Take a fresh look at your lifestyle.

మోడీ తప్ప మరెవ్వరూ నడవకూడదా..

  • రాహుల్‌, ‌ప్రియాంకలను అడ్డుకున్న పోలీసులు
  • హత్రాస్‌ ‌హత్యాచార ఘటనపై అట్టుడికిన యూపి
  • కాంగ్రెస్‌ ‌శ్రేణుల ఆందోళనతో సర్వత్రా ఉద్రిక్తత
  • పోలీసులతో ఘర్షణలో కిందపడ్డ రాహుల్‌
  • ‌యోగీ ప్రభుత్వాన్ని రద్దు చేయాలన్న మాయావతి, అఖిలేశ్‌

ఉత్తరప్రదేశ్‌ ‌రాష్ట్రం హత్రాస్‌లో చోటుచేసుకున్న హత్యాచార ఘటనపై దేశ వ్యాప్తంగా నిరసనలు కొనసాగుతున్నాయి. మానవ మృగాల చేతిలో హత్యాచారానికి గురై చికిత్స పొందుతూ బాలిక మృతిచెందడం పట్ల విపక్షాలు, మహిళా, ప్రజా సంఘాలు ఆగ్రహం వ్యక్తం చేస్తున్నాయి. ఉత్తరప్రదేశ్‌లోని  యోగి ఆదిత్యానాథ్‌ ‌ప్రభుత్వం మహిళల రక్షణ పట్ల తీవ్రంగా విఫలమైందని విమర్శిస్తున్నాయి. తాజాగా ఘటనపై యూపీ కాంగ్రెస్‌ ‌విభాగం ప్రధాన నగరాల్లో నిరసన చేపట్టింది. మరోవైపు బాధితురాలి కుటుంబాన్ని పరామర్శించేందుకు కాంగ్రెస్‌ ‌పార్టీ ప్రధాన కార్యదర్శి, యూపీ బాధ్యురాలు ప్రియాంక గాంధీ, ఎంపీ రాహుల్‌ ‌గాంధీ హథ్రాస్‌కు బయలుదేరగా వారిని మధ్యలోనే నిర్బంధించారు. ఈ సందర్భంగా అక్కడ స్థానిక పోలీసులు 144 సెక్షన్‌ను విధించారు. బాధితురాలి గ్రామం చుట్టు భారీ ఎత్తున బారికేడ్లను ఏర్పాటు చేసి ఎవరినీ లోపలకి అనుమతించ లేదు. రాహుల్‌, ‌ప్రియాంక రాక సందర్భంగా కాంగ్రెస్‌ ‌కార్యకర్తలు పెద్ద ఎత్తున హథ్రాస్‌కు చేరుకున్నారు. బాధిత కుటుంబ సభ్యులను కలిసేందుకు వారికి పోలీసు అనుమతి ఇవ్వకపోవడంతో పార్టీ కార్యకర్తలు ధర్నాకు దిగారు. పర్యటనకు వీల్లేదని రాహుల్‌, ‌ప్రియాంకను రోడ్డుపైనే పోలీసులు అడ్డుకున్నారు. దీంతో అక్కడ కొంత హైటెన్షన్‌ ‌నెలకొంది. . ఈ దశలో హత్రాస్‌లో బాధిత కుటుంబాన్ని పరామర్శించేందుకు రాహుల్‌, ‌ప్రియాంకలు రాగా వారిని పోలీసులు అడ్డుకున్నారు.

UP police intercepting former Congress national president Rahul Gandhi who went to visit the victim's family

