టోక్యో ఒలింపిక్స్ అప్‌డేట్స్ భారత్‌ ‌ఖాతాలో మరో పతకం ఖాయం

టోక్యో ఒలింపిక్స్‌లో ఈసారి భారత్‌ ‌క్రీడాకారులు ఎన్నడూ పాల్గొనని గోల్ఫ్‌లో రజతం లేదా కాంస్యం పతకం సొంతం చేసుకునే అవకాశం ఉన్నట్లు కనిపిస్తుంది. ఎటువంటి అంచనాలు లేకుండా బరిలోకి దిగిన భారత యువ కెరటం అదితి అశోక్‌ ‌టోక్యో ఒలింపిక్స్‌లో తన అద్భుత ప్రదర్శనతో అదరగొడుతుంది. గోల్ఫ్‌లో వివిధ దేశాలనుంచి 60 మంది పోటీపడుతున్న పోటీలో మూడో రౌండ్‌ ‌ముగిసే సరికి అదితి అశోక్‌ ‌సూపర్‌ ‌పెర్ఫార్మెన్స్‌తో రెండో స్థానంలో నిలిచింది. పతకాన్ని నిర్ణయించే కీలకమైన రౌండ్‌ ‌శనివారం జరగనుంది.

భారీ వర్షం కనుక కురిస్తే.. గోల్ఫ్ ‌నాలుగో రౌండ్‌పై ప్రభావం చూపనుంది. దీంతో మూడో రౌండ్‌ ‌వరకూ ఉన్న ఫెరఫార్మెన్స్ ఆధారంగా తీసుకుని ఫలితాలను ప్రకటిస్తారు. అదే కనుక జరిగే మూడో రౌండ్‌ ‌లో సెకండ్‌ ‌ప్లేస్‌లో ఉన్న అదితికి రజత పతకం ఖాయం.. మూడో రౌండ్‌ ‌ముగిసేసరికి అమెరికాకు చెందిన కొర్దా నెల్లీ 198 పాయింట్లతో ఫస్ట్ ‌ప్లేస్‌ ‌లో ఉంది. ఇక భారత గోల్ఫ్ ‌క్రీడాకారిణి అదితి 201 పాయింట్లతో రెండో స్థానంలో నిలిచింది. తొలిరౌండ్లో 67, రెండో రౌండ్లో 66, మూడో రౌండ్లో 68 పాయింట్లు సాధించింది. భారత్‌కే చెందిన దీక్షా దాగర్‌ 220 ‌పాయింట్లతో ఉమ్మడిగా 51వ స్థానంలో నిలిచింది. గోల్ఫ్‌లో ఎవరికి తక్కువ స్కోరుంటే వారే విజేతగా ఆవిర్భవిస్తారు.

హాకీలో పోరాడి ఓడిన మహిళల జట్టు..చేజారిన పతకం

గ్రేట్‌ ‌బ్రిటన్‌తో శుక్రవారం జరిగిన మ్యాచ్‌లో భారత మహిళల హాకీ టీమ్‌ 3-4 ‌తేడాతో విజయాన్ని చేజార్చుకుంది. ఈ పరాజయాన్ని టోక్యో ఒలింపిక్స్‌లో భారత్‌కి మరో కాంస్య పతకం దక్కకుండా పోయింది. అయితే తుది వరకు పట్టుదలతో పతకం కోసం పోరాడినందుకు భారత మహిళల జట్టుకు ప్రశంసలు వెల్లువెత్లుతున్నాయి.

సెమీస్‌లో రెజ్లర్‌ ‌భజరంగ్‌ ఓటమి..కాంస్యం కోసం నేడు పోటీ
అందరూ ఎన్నో ఆశలు పెట్టుకున్న రెజ్లర్‌ ‌భజరంగ్‌ ‌పునియా నిరాశ పరిచాడు. మూడుసార్లు ప్రపంచ ఛాంపియన్‌గా నిలిచిన అజర్‌బైజాన్‌ ‌హాజీ అలీవ్‌తో పురుషుల ఫ్రీస్టైల్‌ 65 ‌కిలోల సెమీ ఫైనల్‌లో ఓడిపోయారు. అయితే భజరంగ్‌ ‌కాంస్యం కోసం శనివారం పోటీలోకి దిగనున్నాడు. ఇక మరో భారత రెజ్లర్‌ ‌సీమా బిస్లా ట్యునీషియాకు చెందిన సారా హమ్ది చేతిలో 50 కేజీల మొదటి రౌండ్‌లో 1-3 తేడాతో ఓడిపోయింది. ఇక భారత్‌కు చెందిన 4ఐ 400 మీ పురుషుల రిలే జట్టు ఫైనల్‌కు చేరుకోలేకపోయింది.