Take a fresh look at your lifestyle.

విశ్వనగరంలో మత సామరస్యాలకు భంగం వాటిల్లొద్దు

తాత్కాలిక రాజకీయ పదవులకోసం ప్రజల్లో శాశ్వత దూరం సృష్టించకండి.

ప్రపంచంలోని అన్ని దేశాలతో పోల్చుకుంటే భారతదేశానికి ఒక విశిష్టత ఉంది, అదే భిన్నత్వంలో ఏకత్వం. విభిన్న సంస్కృతులకు, ఆచారాలకు, కట్టుబాట్లకు, ప్రాంతీయ భాషలకు మన దేశం నిలయం. భారతదేశంలో ఉన్నప్రధాన నగరాలలో మనహైదరాబాద్‌ ‌సకల మతాలు జాతుల, భాషల ప్రజలకు కన్న తల్లి వంటిది. చరిత్రలోఇప్పటి వరకు ఎటువంటి మతఘర్షణలకు చోటివ్వలేదు మన భాగ్యనగరం. ఇప్పుడిప్పుడే విశ్వనగరంగా రూపుదిద్దుకుంటున్న తరుణంలో గ్రేటర్‌ ఎన్నికలు అనేఅంశం చిచ్ఛులు పెడుతుండడం యావత్‌ ‌ప్రజానికానికి, విద్యావంతులకు, మేధావులను, కలవరపెడుతుంది.

 

ఎన్నికల ప్రచారం అంటే, ప్రజలకు తాము చేసిన అభివృద్ధిని, పరిష్కరించిన సమస్యలను, మళ్ళి తాము చేయబోయే పనులు ప్రణాళికల గూర్చి సామాన్య ప్రజలకు అర్ధమయ్యే విధంగా వివరించాలి. ఒక వేళ ప్రతిపక్షంలో ఉంటేప్రస్తుతం అమలవుతున్న విధివిధానాలలో ఉన్న లోటుపాట్ల గూర్చి, తమకు అధికారం ఇస్తే ప్రస్తుత ప్రభుత్వం కంటే ఎంత సమర్థవంతమైన పాలన అందిస్తారో చెప్పాల్సి ఉంటుంది. కాని, ప్రస్తుతం గ్రేటర్‌ ‌హైదరాబాద్‌ ‌జరిగే ఎన్నికల ప్రచారంలో ఇదేది కనబడకపోగా, కేవలం ఒకరిపై ఒకరు మాటల తూటాలు పేల్చుకోవడం హైదరాబాద్‌ ‌ప్రతికూల ఎన్నికల వాతావరణం సృష్టిస్తుంది.  ఇందులో బిజెపి నాయకులు చేసే వ్యాఖ్యలు క్రొత్త సమస్యలు తెచ్చి పెడుతున్నాయి. బిజెపి ఇంత వరకు తమ ప్రచారంలో అభివృద్ధి, కేంద్ర సహాయం, నిరుద్యోగం, వరదనష్టం, గ్రేటర్‌ అభివృద్ధి గూర్చి మాట్లాడిన దాఖలాలు లేవు. మాట్లాడిన ప్రతిసారి మతపరమైన వ్యాఖ్యలు చేయడంతో మరోసారి తమ పార్టీ సెక్యూలర్‌ ‌పారీ్ట కాదని కేవలం హిందుత్వ వాదమే తమ నినాదామని ప్రజలకు ప్రత్యక్షంగా వెల్లడిస్తుంది.

 