గ్రేటర్‌ ‌నోయిడా వద్ద రాహుల్‌, ‌ప్రియాంక గాంధీని పోలీసులు అదుపులోకి తీసుకున్నారు. హత్రాస్‌ ‌బాధిత కుటుంబాన్ని పరామర్శించడానికి ఢిల్లీ నుంచి బయల్దేరి యమునా హైవే ఎక్స్‌ప్రెస్‌ ‌వద్దకు వీరి కాన్వాయ్‌ ‌చేరుకోగానే పోలీసులు అడ్డుకున్నారు. దీంతో రాహుల్‌, ‌ప్రియాంక నడక ప్రారంభించారు. వారిని అనుసరిస్తూ కార్యకర్తలు, నేతలు కూడా నడక ప్రారంభించారు. పోలీసులు వారిని అడ్డుకోవడంతో తీవ్ర ఉద్రిక్త పరిస్థితులు నెలకొన్నాయి. ఈ నేపథ్యంలో పోలీసులపై రాహుల్‌ ‌గాంధీ తీవ్ర ఆగ్రహం వ్యక్తం చేశారు. ఒకానొక దశలో తోపులాటలో రాహుల్‌ ‌కిందపడ్డారు. రోడ్డుపై కేవలం ప్రధాని నరేంద్ర మోదీయే నడవాలా? సామాన్యులకు నడిచే హక్కులేదా? అని రాహుల్‌ ‌తీవ్ర ఆగ్రహం వ్యక్తం చేశారు. పోలీసులు తనను తోసేసి, లాఠిఛార్జ్ ‌కూడా చేశారని ఆయన ఆరోపించారు. తనను పోలీసులు తోసేస్తే కింద పడ్డానని అన్నారు. తాను ఏ రకంగా చట్టాన్ని ఉల్లంఘిస్తే అరెస్టు చేశారో చెప్పాలని పోలీసులను నిలదీశారు. తనపై లాఠీచార్జ్ ‌కూడా చేసినట్లు ఆయన ఆరోపించారు. తనను నేలపై పడేసినట్లు రాహుల్‌ ‌తెలిపారు. యూపీలో మహిళలకు ఏమాత్రం రక్షణ లేదని ప్రియాంక గాంధీ తీవ్రంగా మండిపడ్డారు.  హత్రాస్‌కు 140 కిలోమీటర్ల దూరంలో ఉన్న గ్రేటర్‌ ‌నోయిడా వద్ద రాహుల్‌ ‌వాహనాన్ని నిలిపేశారు. తాజా పరిణామాలపై బీఎస్పీ అధినేత్రి మాయావతి, ఎస్పీ చీఫ్‌ అఖిలేష్‌ ‌యాదవ్‌ ‌తీవ్ర ఆగ్రహం వ్యక్తం చేశారు. రాష్ట్రంలో మహిళలకు కనీస రక్షణ కరువైందని, యోగీని వెంటనే సీఎం పదవి నుంచి తప్పించాలని డిమాండ్‌ ‌చేసారు. శాంతిభద్రతలు పూర్తిగా అదుపుతప్పాయని రాష్ట్రపతి పాలన విధించాలని మాయావతి కోరారు. ఢిల్లీ ఆస్పత్రిలో మంగళవారం వేకువజామున తుదిశ్వాస విడిచిన ఆ దళిత యువతి(19)కి అదే రోజు అర్థరాత్రి దాటిన తర్వాత హడావుడిగా అంత్యక్రియలు జరిపించింది. ఇప్పటికే ఈ హత్యాచార ఘటనపై దేశవ్యాప్తంగా నిరసనలు వెల్లువెత్తుతుండగా.. తాజా పరిణామంపై రాజకీయ పార్టీలు, హక్కుల సంఘాలు తీవ్ర ఆగ్రహం వ్యక్తం చేశాయి. దళితురాలు అయినందున బాధితురాలి పట్ల మరణంలోనూ క్రూరంగా వ్యవహరించిందని మండిపడ్డాయి. అర్థరాత్రి పూట రహస్యంగా అంత్యక్రియలు జరపడం ఏంటని ప్రతిపక్షాలు నిలదీస్తున్నాయి.
UP police intercepting former Congress national president Rahul Gandhi who went to visit the victim's family
ఫోటో:దళిత యువతి అత్యాచారానికి గురయిన గ్రామం హత్రాన్ లో స్థానికుల నిరసన… బాధితురాలి కుటుంబాన్ని పరామర్శించడానికి వెళ్లిన కాంగ్రెస్ పార్టీ మాజీ జాతీయ అధ్యక్షుడు గాంధీ ని అడ్డుకుంటున్న యుపీ పోలీసులు .
యోగి రాజీనామాకు డిగ్గీ డిమాండ్‌

ఉత్తరప్రదేశ్‌లో అత్యాచార ఘటనలకు బాధ్యత వహిస్తూ సీఎం యోగి ఆదిత్యనాథ్‌ ‌తన పదవికి రాజీనామా చేయాలని కాంగ్రెస్‌ ‌సీనియర్‌ ‌నాయకులు దిగ్విజయ్‌ ‌సింగ్‌ ‌డిమాండ్‌ ‌చేశారు. యూపీలో మహిళలపై అత్యాచార ఘటనలు పెరిగిపోతున్నాయన్నారు. బీజేపీ దళిత వ్యతిరేక ప్రభుత్వమని ఆయన పేర్కొన్నారు. 2012 నిర్భయ ఘటనపై దేశంలోని మధ్య తరగతి ప్రజలందరూ ఆగ్రహం వ్యక్తం చేస్తూ నిరసనలు చేపట్టారు. కానీ హత్రాస్‌ ‌దళిత యువతి మృతి పట్ల ఎవరూ సానుభూతి చూపడం లేదు. ఆమె దళితురాలు కాబట్టి లేదా గ్రామీణ యువతి కాబట్టి అని దిగ్విజయ్‌ ‌పేర్కొన్నారు. విపక్షాలు కూడా ఈ ఘటనను సీరియస్‌గా తీసుకోవాలని దిగ్విజయ్‌ ‌సింగ్‌ అన్నారు.

Get real time updates directly on you device, subscribe now.

Leave a Reply