Take a fresh look at your lifestyle.

వ్యాక్సినేషన్‌ ‌పక్రియ వేగవంతం చేయాలి

  • ప్రతి ఒక్కరూ టీకా తీసుకునేలా చూడాలి
  • అధికారులతో మంత్రి హరీష్‌ ‌రావు సమీక్ష

రాష్ట్రంలో ప్రతి ఒక్కరికీ రెండు డోసుల టీకా త్వరగా పూర్తి చేయాలని వైద్యారోగ్య శాఖ మంత్రి హరీష్‌ ‌రావు అన్ని జిల్లాల వైద్యాధికారులను ఆదేశించారు. ఒక్క మనిషి కూడా మిగులకుండా ప్రతి ఒక్కరికి కోవిడ్‌ ‌టీకా ఇవ్వాలని సూచించారు. బుధవారం బీఆర్కే భవన్‌లో అన్ని జిల్లాల వైద్యాధికారులతో మంత్రి టెలీ కాన్ఫరెన్స్ ‌నిర్వహించారు. రాష్ట్రంలోని ఏ గ్రామాన్ని వదలకుండా వ్యాక్సినేషన్‌ ‌పక్రియ వేగంగా చేపట్టాలన్నారు. వందకు వంద శాతం మొదటి డోస్‌, ‌రెండో డోస్‌ ‌పూర్తి చేయాలని ఆదేశించారు. పట్టణాల్లో జనాభా ఎక్కువ ఉంటే రూరల్‌లో పని చేస్తున్న వైద్య సిబ్బందిని పెట్టుకుని వ్యాక్సినేషన్‌ ‌పక్రియ వేగవంతం చేయాలన్నారు. ఏ జిల్లా కూడా వ్యాక్సినేషన్‌లో వెనుకపడకూడదన్నారు. వికారాబాద్‌ ‌జిల్లాలో పక్రియ వేగంగా సాగుతుందని, ఇదే తీరులో అన్ని జిల్లాలు ముందుకు సాగాలన్నారు.

ప్రతి డీఎం అండ్‌ ‌హెచ్‌వో ఫీల్డ్‌లో ఉండి వ్యాక్సినేషన్‌ ‌డ్రైవ్‌ ‌నిర్వహించాలన్నారు. జిల్లా కలెక్టర్‌తో పాటు అన్ని శాఖలతో సమన్వయం చేసుకుని కార్యక్రమాన్ని విజయవంతం చేయాలని సూచించారు. వారం తర్వాత కలెక్టర్లతో ఈ విషయంలో సమీక్ష సమావేశం నిర్వహిస్తామన్నారు. ఇప్పటికే అన్ని రంగాల్లో రాష్ట్రాన్ని నెంబర్‌ ‌వన్‌గా ఉండేలా సీఎం కేసీఆర్‌ ‌తీర్చిదిద్దారని, అదే స్ఫూర్తితో వ్యాక్సినేషన్‌లో రాష్ట్రం దేశానికే ఆదర్శంగా ఉండేలా పని చేయాలన్నారు. టీమ్‌ ‌వర్క్‌తో ఇది సాధ్యమవుతుందని చెప్పారు. ఈ టెలీ కాన్ఫరెన్స్‌లో ఆరోగ్య శాఖ కార్యదర్శి రిజ్వీ పాల్గొన్నారు.

Leave a Reply