మొన్న ఏకంగా బిజెపి రాష్ట్ర అధ్యక్షుడు తమకు మేయర్‌ ‌పీఠం అప్పగిస్తే పాతబస్తిపై సర్జికల్‌ ‌స్ట్రేయిక్‌ ‌చేస్తామని, పాకిస్తాన్‌, ‌రోహింగ్యాలను వెళ్ళకొడుతామని వ్యాఖ్యలుచేయడంతో నగర అవాక్కవడం ప్రజల వంతైంది. దీనిని బట్టి హైదరాబాద్లో అక్రమంగా వేరే దేశస్థులు ఉన్న సమాచారం బిజెపి వద్ద ఉంటే ఇంత కాలం నుంచి ఎందుకు ఆసమాచారాన్ని దాచి పెట్టారు. రోహింగ్యాలను తరిమి కొట్టడానికి మేయర్‌ ‌పదవి అవసరం ఏముంది. దే• •ప్రధానియే తమ పార్టికి చెందిన వ్యకి్త అయినప్పుడు చిన్న పదవి ఐన మేయర్‌ ‌పీఠం ఎలా అడ్డు వస్తుందో అర్థం కాని విషయం.
దుబ్బాకలో అతిస్వల్ప మెజారిటీతో గెలిచిన పార్టీ మరీ ఇంత దూకుడు ప్రదర్శించడం అవసరమా అనేది కూడా వోటర్‌ ‌మదిలో మెదులుతుంది. ఇంకోవైపు చూస్తే ఎంఐఎం ఇంచుమించు ఈ పార్టీకూడా ఒక మతానికి సంభందించినదిగా ప్రాచుర్యంలో ఉంది, ఈ పార్టివల్ల ముస్లిం మైనారిటీలకు ఎం లాభం జరిగిందంటే సమాధానం లేదు కాని హైదరాబాద్‌ ‌లాంటి ఎన్నికలలో ఈ పార్టీపై ఎక్కుపెట్టి సామాన్య జీవితం గడిపే ముస్లిం ప్రజల మనోభావాలను గాయపర్చటం జరుగుతుంది. ఒక్కోసారి ఆలోచిస్తే మేధావులు, కవులు, రచయితలు, విద్యావంతులతో కూడిన బంగారు తెలంగాణాలో మత తత్వ పార్టీల ఉనికి అవసరమా అనే ప్రశ్న ఉత్పన్నమవుతుంది. మరియు ఇప్పుడు రాష్ట్రంలో శాంతి భద్రతలు కాపాడటమే అత్యంత ప్రధానం కాగా, సంఘ విద్రోహశక్తులను అణిచేందుకు పోలీస్‌ ‌వ్యవస్థ కూడా తమ మూడవ కన్నును ఉపయోగించాల్సిన అవసరం ఉంది. సామరస్యాన్ని దెబ్బతీసే రాజకీయ ప్రయోజనం పొందాలనుకునే వారిని, సంఘ విద్రోహశక్తులను ఉక్కుపాదంతో అణిచి వేయాలి.

 

ఇది ఇలా, ఉంటే, బండి సంజయ్‌ ‌సర్జికల్‌ ‌స్ట్రయిక్‌ ‌వ్యాఖ్యలపై మంత్రి కేటీఆర్‌ ‌ఫై•ర్‌ అయ్యారు. జీహెచ్‌ఎం‌సీలో కేవలం కొన్ని సీట్లు, వోట ్లకోసం బీజే• •ప్రశాంతంగా ఉన్న హైదరబాద్‌లో రెచ్చగొట్టే వ్యాఖ్యలు చేస్తోందని మండిపడ్డారు. హైదరాబాద్‌కు పాకిస్తానీలు, రోహింగ్యాలు వచ్చారంటే కేంద్ర నిఘా వైఫల్యం వల్లే చొరబడ్డారని పలువురు విమర్శిస్తున్నారు. గత ఆరేళ్లలో 40 వేల మంది అక్రమ చొరబాటు దారులు ప్రవేశిస్తూ ఉంటే కేంద్రంలో ఉన్న బీజేపీ ఏంచేస్తోందని ప్రశ్నిస్తున్నారు. వీసా గడువు ముగిసినా పాతబస్తీలోనే నివాసం ఉంటున్న వారిపై ఎందుకు చర్యలు తీసుకోవడంలేదని ఆరోపిస్తున్నారు. ఎలక్షన్‌ ‌కమిషన్‌ ‌కేవలం నగదు ప్రవాహంపైనే దృషి్ట పెట్టకుండా అభ్యర్థుల మాటల ప్రవాహంపైన కూడా ద్రుష్టిపెట్టాల్సిన అవసరం ఉంది.
dr md
డా।। ఎండి ఖ్వాజా మొయినొద్దీన్‌
‌ప్రొఫెసర్‌, అకౌంటింగ్‌ అం‌డ్‌ ‌ఫైనాన్స్, 9492791387

Leave a Reply