Take a fresh look at your lifestyle.

కృష్ణా జలాలపై రాజీలేని పోరాటం

  • రాష్ట్ర ప్రజల కోసం తెగించి కొట్లాడుతాం
  • కాంగ్రెస్‌, ‌బిజెపిలకు చిత్తశుద్ధి లేదన్న మంత్రి కెటిఆర్‌
  • మంత్రి సమక్షలో టిఆర్‌ఎస్‌లో పలువురు కార్పొరేటర్ల చేరిక

కృష్ణా జలాల విషయంలో లేదా మరో విషయంలో కానీ రాజీ లేకుండా పోరాటం చేసేది ఒక్క టీఆర్‌ఎస్‌ ‌పార్టీ మాత్రమే అని ఆ పార్టీ వర్కింగ్‌ ‌ప్రెసిడెంట్‌ ‌కేటీఆర్‌ ‌స్పష్టం చేశారు. ఈ వివాదంపై బీజేపీ, కాంగ్రెస్‌ ‌నేతలు రెండు నాలుకల ధోరణితో వ్యవహరిస్తున్నారని, తెలంగాణ ప్రజల ప్రయోజనం కోసం ఎంతకైనా తెగించి కొట్లాడేది టీఆర్‌ఎస్‌ ‌పార్టీ మాత్రమేనని కేటీఆర్‌ అన్నారు. మంత్రి మల్లారెడ్డి ఆధ్వర్యంలో జవహర్‌ ‌నగర్‌ ‌కార్పొరేషన్‌లోని నలుగురు కాంగ్రెస్‌ ‌కార్పొరేటర్లు, ఘట్‌కేసర్‌ ‌మున్సిపాలిటీకి చెందిన కాంగ్రెస్‌ ‌కౌన్సిలర్లు టిఆర్‌ఎస్‌లో చేరారు. ఈ సందర్భంగా వారందరికీ గులాబీ కండువాలు కప్పి పార్టీలోకి కేటీఆర్‌ ‌సాదరంగా ఆహ్వానించారు.

అనంతరం తెలంగాణ భవన్‌లో ఏర్పాటు చేసిన సభలో కేటీఆర్‌ ‌మాట్లాడుతూ..‘మేడ్చల్‌ ‌నియోజకవర్గంలోనే 10 మున్సిపాలిటీలు, కార్పొరేషన్లు ఉన్నాయి. వి• అందరి మద్దతుతో పదింటికి పదిని మంత్రి మల్లారెడ్డి గెలిపించుకున్నారు. ప్రజల్లో పార్టీపై విశ్వాసం ఉండడం వల్లే గెలుపు సాధ్యమైతుందన్నారు. అత్యంత ఎక్కువ సమస్యలు ఉన్న ప్రాంతం జవహర్‌ ‌నగర్‌. ఈ ‌కార్పొరేషన్‌ అభివృద్ధికి తప్పకుండా నిధులు మంజూరు చేస్తాం’ అని అన్నారు. జవహర్‌ ‌నగర్‌ ‌ప్రజలకు దుర్గంధం లేకుండా చర్యలు చేపడుతామన్నారు. జీవో నం. 58, 59 ప్రకారం ఇండ్ల పట్టాలు ఇచ్చినట్లే.. ఇవ్వాలని జవహర్‌ ‌నగర్‌ ‌ప్రజలు కోరారు. హెచ్‌ఎం‌డీఏ పరిధిలో ఉంది కాబట్టి ఆ ప్రకారం ఇండ్ల పట్టాలు ఇవ్వలేకపోయాం.

ఈ సమస్యను సీఎం కేసీఆర్‌ ‌దృష్టికి తీసుకెళ్లి పరిష్కారిస్తామని చెప్పారు. నగర శివారు మున్సిపాలిటీలు, కార్పొరేషన్ల అభివృద్ధికి ప్రణాళికలు రూపొందించాలని మంత్రులు మల్లారెడ్డి, సబితా ఇంద్రారెడ్డికి సూచించామని తెలిపారు. కేసీఆర్‌ ‌నాయకత్వంలో రాష్ట్రాన్ని సాధించుకోవడమే కాదు..అభివృద్ధి బాటలో పయనింపజేస్తున్నామని చెప్పారు. అన్ని వర్గాల అభివృద్ధే ధ్యేయంగా ముందుకు పోతున్నాం. కొరోనాను కూడా లెక్క చేయకుండా అభివృద్ధి ఫలాలు సామాన్యులకు అందించామన్నారు. ప్రతి పేద వ్యక్తికి టీఆర్‌ఎస్‌ ‌ప్రభుత్వం అండగా ఉంటుందని స్పష్టం చేశారు. ఎవరెన్ని కుప్పిగంతులు వేసినా..కొన్ని పదవులు రాగానే కోతికి కొబ్బరిచిప్ప దొరికినట్టు ప్రవర్తిస్తున్నారు. అలాంటి వారిని మనం పట్టించుకోవాల్సిన అవసరం లేదు. రాష్ట్ర ప్రజలపై పూర్తి విశ్వాసం ఉందన్నారు. ఏ ఎన్నిక అయినా.. టీఆర్‌ఎస్‌ ‌పార్టీని గెలిపిస్తున్నారు. కేసీఆర్‌ ‌నాయకత్వమే తెలంగాణకు శ్రీరామరక్ష అని భావించి.. ఇతర పార్టీల నేతలు టీఆర్‌ఎస్‌ ‌పార్టీలో చేరుతున్నారని కేటీఆర్‌ ‌పేర్కొన్నారు.

Leave a Reply