Take a fresh look at your lifestyle.

విజయవాడ చేరుకున్న ప్రవాసాంధ్రులు ప్రత్యేక బస్సుల్లో తరలింపు

విజయవాడ,మే 20 : బ్రిటన్‌ ‌నుంచి గన్నవరం ఎయిర్‌ ‌పోర్టుకు 156మంది ప్రవాసాంధ్రులు చేరుకున్నారు. గన్నవరం విమానాశ్రయంలోనే వీరికి స్క్రీనింగ్‌ ‌పరీక్షలు నిర్వహించారు. పరీక్షల అనంతరం ప్రత్యేక బస్సుల్లో వారిని స్వస్థలాలకు తరలించారు. ఎయిర్‌పోర్టు వద్ద అధికారులు 9 బస్సులు ఏర్పాటు చేశారు. కొవిడ్‌-19 ‌కారణంగా విదేశాల్లో చిక్కుకున్న వారిని ఏపీకి తీసుకు రావడానికి ముఖ్యమంత్రి వైఎస్‌ ‌జగన్‌ ‌మోహన్‌ ‌రెడ్డి ప్రత్యేక చొరవ తీసుకున్నారు. వందే భారత్‌ ‌మిషన్‌ 2‌లో భాగంగా మొత్తం 13 విమానాలు ఏపీకి రాబోతున్నాయని ఏపీ ఎన్‌ఆర్‌టీ ప్రెసిడెంట్‌ ‌మేడపాటి వెంకట్‌ ‌చెప్పారు.

విశాఖ విమానాశ్రయానికి ఫిలిప్పీన్స్, అబుదాబి నుంచి మంగళవారం ప్రవాస ఆంధ్రులు చేరుకున్నారన్నారు. సౌదీ అరేబియా జెడ్డా నుంచి 78 మంది గన్నవరం విమానాశ్రయానికి మరికొందరు రానున్నారని తెలిపారు. కువైట్‌ ‌నుంచి గురు,శుక్రవారాల్లో 144 మంది గన్నవరం విమానాశ్రయానికి రానున్నారని మేడపాటి వెంకట్‌ ‌తెలిపారు. ఆమ్నెస్టీ ద్వారా కువైట్‌ ‌నుంచి రెండు విమానాల ద్వారా గన్నవరం విమానాశ్రయానికి రానున్నారని, ప్రవాస ఆంధ్రులు 14 రోజులు క్వారం టైన్‌ ‌తప్పనిసరి అని పేర్కొన్నారు.

Leave a Reply

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy