Take a fresh look at your lifestyle.

తిరుమల వినూత్న ప్రయత్నం

స్వామి వారికి ఉపయోగించిన పూలతో అగర్‌బత్తీలు
వెల్లడించిన టిటిడి ఇవో జవహర్‌ ‌రెడ్డి
తిరుమల, జూలై 21 : టీటీడీ వినూత్న, విప్లవాత్మక నిర్ణయం తీసుకుంది. స్వామివారికి ఉపయోగించిన పూలతో అగర్‌బత్తీల తయారీకి శ్రీకాం చుట్టింది. తిరుమల పరిధిలోని ఆలయాల్లో స్వామి వార్లకు ఉపయోగించిన పూలమాలలతో తయారు చేసే అగర్‌ ‌బత్తుల అమ్మకాలు ఆగస్టు 15 వ తేదీ ప్రారంభించడానికి ఏర్పాట్లు చేయాలని టీటీడీ ఈవో డాక్టర్‌ ‌కెఎస్‌ ‌జవహర్‌ ‌రెడ్డి అధికారులను ఆదేశించారు. టీటీడీ పరిపాలన భవనంలోని తన చాంబర్లో బుధవారం ఆయన అధికారులతో సక్ష నిర్వహించారు. దర్శన్‌ ఇం‌టర్నేషనల్‌ ‌సంస్థ ముడి సరుకు ఖర్చు మాత్రమే తీసుకుని, అగర బత్తులు తయారుచేసి టీటీడీకి ఇస్తుందన్నారు. వీటికి కనీస ధర నిర్ణయించి అమ్మకాలు జరిపేలా చర్యలు తీసుకోవాలని చెప్పారు. మొదటి విడతగా తిరుమల లడ్డూ కౌంటర్ల వద్ద ఆగస్టు 15న అమ్మకాలు ప్రారంభించి, తరువాత ఇతర ప్రాంతాల్లో విక్రయాలకు ఏర్పాట్లు చేయాలన్నారు. పంచ గవ్య తోటి తయారు చేయాలని నిర్ణయించిన 15 రకాల ఉత్పత్తుల గురించి ఈవో అధికారులతో చర్చించారు. వీటిని త్వరలోనే విడుదల చేయడానికి చర్యలు తీసుకోవాలని అధికారులకు సూచించారు.

టీటీడీ ఆయుర్వేద ఫార్మసీని బలోపేతం చేసి మరిన్ని ఉత్పత్తులు తయారు చేయడంపై అధికారులతో చర్చించారు. ఇప్పటికే 115 రకాల ఉత్పత్తులకు ఆయుష్‌ ‌మంత్రిత్వశాఖ నుంచి లైసెన్స్ ‌తీసుకున్నామని అధికారులు తెలిపారు.మరో 70 ఉత్పత్తుల తయారీకి లైసెన్స్ ‌తీసుకునే ఏర్పాట్లు చేస్తున్నట్లు చెప్పారు. ఈ పక్రియ త్వరగా పూర్తి చేయాలని ఈవో ఆదేశించారు. ఫార్మసీ ఆధునీకరణ పనులు త్వరగా పూర్తి చేసి, అవసరమైన కొత్త యంత్రాలు సకరించుకోవడానికి ఈ నెలాఖరుకు టెండర్లు పూర్తి చేయాలని ఈవో ఇంజినీరింగ్‌ అధికారులను ఆదేశించారు. ఎఫ్‌ఏ అం‌డ్‌ ‌సిఏవో బాలాజి, చీఫ్‌ ఇం‌జినీర్‌ ‌నాగేశ్వరరావు, ఎస్‌ఈ ‌జగదీశ్వర రెడ్డి, ఎస్వీ డైరీఫామ్‌ ‌డైరెక్టర్‌ ‌డాక్టర్‌ ‌హరనాథరెడ్డి, ఆయుర్వేద కళాశాల ప్రిన్సిపల్‌ ‌డాక్టర్‌ ‌మురళీకృష్ణ సమావేశంలో పాల్గొన్నారు.

Leave a Reply