు ఉన్నత కుటుంబాలకు చెందిన వారు కావడం వల్ల సర్దుకుని పోయిన దృష్టాంతాలు ఉన్నాయి. లింగ ఆధిక్య ధోరణులు ఇప్పటికీ ఉద్యోగాలు, పదవుల్లో కొనసాగుతున్నాయి. ఈ ధోరణులు అంతర్జీతీయంగా మహిళల విద్య, పదవులను పరిగణనలోకి తీసుకున్నప్పుడు స్పష్టంగా కనిపిస్తున్నాయి. బాగా చదువుకున్న మహిళలు విద్యలో తమ కన్నా తక్కువ విద్య గలవారిని వివాహం చేసుకున్నట్టు నిపుణులు చెప్పారు. ఈ మహిళల భర్తలు బాగా పేరు, ఆస్తి గల కుటుంబాలకు చెందిన వారు కావడం వల్ల మహిళలు సర్దుకుపోతున్నారని ఇండియా మానవ వృద్ధి సర్వే ఫలితాల్లో తేలింది. ఈ సర్వే ఫలితాన్ని, వర్కింగ్‌ ‌పేపర్‌ను గత డిసెంబర్‌లో ప్రచురించారు.

ఈ మాదిరి పెళ్ళిళ్ళ సంఖ్య పెరగడం భారత దేశంలో లింగ ఆధిక్యత స్వభావానికి అద్దం పడుతున్నది. ఇందుకు అనేక సాంఘిక, ఆర్థిక కారణాలతో పాటు కులపరమైన ఆంక్షలు, శ్రామిక మార్కెట్‌లో మహిళల భాగస్వామ్యం తక్కువగా ఉండటం మొదలైన కారణాలు ఉన్నాయి. అంతేకాక, మహిళలకు తక్కువ వేతనాలు చెల్లింపు కూడా ప్రధాన కారణం. మహిళలు ఎక్కువగా ఆర్టస్ ‌డిగ్రీ ఫ్యాకల్టీల్లో రాణిస్తున్నారు. అంతేకాక, మహిళలకు భర్తల వద్ద తక్కువ స్వేచ్ఛ ఉంటోంది. నాలుగు దశాబ్దాల్లో విద్యతో భర్తల నిష్పత్తి వారి భార్యల కన్నా వివిధ విద్యా స్థాయిల్లో తక్కువ ఉంటోంది. విద్యా స్థాయిలో తగ్గుదల 1970లో 90 శాతం ఉంటే 2000లో 60 శాతం ఉంది, అదే సందర్భంలో తక్కువ విద్య ఉన్న పురుషులను పెళ్లి చేసుకున్న ఉన్నతవిద్యావంతురాళ్ళ సంఖ్య పది శాతం నుంచి 30 శాతానికి పెరిగింది. అందువల్ల మహిళలకు ఉన్నత విద్యావంతులైనంత మాత్రాన లింగ సమానత్వం వచ్చినట్టు కాదని ఈ అధ్యయనం సహ రచయిత ఝియోంగ్‌ అన్నారు. పెళ్ళిళ్లలో జంటల కూర్పు విద్యను బట్టి జరగడం లేదని మేరీలాండ్‌ ‌యూనివర్శిటీకి చెందిన సోనాల్డే దేశాయ్‌. ‌ఫెనిన్‌ ‌చెన్‌ అన్నారు. భారత దేశంలో విద్య, పెళ్ళిళ్లపై వీరు అధ్యయనం చేశారు. ఉన్నత విద్య చదువుకున్నంత మాత్రాన మహిళలకు సాధికారత లభించడం లేదని వారు పేర్కొన్నారు.

