Take a fresh look at your lifestyle.

‘‘‌రాష్ట్ర బడ్జెట్లోనూ నిర్లక్ష్యానికి గురైన విద్యా రంగం’’

విద్య అభివృద్ధి తోనే ఆర్థిక అభివృద్ధి సాధ్యమవుతుంది. ఏ దేశ అభివృద్ధి అయినా ఆ దేశ విద్యా అభివృద్ధిని బట్టే నిర్ధారించడం జరుగుతుంది. విద్యాభివృద్ధికి విద్యావిధానం కీలకం. మంచి విద్యా విధానం కలిగి ఉంటే సత్వర విద్యా అభివృద్ధికి దోహదపడుతుంది. తద్వారా సమస్త అభివృద్ధి సాధ్యపడుతుంది. విద్య అనే మహా వృక్షం వేళ్ళు చేదుగానే, అది అందించే ఫలాలు మధురం గాను ఉంటాయని అరిస్టాటిల్‌ ‌పేర్కొన్నట్లు, ఆ ఫలాలు సమాజం లోని అందరికీ అందాలంటే విద్యారంగంలో సమాన అవకాశాలు కల్పించాలి. ఉచిత నాణ్యమైన విద్యను ప్రభుత్వమే అందించాలి. ప్రభుత్వ విద్యను బలోపేతం చేయాలంటే అధిక నిధులు కేటాయించాలి. అందుకే 1966 జాతీయ విద్యా విధానాన్ని రూపొందించిన దౌలత్‌ ‌సింగ్‌ ‌కొఠారి గారు దేశ స్థూల జాతీయ ఉత్పత్తిలో 6 శాతం నిధులు, రాష్ట్రాలు 30 శాతం నిధులు కేటాయించాలని సూచించారు. దేశానికి స్వాతంత్రం వచ్చి 75 సంవత్సరాల ఉత్సవాలు జరుపుకుంటున్న సందర్భంలో విద్యారంగానికి నిధుల కేటాయింపు కొటారి గారు చూపించినట్టు జరగలేదు. గత నెల ఫిబ్రవరి 1న ప్రవేశపెట్టబడిన కేంద్ర బడ్జెట్లో విద్యారంగానికి ఆరు వేల కోట్లు తక్కువగా కేటాయించడం జరిగింది… అదేవిధంగా నేడు ప్రవేశపెట్టిన రాష్ట్ర బడ్జెట్లోనూ విద్యారంగం నిర్లక్ష్యానికి గురైంది.. భారత రాజ్యాంగం పేర్కొన్న సమానత్వ విలువ కోసం, వివక్ష లేని పరిపాలన కోసం తెలంగాణ ప్రజలు ప్రత్యేక రాష్ట్రాన్ని కోరుకున్నారని ఆర్థిక శాఖ మంత్రి ప్రవేశపెట్టిన తనబడ్జెట్‌ ‌ప్రసంగంలో వ్యాఖ్యానిస్తూ నే విద్యారంగానికి తక్కువ కేటాయింపులు ప్రకటించి విద్య సమానావకాశాలు అందించే ప్రయత్నం చేయకుండా వివక్ష చూపెట్టడం జరిగింది. ప్రతి ఏటా రాష్ట్ర బడ్జెట్లో విద్యరంగానికి నిధుల కేటాయింపు తగ్గిపోతుంది. కేంద్ర బడ్జెట్లోనూ విద్యారంగానికి కేటాయింపులకు కోత పడుతుంది. ఏడేళ్ల వయసు ఉన్న తెలంగాణ రాష్ట్రం ఏడు పదులు వయసున్న రాష్ట్రాలతో పోటీ పడుతున్నట్టు చెబుతున్నప్పటికీ విద్యారంగంలో విద్యాభివృద్ధిలో వెనుకంజలో ఉంది. అందుకు కారణం నిధుల కేటాయింపులు తక్కువగా ఉండటమే… గతఆరేండ్ల కేటాయింపులు పరిశీలిద్దా…..

