Take a fresh look at your lifestyle.

‌శాశ్వత శ్వాస స్నేహమే

(నేడు ‘అంతర్జాతీయ స్నేహ దినం’ సందర్భంగా)
ప్రేమ సమ్మిళిత సాగరంలో..
సాంత్వనను కూర్చే స్నేహమేగా..
సకల సంతోషాల కోవెల
పరమానందపు అంచుల్ని..
పరిచయ చేసే అద్వితీయ వరం
నరలోకంలో సజీవంలో స్నేహం !

దుఃఖసాగరపు పడవలో..
సుఖప్రాప్త లేపనామృతం
వర్ణ వర్గ కులమత వివక్షలను..
చెరిపేసే అద్వితీయ నేస్తం
కన్నీటిని ప్రేమతో తుడిచే హస్తం
ఆనంద భాష్పాల నదీ ప్రవాహం !

బేషరతైన ప్రాణమిత్రుడేగా..
చెలిమి చెలిమె మహోన్నత ధార
స్నేహ సుగంధాల సన్నిధి
సకల ఐశ్వర్యాల మనో పెన్నిధి
అద్వితీయ ఆస్థేగా పసందైన దోస్తీ !

ముళ్ళబాటలో పూలను పరిచే..
నిస్వార్థ నికార్సైన అభయహస్తం
మచ్చలేని మనో నిబ్బరం
అమ్మ పాలంత స్వచ్ఛం
ఎవరూ పూడ్చలేని స్థానం
ప్రత్యామ్నాయమే లేని స్నేహం !

ఎడారిలో చన్నీరైన స్నేహం
బాధలో ఉపశమన స్పర్శ
మనసును మైరపించగల..
అసాధరణ అమోఘ అక్షయపాత్ర
కాలచక్రంలో కందెనే కాదు మైత్రి..
తడబడినపుడు ఊతకర్ర కూడా !

స్నేహానికి గుర్తు శ్వేత వర్ణం
రంగుల సింగిడి మిత్ర ప్రసాదం
వాసనలో మల్లెల సుగంధం
రుచిలో అమృత ఔషధం
సుఖదుఃఖాల వెంటే నేస్తం
సర్వరోగ నివారిణే కదా స్నేహం !

– డా: బుర్ర మధుసూదన్‌ ‌రెడ్డి
కరీంనగర్‌ – 9949700037.

Leave a Reply