మహిళలు తక్కువ విద్యావంతులు, వారి భర్తలు ఉన్నత విద్యావంతులైతే అలాంటి పెళ్ళిళ్ళను అనులోమ వివాహాలు(హైపర్‌ ‌గామి) అంటారు. అదే స్త్రీ పురుషుల మధ్య విద్యలో సమానత్వం ఉంటే హోమోగామీ అంటారు. మన దేశంలో తక్కువ విద్యగల మహిళల సంఖ్య క్రమంగా తగ్గుతోంది. భారత దేశంలో మహిళల విద్య 1981ల 29.8 శాతం ఉంటే, 2011లో 65.5 శాతం ఉందని లీ అన్నారు. మహిళల ఉన్నత విద్య స్థాయి 1990లో 27 శాతం ఉంది. జాతీయ ఆరోగ్య సర్వే వివరాలు కూడా ఇంచుమించు ఇదే విధంగా ఉన్నాయి. భారత్‌లో పెళ్ళిళ్ళు సార్వత్రికం. ఒంటరి మహిళల నిష్పత్తి 1971లో 0.9 శాతం ఉండగా, 2011లో 3.7 శాతం ఉంది. చైనాలో తక్కువ చదువుకున్న పురుషుణ్ణి పెళ్ళి చేసుకోవడానికి బదులు కన్యలుగానే ఉండిపోతారని లీ చెప్పారు. భారత్‌లో ఐదు శాతం కన్నా తక్కువ మంది మహిళలు తమ జీవిత భాగస్వాములను ఎంచుకుంటారు. భారత్‌ ‌లో సన్నిహిత కుటుంబాలకు చెందిన వారిని పెళ్లి చేసుకునేందుకు వెనకాడరు. మహిళలు ఆర్టస్ ‌డిగ్రీ చదువులకే ప్రాధాన్యం ఇస్తారు. తక్కువ విద్య గల పురుషులను పెళ్ళి చేసుకున్న మహిళల శాతం 1970-80లలో 39 శాతం ఉండగా, 1889లో 47 శాతానికి పెరిగింది.

అలాగే ఉద్యోగినుల సంఖ్య 1993-94లో 33 శాతం ఉండగా, 2017-18లో 18.2 శాతానికి తగ్గింది. భారత శ్రామికరంగం నుంచి పదేళ్ళ వ్యవధిలో 25 మిలియన్‌ ‌మంది మహిళలు వైదొలగారు. శ్రామికరంగంలో పని చేసే మహిళల సంఖ్య బాగా తగ్గుతోంది. ఉద్యోగాల పట్ల వారు ఆసక్తి చూపుతున్నారు. దక్షిణ కొరియా, చైనా, జపాన్‌లలో ఈ పరిస్థితి లేదని శ్రామిక రవి అనే ఆర్థిక శాస్త్రవేత్త పేర్కొన్నారు. మహిళలు ఇంటి పనులకే పరిమితం అవుతున్నారని ఆయన అన్నారు. అంతేకాక, పిల్లల్ని సాకేవారు లేకపోవడం, పిల్లల సంరక్షణకు వ్యవస్థీకృతమైన మద్దతు లేకపోవడం మొదలైన కారణాలు ఉన్నాయని ఆయన అన్నారు. 2017-18లో పురుషుల కన్నా విద్యావంతులైన మహిళల్లోనే నిరుద్యోగిత ఎక్కువ ఉంది. మహిళలు సంసారాలకే పరిమితం కావడానికి వారి వర్చస్సు, రూపం కారణం కావచ్చు. మొత్తం మీద మహిళలు ఉన్నత విద్యావంతులవుతున్నప్పటికీ, అటు ఉద్యోగ రంగంలోనూ, ఇటు గృహ రంగంలోనూ సాధికారత సాధించలేకపోతున్నారు. భారత దేశంలో దశాబ్దాలుగా నెలకొన్న పరిస్థితులు ఇందుకు కారణం కావచ్చు.
– స్రోల్‌.ఇన్‌ ‌సౌజన్యంతో..

Get real time updates directly on you device, subscribe now.

Leave a Reply

error: Content is protected !!