2014- 15 – 10.8 9%
2015 -16 9.69%
2016 -17 – 8.2 3 శాతం
2017 -18 8.49 శాతం
2018- 19 – 8.6%
2019 -20 – 6.7 6%
2020 -21 – 6.69 శాతం
2021- 22 – 6 .76 శాతం

2014 -15 సంవత్సరంలో మొత్తం బడ్జెట్‌ ఒక లక్షా 637 కోట్లు కాగా విద్యకు పదివేల 963 కోట్లు కేటాయించగా , అది బడ్జెట్‌ ‌లో 10 . 89 శాతం గా ఉంది. 2021 -22 ఆర్థిక సంవత్సరానికి ప్రవేశపెట్టిన బడ్జెట్‌ ‌లో తొలి బడ్జెట్‌ ‌తో పోలిస్తే దాదాపు రెట్టింపు పరిమాణంలో రెండు లక్షల 30 వేల 825. 96 ఈ ఆరు కోట్లుగా ఉంది. దాంట్లో విద్యారంగానికి కేవలం 15వేల608 కోట్లు మాత్రమే కేటాయించారు, అంటే 6.7 6 శాతం మాత్రమే.. తొలిబడ్జెట్లో కేటాయించినట్లు ఈ బడ్జెట్‌ ‌లో కూడా కేటాయిస్తే 23 వేల కోట్లు విద్యారంగానికి కేటాయించాల్సి వచ్చేది. కానీ 15 608కోట్ల తోనే సరి పెట్టటం జరిగింది. సంవత్సర సంవత్సరానికి, రోజు రోజుకి ఖర్చులు పెరుగుతున్నందున విద్యాభివృద్ధికి గతంలో కంటే ఎక్కువగా కేటాయింపులు చేయాల్సి ఉండగా కేంద్ర రాష్ట్ర ప్రభుత్వాలు బడ్జెట్లో తక్కువగా కేటాయించడం తో అభివృద్ధి ఎలా సాధ్యం? గత ఆరు సంవత్సరాలుగా విద్యా రంగ అభివృద్ధి చెప్పుకోదగినంతగా జరుగలేదు. ఇతరరాష్ట్రాలలో నూతన సాంకేతిక టెక్నాలజీతో విద్యా రంగ అభివృద్ధి శరవేగంగా దూసుకవెళుతుంటే మన రాష్ట్రం అరకొర వసతులతో విద్యాభివృద్ధి కొట్టుమిట్టాడుతోంది.. కోరనా కాలంలో విద్యఅభివృద్ధి పూర్తిగా కుంటుపడింది. పాఠశాలలో భౌతిక వసతులు సరిపడినంతగా లేకపోవడం వల్ల పక్క రాష్ట్రంలో వలె ఇం కను పూర్తిగా పాఠశాలలు తెలుసుకోలేని పరిస్థితి నెలకొంది.

తెరిచినపాఠశాలలో కూడా కొరోనా కట్టడికి తగిన వసతులు ,చర్యలు లేకపోవడం వలన పలువురు విద్యార్థులు ఉపాధ్యాయులు కరోనా బారిన పడటం జరిగింది . లక్షలాదిమంది విద్యార్థులు చదివే పాఠశాలలో మౌలిక వసతులు, ఉపాధ్యాయులను నియమించకుండా కొద్ది మంది విద్యార్థులు అది ఆర్థికంగా విద్యాపరంగా ముందంజలో ఉన్నవారికి అవకాశం కల్పిస్తూ గురుకుల పాఠశాల లను ఏర్పాటు చేయడం అసమానతలను పెంచడమే అవుతుంది . ప్రభుత్వ సంపదను ప్రజలందరికీ సమానంగా పంపిణీ చేయవలసిన ప్రభుత్వం వివక్ష కు పాల్పడటం సరికాదు. ప్రభుత్వపాఠశాలలో సరైన వసతులు కల్పించకుండా ప్రాధాన్యత లేని పాఠశాలలుగా గుర్తించడం బాధాకరం. ప్రభుత్వ పెద్దలు ఎవరు మాట్లాడినను గురుకులాల గురించి వాటి అభివృద్ధి గురించే తరుచుగా మాట్లాడటం జరుగుతుంది. అత్యధిక విద్యార్థులు చదువుతున్న జిల్లా పరిషత్‌ ‌మండల పరిషత్‌ ‌పాఠశాలల గురించి మాట్లాడరు, పట్టించుకోరు. వాటిపై ప్రభుత్వం శీతకన్ను ప్రదర్శించడం సహేతుకం కాదు. ప్రభుత్వ జిల్లా పరిషత్‌, ‌కేజీబీవీ మరియు మోడల్‌ ‌స్కూల్‌ ‌లలో 2019- 2020 %• •ఱ•వ% ప్రకారం ఇరవై ఒక్క లక్ష 60రెండు వేల811 మంది విద్యార్థులు విద్యను అభ్యసిస్తూ ఉండగా, అన్ని రకాల గురుకుల పాఠశాలలో మూడు లక్షల 90 వేల 137 మంది విద్యార్థులు విద్యను అభ్యసిస్తున్నారు.

ఈ గురుకుల పాఠశాలలో చదివే విద్యార్థులకు సాలీనా ప్రతి ఒక్క విద్యార్థి పై లక్ష రూపాయలు ఖర్చు చేస్తుండగా, అతి తక్కువగా బలహీన వర్గాలకు చెందిన శ్రమజీవుల పిల్లలు చదివే పాఠశాలలో అతి తక్కువ ఖర్చు చేయడం ఆసమాన తలను అంతరాలను పెంచడం వివక్షతను చూపించడమే అవుతుంది కదా’’’’’’ గురుకులాల అభివృద్ధిని మొత్తం అభివృద్ధి గా పరిగణించడం ఎలా సమంజసం అవుతుంది? సమాజంలోని అట్టడుగున ఉన్న ఆఖరి వ్యక్తి వరకు ప్రగతి ఫలాలు అందాలన్న లక్ష్యం ఎలా నెరవేరుతుంది? మెజారిటీ విద్యార్థులు అభ్యసిస్తున్న పాఠశాలలో ఉపాధ్యాయుల కొరత, గదుల కొరత, పౌష్టికాహారంతో కూడిన భోజనం, త్రాగునీరు, మరుగుదొడ్లు సమస్యలు ఎన్నో కలవు. వాటిని సమకూర్చడంలో గత ఆరేళ్లుగా పూర్తిస్థాయిలో చేపట్టిన చర్యలు శూన్యం. వీటిని సమకూర్చాలి అంటే అధిక నిధులు కేటాయించాలి. కానీ అలా జరగడం లేదు. మానవ వనరులను తయారుచేసే కీలక రంగమైన విద్యా రంగం నిర్లక్ష్యానికి గురి అయితే ఆర్థిక అభివృద్ధి లో తెలంగాణ సమాజం వెనకబడి పోయే ప్రమాదం ఉంది. విద్యకు నిధులు కేటాయించడం తక్కువైతే ప్రభుత్వ విద్యా సంస్థలలో వసతులు పెరగక నాణ్యమైన విద్య లభించదు.

ఫలితంగా కార్పొరేట్‌ ‌ప్రవేటు విద్యా సంస్థలు పెరిగి, పేదలకు విద్య అందకుండా పోయే ప్రమాదం పొంచి ఉంది. పేద పిల్లలకు పౌష్టికాహారం అందించాలంటే ఉదయం అల్పాహారం, సాయంత్రం పాలు స్నాక్స్ అం‌దించాలంటే నిధుల కేటాయింపు జరగాలి,. ప్రభుత్వ మండల పరిషత్‌, ‌జిల్లా పరిషత్‌, ‌కేజీబీవీ మరియు మోడల్‌ ‌స్కూళ్లను నిర్లక్ష్యం చేయటం వలన బాలికల విద్యకు తీవ్ర అగాథం ఏర్పడుతుంది. ఈ పాఠశాలలో అత్యధికంగా బాలికలే చదువుతున్నారు. కరోనా మహమ్మారి కారణంగా పది నెలలుగా పాఠశాలలు మూసివేయడంతో, పాఠశాల లు మానిపించేసి బాల్య వివాహాలు చేయడం జరిగింది. అంటే విద్యారంగానికి నిధుల కొరత పరోక్షంగా బాలికల విద్యపై పడుతుంది. ఆధునిక విద్య ద్వారానే స్త్రీ విముక్తి సాధ్యమవుతుందన్న చదువుల తల్లి సావిత్రిబాయి పూలే ఆశయం నెరవేరడం కష్ట సాధ్యం. విద్యా సమాజ అభివృద్ధికి వికాసానికి తోడ్పడుతుంది. పేదరికాన్ని రూపుమాపడానికి , సామాజిక ఆర్థిక సమానత్వం సాధించాలన్నా, సామాజిక వివక్షత తొలగిపోవాలంటే, ప్రజాస్వామ్యం వర్ధిల్లాలి అన్న విద్య తోనే సాధ్యం. అందుకే కొఠారి కమిషన్‌ ‌సూచన మేరకు రాష్ట్ర బడ్జెట్లో 30 శాతం నిధులు విద్యకు కేటాయింపు జరిగితేనే అద్భుతమైన తెలంగాణ సమాజం ను తయారు చేసుకోగలం…

తండా సదానందం, జిల్లా
ఉపాధ్యక్షుడు, టి.పి.టి.ఎఫ్‌. ‌మహబఃబాద్‌ ‌జిల్లా.

Leave a Reply